النجاح رحلة – توقع العوائق فى الطريق

   المفتاح الأول

اهلا بيكم فى سلسلة حلقاتنا الجديدة مفاتيح النجاح

النجاح رحلة – توقع العوائق فى الطريق

لما تكون طالع رحلة أكيد بتحضر لها الأول، بتحضر شنطتك، و تحط فى عربيتك بنزين كفاية يوصلك للمكان اللى عايز توصله و تعمل check على العجل و الزيت، وتتاكد خلاص ان  كله تمام، بسم الله نبدأ الرحلة – رحلة النجاح –

رحلتنا للوصول لهدف حقيقى اللى لو حققناه كل حاجة تانية فى حياتنا هتتغير للأحسن، أى هدف بعده هايتحقق بسهولة ,أثار تحقيق الهدف ده بيترتب عليه تحسن شامل فى حياتنا.

 

زى أى رحلة عادية بنطلعها ممكن حاجات كتير تعطلنا فى الطريق، الكاوتش يضرب بنقف و نغيره و بعدها بنكمل طريقنا، بنزين يخلص عطلة تانية بنقف بس المرة دي مشكلة صعبة لان هانض

طرنطلب مساعدة و نشاور لعربية علي الطريق علشان تودينا لاقرب بنزينة و الدنيا كمان حر نار… – ( الموضوع صعب المرة دى ) – و العائق أكبر و الوقت اللى ضاع كتير، بس هنكمل و هنوصل للنهاية برده –  شوية الزيت يسرب بس ملهاش حل دى، دي عايزة ميكانيكي و احنا فى عز الصحراء…….هانضطر نكمل بالمشكلة من غير حل و نلسطم العربية و نمشي واحدة واحدة واحنا حريصين جدا لغاية ما نوصل.  

ده بالضبط اللى بيحصل فى حياتنا، ناس كتير لما بتتسأل عن أسباب عدم الوصول لأحلامهم اوليه مش بيعملوا حاجة فى حياتهم……او واحدة مثلا عندها موهبة و لما تتسأل ليه مش بتنميها؟

، بتكون إجابتهم محصورة فى اجابات مسموعة كتير قبل كده و حتى احنا نفسنا بنقولها:  

• أصل بابيا صعب جدا مش بسهولة يسمح لي اني اتعلم او أحقق حلمى
• أصل جوزى غلس مش بيرضى أني أشغل نفسي بحاجة غيره أو الأولاد
• أصل الأولاد شاغلين كل وقتى فامعنديش وقت حتى أتنفس فيه شوية
• اصل مديرى فى الشغل مستقصدنى
• أصلى معنديش الفلوس الكافية و مشروعي محتاج لتمويل

كلها عوائق بتظهر لنا و تيجي قدام عنينا ونتحجج بيها قدام نفسنا و أعذار دايما نصبر بها نفسنا

كل الأعذار دى موجودة عند كل الناس، تحديات عندنا كلنا، بس فى ظل الأعذار و التحديات دى بنلاقى ناس و أشخاص بتقدر تنجح و توصل لاحلامها، لا مفر من مشاكل الدنيا و التحديات اليومية اللى عندنا كلنا بلا استثناء علي فكرة، بس فيه ناس أقوى من التحديات و اقوى من الصعوبات  

فيه ناس فى ظل صعوبات كتيرة أوى قدروا يوصلوا و ينجحوا، عظامهم ناشفة مش بيستسلموا بسهولة للعوائق اللى بتواجهم، لما بتقابلهم مشكلة و يقعوا بيستجمعوا قواهم مرة تانية و يواصلوا الرحلة، مفيش اختيار و لا مفر غير أنهم يوصلوا لحلمهم و يعملوا كيان لنفسهم

هيقابلك مشكلة فى حياتك، هتعطلك شوية، هتحلها و تستمر فى سعيك و رحلتك حتى لو معرفتش تحلها، هتقدر تكمل فى ظل وجودها برده، لسطم نفسك واستمر، زى لما تبقى ماشى بالعربية و زيتها بيسرب بتلسطمها لحد ما توصلك للمكان اللى انت عايزه.

فيه مشاكل هاتقبلها هاتقثدر تحلها و مشاكل تانية مالهاش حل…..غير و حل المشاكل اللي تقدر عليها بقدر الامكان……..و تقبل وجود المشاكل اللي مالهاش حل فى حياتك……تقبلها و اسمح بيها فى حياتك……كل الناس كده عندها مشاكل ليها حل و عندها مشكل مالهاش حل…..بس اللي بيميز شخص عن التاني هو قدرته انه يكمل فى ظل اصعب ظروف……مين اللي عظامه ناشفة مين بيقع ويقدر يقوم و يكمل؟ مين بيجاهد الصعاب و يكمل…….يا قاتل يا مقتول…….  

هتقابل فى حياتك حاجات تقدر تتحكم فيها و حاجات تانية ماناش سيطرة عليها……ماتقدرش تتحكم او تسيطر علي اختيارات الناس اللي حواليك او افعالهم و تصرفاتهم……..المرض و الموت و الحوادث كلها امور خارجة عن سيطرتنا و ارادتنا…….بس مثلا نقدر نتحكم فى ردود فعلنا علي المواقف وطريقة حكمنا علي الناس و طريقة معاملتنا ليهم…..واختيارتنا و القرارات اللي نقدر ناخدها.

فنتعلم حاجة مهمة جدا ……الحاجات اللي منقدرش نغيرها فى حيتنا ما نعيطش عليها و لا نشتكي من وجودها…..حلها الوحيد انك نقبل بيها فى حياتك و تعيش بيها……و اكيد قصادها حاجات حلوة كتير و نعم من عند ربنا كتير.

فيه كتاب مشهور اسمه “The obstacle is the way ” للكاتب Rayan holiday بيتكلم عن ازاى ممكن العوائق اللى بتقابلك فى حياتك ممكن هى نفسها تكون السبب فى نجاحك

الكتاب فيه دروس مستفادة من قصص حياة ناس مشهورة, و رؤساء دول سابقين, و ممثلين و رياضين اللى حولوا العوائق فى حياتهم لأسباب نجاحهم

الكاتب بيأكد فى كتابه على فكرة أساسية وهي أن مفيش حاجة بتحصلنا نقدرنحكم عليها و نقول عليها ده خير أو ده  شر، الأساس هو طريقة رؤيتك واستيعابك للأمور و طريقة نظرتك ليها، الموضوع كله بيعتمد على طريقة روايتك للقصة لنفسك وازاي بتوضح لنفسك الموقف.

كتاب شيق و مفيد….وان شاء الله هانقدمه فى الحلقة اللي جاية من مكتبة اسلوب.

ملخص المفتاح الاول:

• النجاح رحلة ……و العوائق كتير فى الطريق……. اقبل انك تتعطل فى الطريق بس لازم تكمله للنهاية
• مشاكلك اللي بتتحجج بيها عندك و عند كل الناس بصور مختلفة….و اللي بيكمل بس هو اللي  بينجح و اللي بيستسلم و يشتكي هو اللي بيوقف عند طريق مسدود.

• ركز علي الحاجات اللي ليك سيطرة عليها و المشاكل اللي مالهاش حل عيش بيها و تقبلها فى حياتك
• كتاب ” the obstacle is the way” هايعلمك ازاي فيه مشاهير فى الدنيا قدروا يغيروا العوائق اللي قبلوها فى حياتهم لاسباب نجاح