الحقونيييي……..أولادي مش بيذاكروا/ 6 حيل ذكية تخلي اولادك يوصلوا للنمر النهائية – أستوديو أسلوب الحلقة الخامسة –

فيديو جديد

أهلاً بكم فى ستوديو أسلوب و الحلقة الخامسة. هانتكلم النهارده
عن مشكله منتشرة اوي عند معظم الامهات اللي لسه عندهم اولاد فى المدارس. و هي مشكلة المذاكرة للأولاد.
فى رساءل كتير جدا جتلنا من امهات بيعانوا فى المذاكره مع اولادهم.
من ضمن الرسايل دي جتلنا رساله خاصة جدا علي قناة اسلوب من ام بتستنجد بينا و بتقول فيها:

الحقوني الولاد جنينوني خلاص…..كل ما اقول له “يا بني اقعد ذاكر الامتحان قرب”. ….يقولي “يا ماما بقى!! مش كل يوم مذاكرة!!”.و لما ربنا يهديه و نبدأ مذاكره ، افضل اهاتي و انبح فى حسي و هو ولا هنا اصلا …….سرحان في حته تانيه خالص.
عمال يلعب بلقلم و شويه يبص فى السقف و يبحلق في النجفة….. ..يابني حرام عليك!!!!!!! ذاكر عشان تنجح السنه دي!!
و ياسلام بأي لو قعد يذاكر خمس دقايق علي بعض ……علي طول تلاقيه نط لى فجأه و قالي “ماما جعان-يا ماما عطشان يا ماما -ماما عايز ادخل التويلت” او فجأه يفتكر لي اللي حصل مع صاحبه فى المدرسه و يفضل يحكي لى قصص ملهاش نهايه… ……..يا بني حبكت كل الحاجات دي وقت المذاكرة!!!!!!! ركز شوية هي دماغك دي ايه مش بتفكر غير في اللعب؟!!!!!.

و لا الاستاذ-الباشا-البيه……. اول ما يسمع اصوات الزعيق و العذاب اللى بتبدأ اول خمس دقايق من المذاكره….. يجري و يقول يا فكيك و فريره تلاأييه لبس فى ثانيه و قالى انا خارج ……و يجري ينفد بجلده قبل ما يتصاب يا حرام( شبشب بيترمي و يجي فيه).

يا تري انتى كمان بيحصل معاكي كده؟!!!!!!
احب اقولك انك مش لوحدك…….ربنا معاكي والله
طيب خدي نفس عميق كده و اسمعي مني ستة اساليب و حيل ذكية تستخدميها مع الاولاد وقت المذاكرة حتخلي المذاكره وقت ظريف و ممتع بلنسبه ليكي و ليه.

اول حيلة: *اتمسكني لحد ما تتمكني*
الطريقه دي صحيح مش فعاله مع الاستاذ لكن اكيد اكيد ليها نتايج مبهرة مع اولادك.
عايزاكي وقت الامتحانات و المذاكره تغمريهم بحنانك و حبك
دلعيهم و قولي ليهم انت اد ايه بتحبيهم و خديهم كل شويه فى حضنك……..قولي لبنتك هي أد ايه جميلة و شاطره و نبيهة و افضلي امدحي فيها و فى طريقة تفكرها و هي بتذاكر و أد ايه هي بتجتهد. أديهم جرعة من الحب و الحنان و التشجيع و متوقفيش مهما استفازوكي و ده فى الغالب اللي بيحصل، بس انت خليكي صامده و استمري.

تاني حيلة* حيلة الاتفاق قبل المذاكره*
قبل وقت المذاكره هاتي ورقه حلوة ملونه كده و سميها ورقة الاتفاق. اكتبي فيها كل الحاجات اللي ابنك محتاج انه يذاكرها فى قعدة المذاكره دي و قسموها مع بعض و بالاتفاق سوي.درس تختاريه انتي و درس هو يختاره…مثلا تكتبوا:

1- عندنا مذاكرة درس قراءه
2-حل واجب الحساب
3- عندنا مراجعة علي درس العلوم الفلاني

و كل ما تخلصوا حاجة اشطبوا عليها…..الطريقه دي مفيدة جدا عشان حيلة الاتفاق دي حتخليه يحس انه هو اللي اختار يذاكر ايه و يلتزم باتفاقه.

