https://www.youtube.com/watch?v=VS4dLw3cMo4

المذاكرة  يعني التكرار

اسلوبي ذاكرت الدروس اللي عليك و عملت الواجب ولا لسه؟

اسلوبي: اه ذاكرت و نفسي أدخل أنام انا صاحي من الفجر و عندي مدرسة بكرة.

طيب و اهم حاجة راجعت علي اللي فات و لا لأ؟  دي اهم حاجة فى المذاكرة و اللي بتخلي المعلومة تثبت!

اسلوبي: لا طبعا هو انا ملاحق علي الجديد لما اذاكر القديم…

انتي مش شايفة منظري عامل ازاي…ايه  الظلم ده 

صاحي من الفجر و رحت المدرسة و كل يوم عندي دروس بعد المدرسة لحد بالليل و يدوب ارجع اذاكر لي شوية من الدروس الجديدة اللي اخدتها….اراجع علي القديم امتي بس ده كتير والله  أها أهأ أهأ 

 

أهلاً بيكم في حلقة جديدة من برنامج استديو أسلوب  ، متابعينا الطلبة و الطالبات في كل مكان ، احنا فعلا بنسمع لمشاكلكم و اسألتكم و بنحاول علي قد ما نقدر نحل كل المشاكل اللي بتواجهكم في المذاكرة .
كلنا عارفين أن أهم حاجة في المذاكرة هي التكرار .. يعني المعلومة عشان تثبت كده فى مخك و تقدر تستحضر اللي ذاكرته بسهولة ما عليك الا تكرار اللي ذاكرته ثم التكرار ثم التكرار ….ال ت ك ر ا ر يا جماعة.
بس المشكلة ان التكرار ده بيحتاج وقت واحنا ما بنصدق اننا نذاكر الدروس الجديدة… ده لو ذاكرناها أصلاً !
يبقي السؤال هنا ” نجيب وقت منين علشان نذاكر و نراجع علي  القديم ؟؟ “.
انا حقيقي مقدرة جدا المشكلة دي و فعلا دي مشكلة حقيقية بتواجه كل الطلبة و الطالبات..  خصوصا اللي عندهم تمارين و دروس بعد المدرسة ووقتهم ضيق جدا ! 

و انا جية انهارده علشان اقولكم علي طرق سهلة تساعدكم علي انكم تذاكروا اللي فات و الدروس القديمة اللي ذاكرتوها  قبل كده علشان ما تتبخرش في الهوا و تضيع منك المعلومات كانك عمرك ما ذاكرتها قبل كده…و فى نفس ذات الوقت ما تجيش علي حساب مذاكرة الدروس الجديدة علشان ما تتأخرش فى مذاكرتك و تلاقيها اتركمت عليك.

أول خطوة :

لما تيجوا تذاكروا أي درس أو أي محاضرة  جديدة أعمل لها ملخص صغير في الآخر ) اومال احنا اشتريها الورق الملون ليه….اكيد مش علشان نعمل بيه طيارات ورق)

 و الملخص اللي هتكتبه ده لازم يكون شامل و يكون فيه كل النقط المهمة اللي لقيتها في الدرس بس طبعا مكتوية بطريقة مبسطة ، و بكده لما تحب انك تراجع على الدرس ده تاني فى اي وقت  مش هتضطر انك تمسك الكتاب و تقرأ منه. لأ أنت دلوقتي عندك ملخصك المزيد اللي كاتبه بايدك بس كل اللي عليك انك تعدي عليه بسرعة.

و بكده هتذاكر الدروس القديمة في وقت قصير جداً و مش كده و بس .. أنت كمان مركز على النقط المهمة و اللي بتيجي في الامتحان . 

 

الطريقة الثانية للمراجعة :

 

ممكن تراجع القديم على هيئة فيديوهات
بمعنى انك لما تذاكر الدرس ممكن تصور نفسك وانت بتشرحه لنفسك أو حتى  وانت بشرحه لزمايلك و ممكن تتفق مع مجموعة من أصحابك أن كل واحد فيهم يصور الدرس اللي فهمه كويس أوي و يصور نفسه و هو بيشرحه. و يا سلام لو شرح الدرس  يكون بطريقة سهلة الفهم و مرحة….يعني مثال مثلا نربط المعلومة باغنية فيها جملة شبيهة باللي بنحفظه و ده هيسهل علينا الحفظ جدا و كمان بيخلق جو من المرح علشان نكسر الملل و ما تنساش تكون لنقط الحفظ الصعبة “كلمة السر”

اسلوبي: ايه كلمة السر دي بقي ….دي كلمة لما اقولها المذاكرة تخلص و نفسي تتفتح علي المذاكرة زي كلمة السر بتاعة علاء الدين و لا ايه

 

بانسيه: تاني مرة اقفشك يا اسلوبي…يبقي انت ما أتفرجش علي حلقة مذكرات طالبة مثالية و اللي فيها بشرح بالتفصيل ازي تكون كلمة سر لنقط الحفظ الصعبة…و الحلقة بجد مفيدة انصح كل الطلبة انهم يشوفوها.

