الاستعداد للعام الدراسي الجديد

 

 https://bit.ly/OSLOOP-STUDIO-19L29W

 بالمناسبة, لو عاوز تتعلم طريقة عمل فيديوهات كارتون أنيميشن إحترافية من الصفر, بدون أي معرفة بأي رسم أو بأي برامج وبدون أي خبرة أبدا بالأنيميشن, تقدر تشترك في كورس تعلم صناعة فيديوهات كارتون أنيميشن وطرق التربح منها مثل قنوات أسلوب من الرابط ده, بكود خصم خاص جدا … خصم أكتر من ٥٠ دولار متاح حاليا للكورس

 

 

أهلاً بيكم أعزائي وأصدقائي الأسلوبيين في حلقة جديدة كلكم مستنينها من حلقات ” استديو أسلوب”
– مستعدين للعام / للسنة الدراسية الجديدة ؟؟
لا لا لا لأ ه ه ه
سمعاك يالي بتقول “لا”
هو أنا بصراحة و كلام في سركم ماسمعتش حد بيقول “أه” و لكن يا أصدقائي لابد  بعد نهاية الأجازة أن تعود الطيور المهاجرة لاوطانها
– على العموم أنا جايلكم انهاردة مخصوص علشان اشجعكم و افتح نفسكم و اقول لكم علي 5 طرق تستعدوا بيها لبداية عام دراسي جديد
“يا رب يكون عام دراسي جميل و سهل علي كل الطلبة والطالبات في كل مكان ان شاء الله.

 

– الخطوة الأولي:- اشتري أدوات دراسية جديدة تفتح نفسك علي المذاكرة
أنا علشان ابدأ أكتب سكريبت الفيديو ده اشتريت بصراحة قلم جديد و نوت بوك جديد عليه ورد و ألوانه حلوة أوي علشان تفتح نفسي
“ايه رأيكم فيه ؟؟ ”
أنتم كمان أشتروا كراسات جديدة وأقلام وألوان تفتح نفسكم و ما تنسوش الورق الملون علشان الملخصات و ال sticky notes علشان الجداول و الملاحظات !!
– لو قدرتوا تشتروا كمان مج جديد لزوم الشاي و التركيز و ازازة المياه اللي هتحطها قدامك على مكتبك علشان ماتعملش حجة المياه و كل شوية تقوم علشان عطشان . يبقي دي أول خطوة تستعد بها 


– الخطوة التانية :- ضبط مواعيد نومك:
طبعاً في البداية الدراسة  مش هيكون نومك مضبوط لانك واخد علي السهر و النوم الفجر بقالك فترة في أجازة الصيف.
فأول خطوة علشان تقدر انك تستعد للصحيان بدري أنك تبدأ تضبط مواعيد نومك و تدخل تنام بدري ½ ساعة أو ساعة عن الأيام اللي قبل كده – في البداية هيكون الموضوع صعب لكن مع بعض المحاولات من تهيأة جو غرفة نومك و أخذ شاور بجانب شرب حاجة دافية قبل النوم هيساعدك تتغلب علي الموضوع ده .
فيه ناس كمان بتشغل أوديو بوك قبل النوم و تنام عليه -“زي حلاتي كده” خصوصاً لو الأداء الصوتي هادئ و مريح .
و في ناس بتشغل بعض ال sound tracks المهدئة للأعصاب زي “صوت البحر – و خرير المياه ” و هكذا ، و ديه برضه طريقة تساعدك على النوم .
ممكن كمان تستخدم ” قاعدة ال5 ثواني “ايه قاعدة ال5 ثواني دي بقي ؟؟؟ افشتك!! يبقي انت ما شفتش الفيديو بتاع تلخيص الكتاب ده . الكتاب ده لخصناه في حلقات “مكتبة أسلوب ” للكاتبة “ميل روبنز”و  اللي بتتكلم فيه عن قاعدة “The 5 Sec Rule ” و اللي ساعدتها علي أنها تقدر تصحى من النوم من غير ما تضغط علي زرار “snooze” للمنبه واللي بيقعد يأجل في صوت المنبه كل ما تضغط عليه…إليكم القاعدة  هعرضها عليكم دلوقتي….….  

