السؤال الأشهر لكل الأمهات اللي أولادهم بدأوا الأجازة: أولادي هايجننوني من الطاقة اللي عندهم بعد الأجازة… وبقول: إمتى الدراسة ترجع تاني… علشان تلم الأشكال دي 😳🤒🤕

أهلا بيكم في الحلقة رقم ١٦ من برنامج أسلوب في دقيقة

اللي بنجاوب فيه على الأسئلة اللي بتوصلنا في كومنتس… بس مانوعدكوش إنها تكون دقيقة بالظبط

سؤال النهاردة … وصلنا من أمهات كتير… لكن كل شخص فينا ممكن يستفيد من الأفكار اللي فيه ويطبقها في حياته

أولادي خلصوا إمتحانات… و عندهم طااااااااقة وهمية… وبيطلعوها عليا … وبيخلوني أقول… إمتى المدارس ترجع تاني علشان تلم الأشكال دي

مع إني من أسبوع بس…. كنت بحلم بالأجازة!!!! ممكن تليفون طبيب نفساني من فضلك.

الجواب: مش إنتي لواحدك والله

دي كل أم عندها نفس التحدي ده… بس الجميل… إنه كل ده في مصلحتك إنتي وأولادك

أهم نقطة لازم نتفق عليها الأول:

– إن الأطفال عندهم طاقة … ولازم هايطلعوها غصب عنهم

وإنتي كا أم ذكية, و حسب معرفتك بأولادك و طباعهم, وإحتياجاتهم والمهارات اللي بيحبوها والإمكانيات المتاحة ليكي… لازم تستثمري الفترة دي في حياة أولادك… في تكوين أجمل نسخة مبهرة منهم… يشكروكي عليها لما يكبروا إن شاء الله.

خلاص؟ إتفقنا إن:

 حسب هما بيحبوا إيه… وحسب تخطيتك وإمكانياتك… لااااازم تخليهم يستثمروا الطاقة دي في حاجة تخليهم متميزين….

يبقى دي بعض الإقتراحات اللي ممكن تخليهم يعملوها في الأجازة… مع مشرف أو مدرب غييييرك

١- حفظ قرآن.

٢- تعلم الرياضة اللي بيحبوها صح على إيد مدرب

… عندك كورة بأنواعها, وسباحة وكاراتيه وباليه وجومباز… شوفي أولادك بيميولوا لرياضة إيه… ونميها فيهم

٣- تعلم الرسم أو أي هواية إبداعية.

٤- أي نشاط ممكن يحسن من تعليمهم… على شرط: يكون كله لعب وإبتكار… ومايكونش نفس نظام المدرسة

٥- تخطيط لخروجات وفسح وزيارة الأقارب ونشطات تريفيهية لكم مع بعض.

وإنتي كاأم… أكيد عندك إقتراحات أكتر… شاركينا بيها في كومنت, علشان كلنا نستفيد… وشيري الحلقة  …وأكيد… إكتبولنا أسئلتكم لحلقاتنا اللي جاية


الحلقة صوت فقط على ساوند كلاود