و الحقيقة ان معظم الناس اللي حولت حياتها ١٨٠ درجة هما اللي ما خافوش ….هما اللي خاطروا و اخدوا القرار من غير اي ضمان…...ضمانهم بس كان" العمل و الإجتهاد و الإيمان بالله".....

كل واحد فينا عنده أهداف و احلام مختلفة عن غيره….مبادئنا مختلفة، تفكيرنا مختلف و طموحتنا مختلفة عن بعض… فيه اللي بيهمه الفلوس...و فيه اللي بيهمه المظاهر….فيه اللي مش بيهمه حاجة فى الدنيا غير دينه و ثباته عليه لكن فيه حاجات الناس كلها بتجتمع عليها….مهما لفيت بلاد العالم ….أجناس و ديانات مختلفة….فيه حاجات بتجمع بينا كابني آدمين…بتجمع بينا كبشر. إحتياجات ثابتة عند كل الناس اللي خلقها ربنا… زي إحتياحنا للاحساس براحة البال ...بالرضا و السكينة…...إحتياحنا للإحساس بالسعادة و تجنب الإحساس بالخوف أو القلق.... بنحتاج أننا نحس بالتغيير فى حياتنا علشان نحس أننا عايشين و ما يكسرناش الملل..

إحتياحنا أننا نحس بأن فيه ناس بتحبنا و بتراعينا….إحتياجنا أننا نحس بقيمتنا و تقدير من الناس اللي حولينا و اللي يهمنا صورتنا قدامهم. مين فينا مش بيحتاح يحس أنه مميزو ان الناس بتحبه و تقدره؟؟…. مين فينا مش بيحتاج يحس بكيانه و أن ليه دور مهم فى حياة ناس تانيين؟ ------------------------------------------------- للأسف سعينا لتحقيق الإحتياجات دي فى معظم الاحيان بيكون غلط… بنختار دايما الطريق الغلط و الطريق السهل… علشان نلفت انتباه الناس لينا بنزيف كتير من حقيقتنا قدام الناس…. علشان نحس باهتمام الناس بينا بنضطر اوقات كتير من أننا تخدع نفسنا قبل ما تخدع الناس بصورة مزيفة من حياتنا….بس علشان نلفت الانتباه لينا… صور لينا علي الفيس بوك بنعدلها بكذا فلتر قبل ما ننشرها و بوستات عن حياتنا...ورحلاتنا و خروجتنا….. مسابقة بينا و بين قرايبنا….مين اكتر واحد يثبت انه سعيد فى حياته… مين اكتر واحد بيسافر….مين اكتر واحد بيصيف فى اغلي مكان….

مع ان ممكن ورا كل صورة صورة حزن بنغطي عليه علشان نظهر بأبها صورة تبهر الناس اللي حولينا..….بس لغرض واحد : علشان نلفت الانتباه لينا…. بنضيع وقت كبير اوي و طاقة أكبر علي التفكير برأي الناس فينا و صورتنا قدامهم…..و اسهل وسيلة نجمل بيها حياتنا قدام الناس…. صور ننشرها مجرد صور …..اسهل طريقة….. كمية طاقة وهمية بنستنزفها و احنا بتتابع مين راح فين و مين جاب ايه….و مين اتجوز مين… مين فينا ماتحرقش دمه اكتر من ١٠٠ مرة لما دخل علي الفايس بوك… ماتضحكش علي نفسك و تقول مش انا…. فكر شوية و احسبها صح….مادام مابندفعش فلوس للخدمات اللي بتقديمها السوشيال ميديا يبقي احنا اكيد السلعة اللي بتتابع… نسبة مشاهدة و إعلانات….ياريت كلنا نعرف الحقيقة دي…..و نحاول بقدر الإمكان أننا ندخر و نستغل الطاقة اللي بتضيع مننا علي الفاضي فى أننا ننجح حياتنا…. ادخل علي السوشيال ميديا...بس خلي عندك هدف من دخولك… اسال نفسك: انا هادخل علي الفايس بوك ليه؟ ايه الغرض؟ انا هاعمل ايه علي الفايس بوك؟ لازم تسأل نفسك السؤال ده… اذا ملقتش إجابة….ما تدخلش لو إجابتك انك بتتسلي و تضيع وقت …..يبقي ما تدخلش...حرام عليك وقتك….. وفر وقتك الثمين ده فى التفكير فى النجاح…. فى التخطيط النجاح…….فى عمل اي حاجة مفيدة….غير انك تضيع وقت و يتحرق دمك…. النجاح طعمه حلو اوييي...خصوصا لما يكون النجاح فى الخير…. لو عايز تنجح بسرعة اربط نجاحك دايما انه يكون نجاح فى الخير و شوف تساهيل ربنا عليك.. النجاح مش محتاج الموهبة…. ولا محتاج الفلوس...النجاح بيحتاج هدف واضح و مجهود و سعيي لتحقيق الهدف…. لو شايف نفسك بتشتغل و بتموت نفسك شغل….بس مش عارف بكرة انت عايز توصل لأيه…..او مجهودك ده عايزه يوصلك لأيه…...يبقي عيد حساباتك كوييس…...السعي و العمل من غير غرض و هدف عايز توصل ليه…..زي اللي بيمشي فى طريق طويل فيه جهد و تعب كبير بس الطريق ده مش عارف نهايته فين….

-------------------------------------------------------------------- لو عايز اهتمام من الناس….النجاح بس هو اللي هايجذب الناس ليك…...النجاح بس هو الوسيلة الأساسية للسعادة….انجح و اربط نجاحك بالخير…. دايما بنخاف و نتردد عن اننا ناخد قرارت متعلقة بنجاحنا….دايما بنطلب الضمان علي أي تغيير بنعوز نغيره فى حياتنا ….دايما بنطلب الضمان علشان ناخد اي قرار….. بنطلب التغيير فى حياتنا بس بنخاف منه حتي لو كان تغيير للافضل…. دايما عندنا مقولة " عصفور فى اليد".....او "اللي نعرفه احسن من اللي منعرفهوش".....