حلقة جديدة من أسلوب: أبدأ بداية صغيرة؟ أم بداية كبيرة؟
مبدأ ١٨ من سلسلة ٢١ مبدأ لحياة أكثر إيجابية:

إبدا يومك مع مبادىء اسلوب و المبدأ رقم 18 من سلسلة ال21 مبدأ لحياة أكثر إيحابية

ابدأ بداية صغيرة و استمر….

الخطوة الاولي علشان تعمل اي حاجة… بتكون اهم خطوة ….لازم نبدأ …

معظمنا بيحاول يبدأ بداية كبيرة اوى و مش بيقدر يكمل و مش بيستمر

الطريقة الصح… هي إنك تبدأ بداية صغيرة جدا

و لكن السر هنا إنك تستمر فى إنك تعمل نفس الشىء ده يوميا…..

فيه ناس اول  لما بتتخرج من الكلية بيكون عندها طموحات كبيرة انها تلاقي وظيفة كبيرة و بمرتب كبير

و لو ماجتلهاش الوظيفة دي بتفضل قاعدة فى بيتها و مش بترضي تشتغل….

.و بيكون عبا علي أهله لأنه مش قابل بأي شغلانة….

للاسف خريجين الجامعات مش بيكونوا فاهمين و مستوعبين حاجات كتير فى الحياة المهنية

لان ببساطة بيكونوا لسه ما عندهومش خبرة و

بيضيعوا وقت كبير من عمرهم لغاية ما يستوعبوا متطلبات الحياة المهنية و ازاي انهم يوصلوا للنجاح فى حياتهم المهنية….

أقبل باي فرصة شغل تجيلك و اوعي تقبل تقعد في البيت من غير شغل …..اوعي تقبل تكون عبأ و ما تقبلش انك يتصرف عليك من اهلك بعد لما تتخرج من كليتك.

أبدا صغير و اثبت نفسك و ابذل مجهود….مش هاتتخرج و تلاقي نفسك اتعينت مدير علي طول علي فكرة …..بس بنوعدك انك هاتوصل لمناصب عالية جدا جدا في وقت   اقل اذا فعلا بذلت كل المجهود اللي عليك و قدرت تثبت نفسك…..و مابخلتش بوقتك او  مجهودك فى شغلك.

حتي لو كنت نفسك تشتغل شغل حر…..مش لازم يكون عندك راس مال كبيير اوي علشان تقدر تبدأ……أبدأ بداية صغيرة و مكسب صغير بس استمر…..السر فى اي مشروع ناجح هو الاستمرارية و رأس المال المطلوب بيكون مجهود كبير مش فلوس كتير….و دي من اهم اسرار النجاح فى اي شىء في الحياة:

انك تكون مؤمن و مقتنع بفكرة مشروعك

الاستمرارية و الصبر علي النتائج

اكيد سمعت عن ناس كانت بدأت بعربية فول او عربية ايس كريم و بقي عندهم سلسلة محلات كتيرة و قدروا يتوسعوا و يبنوا لنفسهم و لاولادهم اسم كبير فى السوق

سر نجاحهم ماكنش فلوس كتيرة بدأوا بيها……سر نجاحهم انهم استمروا و اجتهدوا و صبروا علي النتائج……..

النجاح مؤكد

و لكن مش بيتحقق في يوم و ليلة……و ناس كتير بتقع فى الفخ و ماتكملش وما بتصبرش علي مشاريعها انها تكبر و تحقق ارباح…..

و بتكون رؤيتهم قصيرة المدي جدا و عايزين ارباح وقتية…..و نتائج فورية…….تعريف النجاح مش كده خالص…..

الناس المشهورة و الناجحة بيكون ورا نجاحهم قصص و تحديات و صعوبات مش بتكون ظاهرة للناس العادية…….الناس بتكون شايفة النجاح فقط ……بس ما وراء الكواليس بيكون محجوب عنا

تعالى بقى نقولك المفروض تعمل إيه:

  • علم نفسك و فهم نفسك إنك سعات كتيرة أوي مش هاتعرف تبدأ كبير… مش مهم, المهم تبدأ وتستمر

تعمل كده بقى في كل حاجة في حياتك

حتى في الرياضة والمذاكرة و كل حاجة في حياتك

مش مشكلة إنك تبدأ بداية صغيرة, المهم الإستمرااااار

ماتنساش تعمل لايك للحلقة, وشير لحلقات أسلوب كلها

وترجع تراجع على المبادئ كلها من أول مبدأ لغاية آخر مبدأ

وإكتبلنا إقتراحاتك لأفكار جديدة تحب تشوفها في أسلوب

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg
وده, ‫#‏موقع‬ أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife

 

 

 

https://www.youtube.com/watch?v=1NHjCwVwBdw