عندنا يقين, إنك مش بتعدي على حاجة مجرد صدفة
عندنا يقين, إن حتى قرائتك للكلام ده دلوقتي حالا, وفي الوقت ده بالذات, مش صدفة
عندنا يقين إن عندك حاجات وظروف وضغوط وأوقات كتيرة أحزان مصعبة عليك الحياة
ومصعبة عليك إنك تستمتع بأي حاجة كويسة
و عندنا يقين إنك وصلت ل حالة, بقى الوقت اللي بتستمتع فيه بحاجة في الحياة… الحاجة دي ممكن أوي تكون هي اللي بتعطلك عن سعادتك وعن نجاحك
من الآخر كده… إحنا متأكدين إنك ما وصلتش للجزء ده من الكلام مجرد صدفة… إنت يا إما راجع مرة تانية تقرأه علشان إنت فعلا محتاج تسمعه تاني وتالت ورابع
يا إما ربنا بعت الكلام ده في طريقك دلوقتي حالا وخلاك تقرأه علشان يكون باب جديد تقدر تفتحه
باب… لدنيا تانية يمكن ما كنتش هاتدخل فيها لولا إنك لقيت الباب ده, وإيدك دلوقتي على مقبض الباب وممكن تفتحه
الكلام ده, في الوقت ده بالذات وبالتحديد, كأن إيدك على مقبض باب, وتقدر فعلا تفتحه وتدخل في حياة جديدة أوي
حياة… فيها السعادة هي هي طريق النجاح … مش السعادة في تضييع وقت ولا إنك تعمل حاجة عارف إنها غلط وتبعدك عن ربنا
باب… بيوصلك للحياة اللي إنت ممكن تكون بتحلم
باب لحياة بتقدر فيها تصحى من النوم في الوقت الصح بالظبط
باب لحياة, تقدر فيها تعمل الشغل اللي وراك دلوقتي حالا, و يكون شغلك ده هو الإستمتاع بتاعك بالحياة
باب بجد… لطريق كله سعادة … وطريق كله نجاح
باب… ومقبض الباب في إيدك إنت لواحدك دلوقتي حالا… تقدر تفتحه
… جرب كده…
إفتح معانا الباب
وشوف الحياة فيها إيه
شايف؟
شايف نفسك وإنت بتستمتع بإنك بتقول للغلط لأه ومليون لأه؟
شايف نفسك وإنت قاعد على مكتب دلوقتي, بتعمل الشغل اللي وراك أو بتذكر أو حتى بتكتب أفكارك لحياة جميلة؟
شايف نفسك؟
بجد… قادر تشوف نفسك؟
طيب… إفتح الباب يالا
وادخل فيه
الباب ده فيه سعادتك بجد والله
مطلوب منك حاجتين بس
١- بطل الحاجات الغلط اللي بتعملها… حتى لو أخدت قرار إنك هاتوقف كل حاجة غلط لمدة ساعة واحدة بس من دلوقتي
٢- إعمل الحاجات الصح اللي بتإلمك بجد… وإستمتع فيها بالألم بجد

https://www.youtube.com/watch?v=ftR36adYGbY