لينك الحلقة كاملة https://youtu.be/YrcGrY8WzPg


– نيجي للخطوة رقم 3
اتفرج علي طرق جديدة للمذاكرة و دي حاجة سهلة جداً و قناة أسلوب مليانة فيديوهات كثيرة جداً عن المذاكرة زي حلقة :
1- طريقة ذكية جدا ل المذاكرة هتغير حياتك كا طالب ! أسلوب في دقيقة 21 Smart Study tips osloop  – لينك الحلقة – https://youtu.be/yZFQdrrKkNg

 

2- إزاي تخلي المذاكرة وقت ممتع ولعبة مسلية؟ افكار أسلوب حلقة 1 قصتي من الفشل للتفوق Study
OsLoop  – لينك الحلقة – https://youtu.be/GK4OoBbisvs


3- مذكرات طالبة مثالية | أستوديو أسلوب حلقة 7 diaries of an excellent student

 – لينك الحلقة –  https://youtu.be/pW52vutiifI

 

4- المذاكرة من أول السنة أهو, علشان ماتقولش كنتوا فين من أول السنة : طريقة المذاكرة اللي مستحيل تنساها  – لينك الحلقة – https://youtu.be/1In4uchjI5M


و دي ثالث طريقة تستعد بها للعام الدراسي الجديد مشاهدة فيديوهات عن المذاكرة و طرق المذاكرة الفعالة
أكيد هتستفيد و هتطلعلك معلومتين أو ثلاثة تلاقيهم فعالين و بيشتغلوا معاك .


– الخطوة رقم 4 :- فضي مكتبك 

رتب مكتبك و فضيه من أي حاجة مالهاش لازمه علشان تخلق مساحة منظمة ومريحة لمذاكرتك و ياريت تكون الإضاءة فيها كويسة علشان مايكبسش عليك النوم و انت بتذاكر

 و ممكن كمان كل فترة تغير من المكان اللي بتذاكر فيه – أي مكان هادي و تكون الإضاءة فيه كويسة ،اتكلمنا على النقطة دي بالتفصيل في المبدأ رقم 8 من سلسلة حلقات مبادئ أسلوب و اللي هما 21 مبدأ .. لينك الحلقة   https://youtu.be/2O9zMjidFbc


– الخطوة رقم 5 

تمارين التركيز اللي هتخليك تندمج فى المذاكرة
فيه تمارين مفيدة جداً و مسلية بتساعدك على التركيز و الإستعداد أنك تبدأ تذاكر .
ساعات  مش بيكون لنا نفس نذاكر فلو بدأنا بالتمارين دي هتفيدنا جداً و هتخلينا وحدة وحدة نندمج في الكتابة و تسهل علينا أننا نبدأ نذاكر الدروس اللي علينا
* بعض الأفكار للتمارين دي :
– لعبة المتاهة  مثلا ، و ممكن تطبعها من علي الانترنت بسهولة.
-ال Memory Games و دي ليها اشكال كتير اوي و ابسط مثال ليها هي انك تبص على صورة فيها تفاصيل كتير و بعدين تخبيها و تحاول تفتكر التفاصيل او الاشياء اللي فيها و كمان تمرين تاني انك توجد الاختلافات بين صورتين كلها تمارين عارفينها من و احنا اطفال و اكيد مرت عليك قبل كده
العصر الحديث ان فيه أبلكيشنز كتير جداً ممكن تنزلها علي موبايلك تساعدك علي التركيز و فيها مايند جامز او  تمارينات عقلية للتركيز تقدر تنزل واحد بس اللي تلاقيه مناسب ليك زي واحنا دورنا علي بعض الامثلة علي الplaystore و كتابنا لكم اساميهم برده

شعلة

https://play.google.com/store/apps/details?id=com.sho3lah.android
درب التحدي – العاب ذكاء ‎

https://play.google.com/store/apps/details?id=nuea.apps.drbtahadi

 

Skillz – Logic Brain Games

https://play.google.com/store/apps/details?id=net.rention.mind.skillz


وبجانب انك ممكن تلاقي كتب لتمارين التركيز موجودة في المكتبات تقدر تشتريها .
واللي عايز يحسن خطه و- هي فرصة في البداية قبل ضغط المذاكرة-  فيه تمارين لتحسين الخط ممكن تطبعها من علي الانترنت و فيه كمان كراسات جاهزة بتتباع في المكتبات .
دول كانوا 5 طرق تستعد بيهم بقوة للعام الدراسي الجديد ..

يا ريت تشاركونا في كومنتس عن أفكار مختلفة و عن  طريقة كل واحد فيكم للاستعداد للعام الدراسي 

 

 الجديد علشان تشجع زميلك ..
و ماتنسوش تعملوا شير للحلقة لكل أصحابكم الطلبة و الطالبات ..
و أشوفكم في حلقة جديدة من حلقات أستديو أسلوب ..