لينك الحلقة في صندوق الوصف اسفل الفيديو
حاجة تانية ممكن كمان تستأذن من مدرسك أنك تصور الحصة و لو استأذك  “طيب ” أكيد هيرضي انك تصور حصته.
و لو مدرسك ما وافقش ولا تزعل نفسك …دلوقتي في فيديوهات  شرح جاهزة كثيرة على اليوتيوب او علي مواقع الكترونية لكتب خارجية مشهورة….ما عليك غير انك تكتب فى صندوق البحث لجوجل “شرح درس كذا” و جوجل هيعمل الباقي.
الغرض من موضوع الفيديوهات دي انها مش هتاخد منك وقت كثير أنك تتفرج عليها . و كمان في أي مكان أنت موجود فيه تقدر تطلع موبايلك و تتفرج علي أي درس في أي وقت بسهولة.
و أنت نايم علي سريرك تعبان من اليوم الطويل و ملحأتش يكون عندك وقت تراجع فيه على القديم 

أسلوبي: او حتي و انت بتعمل .…….

بانسيه: اسلوبي و بعدين معاك!!!
ممكن كمان تتفرج علي الفيديوهات دي و انت في المواصلات مثلاً في طريقك لأي مشوار لو رايح درسك مثلاً لمادة معينة و ملحأتش تراجع على الدرس اللي فات بسهولة تفتح الفيديو اللي صورته للدرس ده و تتفرج عليه فيكون  ذهنك حاضر للدرس الجديد اللي بعده .

  • يبقى نتفق على الآتي : 

  • تصور فيديوهات لنفسك وأنت بتشرح الدرس بطريقة سهلة 

  • تصور المدرس وهو بيشرح الدرس ( ده بعد ما تستأذن طبعاً)

  • تتفق مع أصحابك تقسموا الدروس عليكم و كل واحد ياخد درس هو شاطر فيه أوي و يصور نفسه و هو بيشرحه و يلخصه.

  • تدخل علي جوجل و تكتب في البحث ” اسم الدرس اللي انت عايزه و تشوفه لو موجود كفيديوهات شرح يوتيوب أو على مواقع الكترونية لكتب خارجية أو غيرها من المواقع الالكترونية .

 

الطريقة الثالثة للمراجعة :

 

أنتهز فرصة انك بتذاكر مع مجموعة من أصدقاءك ( و دي ليها قوانين و شروط كثيرة هنتكلم عليها في حلقة لوحدها )

لما تكون متجمع مع زمايلك تذاكروا ، قبل ما تبدأوا المذاكرة راجعوا مع بعض علي اللي فات .

كل واحد يكتب في ورقة سؤال من درس من أي مادة هو عارف حلها جمعوا الأسئلة من بعض و طبقوا ورقة ورقة في باسكت أو صندوق … كل واحد فيكم يختار سؤال من الصندوق و يفتح الورقة و يجاوب علي السؤال اللي مكتوب  ولو معرفش إجابة السؤال .. زمايله يساعدوه و اللي كاتب السؤال طبعاً هو الأولي انه يساعد فى إجابته. 

هتلاقوا جو من المرح و تتحمسوا المذاكرة.

 

دول ٣ طرق فعالين هتساعدهم علي انك تراجع و تكرر اللي ذاكرته بسهولة جدا …

جربوهم انا متاكدة ان طريقة منهم هتكون فعالة معاكم…

أعملوا شير للحلقة دي و ما تبخلوش بفيدتها لأصحابكم و وزمايلكم. 

  

تقدر تتعلم من الصفر للإحتراف طريقة عمل فيديوهات كارتون أنيميشن إحترافية زي الفيديو ده من الكورس الخاص بتعليم طريقة عمل فيديوهات كارتون أنيميشن والتربح منها مثل قنوات أسلوب من الرابط التالي:
https://bit.ly/OSLOOP-STUDIO-20S29Y