المبدأ رقم ١١ من سلسلة ال ٢١ مبدأ لحياة أكثر إيجابية

ايه هي اكبر معوقات نجاحك؟

أهلا بيكم في, والمبدأ رقم ١١ من سلسلة ال ٢١ مبدأ لحياة أكثر إيجابية

حدد ايه هي اكبر معوقات نجاحك؟

كلنا عندنا حجج وأسباب بتخلينا مانوصلش للنجاح اللي بنتمناه

فكر كده لما حد بيسألك إنت ليه مش محقق حلمك, إنت ليه ماوصلتش لهدفك لحد دلوقتي

يا ترى هاتجاوب وتقول إيه

لازم إجابتك للأسئلة دي تكون واضحة ليك وضوح الشمس

وتبقى عارف كويس أوي, إيه هي الأسباب أو المعوقات اللي بتمنعك من الوصول لهدفك لحد دلوقتي

زي مثلا, إحتياجك إنك تتحس في اللغة الإنجليزية مثل, علشان تقدر تتوظف في الوظيفة اللي نفسك فيها

أو إنك تكون محتاج تتعلم مهارات كمبيوتر, علشان تقدر تدير مشروعك من إدارة وحسابات وتسويق

وإزاي تعرف تعمل بحث على الإنترنت, عن إزاي تطور من الخدمة أو المنتج اللي بيقدمه مشروعك

دا غير إننا نستفيد من صديقنا جوجل, وفيديوهات يوتيوب, علشان نطور من نفسنا, وشغلنا

في حاجات كتير لو إتعلمناها, هاتضاعف من نجاحنا في شغلنا ودراستنا

عايزين ناخد خطوات إيجابية, إننا نتعلم الحاجات دي

ونسأل نفسنا, إيه أكبر معوقات النجاح اللي معطلانا في الوصول لأهدفنا

(تقسم الشاشة نصفين – نصف أسلوبي ويلبس لبس خدمة العملاء ويقول بصوت أسلوبي)

صوت أسلوبي: أنا مش بلاحق على العملاء اللي بيجولي في العيادة علشان أسجلهم مواعيد وآخد بياناتهم

صوت مهندسة بانسيه: يبقى لازم تتعلم طريقة الكتابة السريعة على الكمبيوتر يا أسلوبي, اللي إسمها تاتش تايبينج, هاتوفر لك وقت كبير

وهاتخليك تخلص إدخال البيانات بسرعة جدا… وبكده هاتخلص شغل أكبر بكتير في وقت أقل, وهاتكون أفضل في شغلك

ممكن تتعلم التاتش تايبينج من الفيديو ده من الكارد اللي ظهر ده, وهاتلاقي اللينك بتاعه في الديسكريبشن تحت الفيديو على قناة أسلوب على يوتيوب

———————————

(يظهر أسلوبي مرة ثانية, ويلبس بدلة – الوقت بيضيع مني في شغلي, إني أحاول أكتب إيميل بالإنجليزي… وأقعد أدور على جوجل ترانزليت, والمعنى مش بيكون مظبوط برضه في الآخر)

يبقى لازم تاخد كورس إنجليزي يا أسلوبي, وتحسن نفسك في اللغة, وتشوف فيديوهات تعلمك الإنجليزي… وروح شوف يا أسلوبي حلقة رقم ٨ من برنامج أسلوب في دقيقة

علشان تعرف إزاي تبدأ رحلة تعلم لغة أجنبية بجد… إضغط على الكارد اللي ظهر, وكمان اللينك في الديسكريبشن يا أسلوبي

—————————————

(يظهر أسلوبي ويلبس نظارة – لبس طالب) ويجلس على مكتب مذاكرة, ويقول: مش بلحق أذاكر, وقتي ضيق جدا, اليوم بيضيع في المواصلات و الدروس)

يبقى تتعلم إزاي تنظم وقتك يا أسلوبي, وتتعلم أساليب المذاكرة الصحيحة

وهاتلاقي فيديوهات كتيرة في أسلوب لتنظيم الوقت وللمذاكرة الفعالة

تنظيم الوقت

جميع فيديوهات المذاكرة

 

 

——————————

(ظهور شخصية مديحة وعندها باروكة وبتعيط: أنا عندي بيبي صغير, مش بقدر أعمل أي حاجة, ولا أنزل أشتغل, لأني لازم أقعد طول الوقت معاه… ومعنديش بديل لكده)

دي فترة مهمة جدا في حياتك, لازم كل طاقتك وتركيزك يكون مع البيبي ده, الذكاء بقى إنك تنهزي فرصة قعادك في البيت دي, وتبدأي تقرأي وتطوري من نفسك

أو تحضري حتى ماجيستير أون لاين

 مديحة ترد: ماجيتسير مين حدريتك… دا أنا مش بلحق أنام ساعتين على بعض

تقدري والله, في ألاف من الأمهات حضرت ماجيستير ودكتوراه في الوقت اللي عندهم أطفال كتير و… في أمهات تانية في نفس الوقت… بتعيط على الفاضي

خدي أفكار بقى:

١- لو إنتي دمك خفيف… ممكن تعملي قناتك على يوتيوب, تعرضي فيها أفكارك وأرائك بطريقة مضحكة تجذب الناس

٢- أو حتى تعلمي علم للناس, ممكن تعلمي الرسم… أو تتعلميه مش مشكلة

٣- ممكن كمان تعملي صفحة على الفايسبوك وتسميها أمهات إنتحاريات… وتحطي فيها صور ستات بتشد شعرها طول اليوم… وتحطي فيها معلومات عن أي حاجة بتفهمي فيها, موضة, أزياء, طبيخ, بطيخ… أي حاجة

ممكن حاجات كتيرة جدا تقدري تعمليها, وإستغلي الفترة دي من حياتك

أحسن من أي فترة تانية تكوني فيها خارجة مثلا

المهم, تعملي نظام لأحياتك…… و خلي بالك اللي بيكون عاوز ينجح بينجح بالرغم من كل الظروف و ده اذا كان فعلا جاد ةفى رغبته للنجاح.

ياريت كلكم تفكروا دلوقتي حالا فى ايه هي المعوقات اللي منعاكم من النجاح و من الوصول لأهدافكم……و كمان تفكروا إزاي تقدروا تتغلبوا عليها.

أعملوا شير للحلقة و اعملوا لايك…..و منشن لكل اصحابكم علشان يستفادوا من الحلقة و تساعدوهم علي النجاح فى حياتهم.

و متنسوش تتابعوا كل حلقات أسلوب و كمان دلوقتي تابعونا علي الانستجرام.

 

مديحة: إنستجرام؟ إنستاجرام مييييين؟ سيبكوا منها, إعملوا لايك وشير بس… قال إنستجرام قال, ياصباح الإجرام

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#موبايلك ‫#الأندرويد من هنا:
http://bit.ly/osloop-android
وأسلوب ‫#أيفون من هنا:
http://bit.ly/osloop-iOS-eg
وده, ‫#موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife