أهلا بيكم في الحلقة رقم ١٩  من برنامج:أسلوب في رمضان
 
وحلقة بعنوان… طريق نجاح… ريوايند
 
إنت… قاعد معانا النهاردة… فاتح الحلقة دي وبتتفرج عليها لسبب واحد
 
إن إنت شخص… عاوز يغير حياته … وماشي معانا في رحلة أسلوب علشان كلنا نغير حياتنا
 
يبقى… ده وقت مهم جدا… إننا… نفتكر و نراجع مع بعض… طريق النجاح اللي بدأناه
 
أنا جايلكم النهاردة, بأفكار مهمة… من حلقات أستوديو أسلوب اللي غيرت حياة كتير جدا من متابعينا
 
في الحلقة الأولى… إتكلمنا على أهمية إن كل واحد فينا يكون كريم مع الناس 
وإن إحنا ما نبخلش بكلمة طيبة أو تشجيع لأي شخص حوالينا
 
كليك… جزء من الحلقة (خليك كريم مع الناس… شجعهم )
 
في الحلقة التانية… إتكلمنا على ٦ عادات نجاح… لما نكررهم في حياتنا… حياتنا هاتتغير للأحسن
 
كليك… جزء من الحلقة (التكرااار… بيعلم.. لأه مش مش ده.. بيعلم الشطار)
 
في الحلقة التالتة… إتكلمنا إزاي نقدر نتغلب على يوم صعب… وباين من أوله
 
كليك… جزء من الحلقة (الجزء التالت… الحاجات اللي ممكن نعملها… شيكولاتة … قهوة في البلكونة)
 
في الحلقة الرابعة… اللي هي أهم حلقة أنتجناها في أسلوب من أول لما بدأنا
إتكلمنا فيها عن تحديد وتحقيق الأهداف في الحياة
 
كليك… جزء من الحلقة (أهدافك لو مش مكتوبة… تبقى مجرد أحلام)
 
في الحلقة الخامسة, إتكلمنا فيها عن حيل ذكية للمذاكرة مع الأبناء للحصول على النمر النهائية
 
كليك… جزء من الحلقة (الولد وهو بيجننها… والراجل وهو بيهرب)
 
في الحلقة السادسة… إتكلمنا عن الطلاب اللي بيهربو من المذاكرة… للنووم
 
كليك… جزء من الحلقة ( دافنشي… وجدول النوم… وإنت عاوز… ولا إنت عاااااوز)
 
في الحلقة السابعة… مذكرات طالبة مثالية… إتكلمنا فيها إزاي طالبة إتحولت لطالبة متفوقة ومثالية
 
كليك… جزء من الحلقة ( التسجيل الصوتي… الجزء الأخير لما تخنت)
 
 
الحلقات اللي فاتت دي… غيرت حياة وتفكير كل متابعين أسلوب… اللي بيكتبوا الخطوات اللي في الحلقات… وينفذوها فعلا
 
إنت كمان… حتى لو كنت تابعت كل الحلقات دي… وغيرت لك حياتك…
لازم ترجع مرة تانية, وتراجع على كل حلقة من دول ب ورقة وقلم… علشان تكون دايما دايما دايما… مشحون بالإيجابية والحماس… وماتشتكيش إنك بتتشجع شوية … وتهبط من غير ما تنفذ
 
واجب الحلقة النهاردة:
هات كراسة أسلوب في رمضان بتاعتك
وإكتب … إيه الفكرة المهمة من كل حلقة من الحلقات اللي عرضناها النهاردة
ممكن تنفذها… وتخلي ليها تأثير في حياتك
وحط خطة إنك تشوف الحلقات كاملة… علشان تستفاد إستفادة حقيقية 
 
 
إكتبلنا دلوقتي في كومنت… فكرة شوفتها في حلقات أستوديو أسلوب… كانت مهمة ليك… والفكرة دي مهم إن باقي الناس تقرأها وتستفيد منها
 
وإعمل شير لحلقة النهاردة
 
ورمضان كريم