برنامج: أسلوب في دقيقة – الحلقة السادسة: إزاي أعرف أنا متميز وماهر في إيه؟

أهلا بيكم في الحلقة السادسة من برنامج أسلوب في دقيقة…. اللي بنجاوب فيه على الأسئلة اللي بتوصلنا في كومنتس… بس مانوعدكوش إنها تكون دقيقة بالظبط

سؤال النهاردة جالنا كتير بصيغ مختلفة… ناس بتسأل… أنا مش عارف أنا متميز في إيه… أو إيه هي مهاراتي اللي بتميزني عن أي حد

إزاي أعرف… أنا متميز في إيه؟

…………..إحنا بيكون سهل علينا إننا نلاحظ الناس اللي حوالينا متميزين وشاطرين في إيه

و معظم الناس اللي بيكون عندهم حاجة بتميزهم ……بترتبط سيرتهم دايما بمميزاتهم دي

  • زى مثلا  لما تقول فلان  صاحبك ده اللي صوته حلو…..
  • او صاحبى الدحيح
  • او تقول صاحبى فلان ده الي رسمه جميل
  • او علشان تفكرى حد بصاحبتك تقولى….صاحبتي دى اللي طبيخها حلو او اللي ذوقها جميل فى اللبس.

و زى ما انت بتعرف تلاحظ مميزات الناس التانيه … يبقى أكيد… الناس اللي حوالينا برضه… يقدروا يلاحظوا إحنا متميزين وموهبين في إيه

فدور علي حد من الناس اللي حواليك تكون بتثق فيه يقولك إنت متميز وماهر في إيه بالظبط.

و ياريت تسال نفسك شوية اساله……..إيجابة الأسئلة دي هاتساعدك انك تكتشف مميزاتك و مهاراتك

اللي ممكن انك تنميها و تستغلها و تحدد علي اساسها اهداف لحياتك

السؤال الأول

إيه الحاجة اللي بتكون سهلة عليك إن إنت تعملها… بس بتكون صعبة على الناس التانية؟

  • ممكن يكون تفوقك فى رياضة معينة
  • او إتقانك للغة أجنبية
  • او احترافك لحرفة معينة…
  • و ممكن كمان عزفك علي الة موسيقية

:السؤال الثاني

إيه أكتر حاجة لما بتعملها… أصحابك وقرايبك بيمدحوك عليها… وفي نفس الوقت بتكون مستمتع وإنت بتعملها

  • – ممكن يكون ذوقك في الديكور والتنسيق
  • -اوقدرتك علي و الالقاء و الاقناع
  • -او تكونى معروف بإيجابيتك
  • -او حتي خفة دمك

:السؤال الثالث

إيه الحالجة اللي لو الناس سألوك فيها… هاتكون مفيد أوي ليهم ويكون عندك ثقة و انت بتقول نصيحتك ليهم؟

ممكن تكون تجربة مريت بها واكتسبت منها خبرة تقدر تفيد بها الاخرين

:السؤا ل الرابع

إيه الحاجة اللي لو إنت عملتها هاتبدع فيها

وهاتبذل كل مجهود عندك علشان تعملها

وهاتصحى الصبح بدري مبسوط و متحمس علشان هاتروح تعمل الحاجة دي… وهاتكون مستمتع بيها

لو إنت لسه ماعرفتش إنت متميز في إيه بعد إجاباتك للأسئلة اللي فاتت دي

يبقى التجربة خير دليل

لازم تجرب تتعلم وتكتشف مهارات جديدة إنت ماجربتهاش قبل كده… وتشوف إيه من اللي إتعلمته ده… كنت مستمتع بيه… وقدرت تبدع فيه

قولنا في كومنت… إنت متميز في إيه… ولو ماكنتش متميز في حاجة… إيه الحاجة اللي تتمنى إنك تكون متميز فيها

.واعمل منشن لاصحابك و قول لهم هنا متميزين فى ايه

الحلقة صوت فقط على ساوند كلاود

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك حلقات أسلوب في دقيقة بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg

osloop in a minute - 006 - 01 osloop in a minute - 006 - 02 osloop in a minute - 006 - 03 osloop in a minute - 006 - 04 osloop in a minute - 006 - 05 osloop in a minute - 006 - 06