الحيلة التالتة * التيمر او المنبه لتقسيم وقت المذاكرة*

لو ابنك بيتشتت بسرعة و بيفقد التركيز بعد مدة معينة من المذاكرة….يبأي تقسمي ليه وقت المذاكره ……….مثلا لو ابنك ناوي يذاكر ساعتين يباي عشان ما يفقدش تركيزه و متبأاش المذاكره تقيلة عليه ،قسمي الساعتين دول علي 4 مرات.
جبيله منبه او تيمر و اظبطيه انه يرن كل 25 او 30 دقيقه و خلي ابنك بعدها ياخد بريك 5 دقايق يعمل فيها اللي هو عايزه………يلعب جيمز بأي او يروح يغلس علي اخواته…….براحته خالص خالص.
طريقة المنبه و تقسيم وقت المذاكره دي حتخليه سيكولوجيا يحس انه بيذاكر فى وقت قصير و بيخلص المذاكره بسرعة.

الحيلة الرابعة* التلوين و الرسم*

جيبي لهم اقلام ملونه يكتبوا بيها…….و خليهم يستخدموها و هما بيذاكروا……..خصوصا فى الحاجات اللي محتاجين أنهم يحفاظوها بالكتابه………زي النصوص و التاريخ و الجغرافيا و الرسومات الموجوده فى دروس العلوم …….الاقلام الملونة دي حتخلي الكتابه ممتعه ومش حيحسوا بلملل……و ياسلام لو خططوا و حددوا لنفسهم النقط المهمة و الحاجات اللي بيغلطوا فيها بلتلوين و الرسم……حتثبت فى دماغهم و حيفتكروها دايما.
الحيلة الخامسه * الستوب واتش او العداد*
لو ابنك بطىىءءءء او بيتاباطء يباي حلك عندي…..اول متلاايه مكسل او بيبطأ و يضيع وقت هاتيله ستوب واتش و ابدأوا ألعبوا سوي…….قولي له حل لي المسأله دي فى دقيقه و لو عديتها تبأي انت خسرت اللعبه……..هتلأيه انتبه و اتحدي نفسه و ركز عشان يخلص قبل المدة و يكسب.

الحيلة السادسه*اللوحة الذكية* لوحة المراجعة.

و دي بأي الطريقة المثاليه للنمر النهاءية…….. هاتي لوحة كبيرة و علاقيها علي الحيطة و لزقى عليها كروت فيها كل الحاجات اللي بنتك او ابنك ضعيف فيها زي مثلا:( رسم تو ضيحي للوحة فى الفيديو)
-كلمات الاملاء اللي بيغلط فيها
-سؤال العلوم اللي فيه خطوات لسه ابنك محتاج انها تثبت فى ذهنه.
-نص مش حفظه كويس
اي حاجه ابنك بيغلط فيها اكتبيها علي ورق او كروت و لزقيها علي اللوحه دي……و كل يوم خصصي من 5 الى 10 دقايق بس تبوصوا فيها علي اللوحه دي سوا و تراجعوا علي الحاجات اللي عليها……….التكرار كل يوم حيخليهم فعلا يتقنوا الحاجات اللي بيغلطوا فيها او اللي هما ضعاف فيها بسهولة ومن غير أي ضغط عليهم.
ماتفوتيش يوم من غير ما تعدي علي اللوحة دي………… دول 10 دقايق بس……حتي لو اليوم ده ابنك ما ذاكرش فيه……متفوتيش ال10 دقايق بتوع اللوحة الذكيه.

الست حيل دول سرهم باتع……أبداي من النهارده و هاتشوفي النتيجه بنفسك و…. ادعيلي.
لو عايزه امهات تانية تستفيد ….اعملي ليهم منشن عشان يشوفوا الحلقة دي. و اعملي شير و لايك كمان للحلقة علي الفايس بوك و اليوتيوب وساعدينا في نشرها بكل الطرق الممكنة

إكتبيلنا دلوقتي في كومنت: طريقتك في المذاكرة مع أولادك… وأكبر الصعوبات اللي بتقابلك إيه وقت المذاكرة… وكلنا نحاول نرد بتجاربنا على بعض علشان كلنا نستفاد مع بعض

هاتلاقي الحلقة مكتوبة بالكامل على موقع أسلوب دوت كوم… وعلى برامج أسلوب للأيفون والأندرويد…
و ماتنسيش تعملي سابسكرايب لقناة اسلوب علي اليوتيوب عشان تقدري تشوفي حلقتنا اللي جاية… وشوفي كل حلقات أسلوب اللي فاتت… أكيد أكيد أكيد… هاتساعدك كتير جدا.

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك حلقات أسلوب في دقيقة بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg
وده, ‫#‏موقع‬ أسلوب:
http://www.osloop.com

Osloop - Studio OsLoop - Episode 05 - Study for kids