أهلا بيكم في الحلقة رقم ٢٠ من برنامج أسلوب في دقيقة
اللي بنجاوب فيها على الأسئلة اللي بتوصلنا في كومنتس… واللي عمرها ما بتكون دقيقة أبدا
بمناسبة إننا وصلنا للحلقة رقم ٢٠ … فا قررنا نعمل الحلقة بالعكس
المرة دي السؤال إحنا اللي بنسأله في أسلوب
وبنسئلك السؤال دلوقتي, وعاوزينك توقف الحلقة, وتكتب الإجابة في كومنت… وبعدين تكمل الحلقة لأنها هاتعتمد على إجابتك
السؤال:
أُوصِّف بالتفصيل يوم مثالي ليك في المستقبل لما تكون حققت أحلامك وعايش اجمل حياة؟
بتصحى الساعة كام؟
بتعمل ايه اول لما تصحى؟
ترتيب يومك كله عامل ازاي؟
مين من الناس اللي تعرفها تحب انه يكون موجود في حياتك؟
بتشتغل ايه بالظبط؟ ومع مين؟
وقف الفيديو دلوقتي حالا… وبص للأسئلة وجاوب عليها في كومنت
و بعد لما تخلص الإجابة… إبقى كمل الحلقة فيديو….
(فراغ في الوقت بتاع الفيديو)
حمدا لله على سلامتك…نتمنى إن رحلة كتابة يوم مثالي واقعي ليك في المستقبل تكون جميلة أوي وخليتك تعيش سعادة وإنت بتكتبها
إلا طبعا لو كتبت إنك نفسك في المستقبل تخلص ورق العربية الجديدة من المرور… ساعتها … طابورك طوييييل
و لو كنت زوغت من الإجابة على السؤال … إتفضل روح جاوبه بجد, وتعالى تاني
———————————
خلوني أكون صريح معاكم:
إحنا عارفين معظم الإجابات عاملة إزاي
لأننا في أسلوب جربنا التمرين ده على نفسنا
وسألناه كمان على صفحة أسلوب على فايسبوك, ودي الإجابات اللي وصلتنا:
(صور من الردود الكتيرة اللي وصلت لنا – إما يتم طباعتها على كروت وعرضها… وإما تظهر على أفتر إيفكتس)
معظم الناس قالت
أصحى بدري جدا, الفجر أو قبل الفجر
أصلي الفجر
أنزل أجري ساعة
أرجع آخد شاور
أفطر في البلكونة وأنا بقرأ في كتاب وبشرب نسكافيه أو شاي
أنزل أروح أشتغل في شركتي اللي بحبها ومع فريق عمل جميل ونعمل عمل إبداعي
وأكون مركز طول اليوم في الشغل
أرجع بيتي وأخرج مع عيلتي
وأرجع البيت بالليل أقرأ كتاب وأنام بدري علشان أقدر أكرر نفس اليوم تاني
———————————
انت كمان، راجع كويس على الاجابات بتاعتك واحدة واحدة
وشوف ايه من الأعمال اللي بتتمنى تعملها في المستقبل، تقدر تعملها بإمكانياتك الحالية ومن غير ما تحتاج تكون ميلياردير ولا حاجة؟
هاتلاقي نفسك ممكن تُمارس الرياضة من غير ما تحتاج انك تنتظر الحياة المثالية السعيدة تحصل في المستقبل
وتقدر كمان انك تصلي الفجر زي ما تمنيت في الحياة المثالية اللي بتحلم بيها
من الآخر، هاتلاقي نفسك ممكن تعيش في حياة قريبة جدا من الحياة المثالية اللي انت بتحلم تعيشها كمان ٢٠ سنة من دلوقتي … يعني ممكن تضيع ٢٠ سنة من حياتك منتظر انك تبدأ تعيش حياة مثالية، مع انك تقدر تعيش معظم الحياة المثالية السعيدة دي من النهاردة
السؤال ده مهم جدا إنك تسأله لنفسك
ومهم جدا إنك تجاوب عليه بورقه وقلم
ومهم إنك تجاوب عليه بعقل صافي وهدوء
هاتلاقي إن الحياة المثالية اللي بتحلم بيها… جزء كبير جدا جدا جدا تقدر تعيشه من دلوقتي حالا
وإكتبلنا في كومنت… إيه الحياة المثالية اللي بتحلم بيها
وأسئلتك لحلقاتنا اللي جاية
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #موبايلك #الأندرويد من هنا:
http://bit.ly/osloop-android
وأسلوب #أيفون من هنا:
http://bit.ly/osloop-iOS-eg
وده, #موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife
26 Responses to “بنسألك سؤال ولازم تجاوبه! أسلوب في دقيقية 20 A Question for you #osloop”
يومي اصحى بدري اصلي الفجر و احضر الفطار و افطر انا وولادي وجوزي و انزلهم المدرسة و انزل شغلي و اخلص شغل اروح لماما اشوفها و ارجع بيتي احضر الغدا و استنى الولاد يجوا و نتغدا و جوزي ينزل شغله تاني الفترة المسائية و انزل اخد ولادي و اتقابل مع اصحابي او اختي و ماما يجوا ليا و نقعد مع بعض و جوزي يؤجع باليل نتكلم عن يومنا و نتعشى و نشوف فيلم و ننام
العيش حياة متوازنة من جميع النواحي مع اقرب المقربين ان شاء الله تعالى
اشكركم على عطائكم الدائم جزيل الشكر مع حبي و احترامي و تقديري لكم ،دمتم دوما و ابدا في رعاية الله و حفظه
الاستيقاظ الرابعة صباحا الذكر الصلاة ثم الاستحمام الفطور مع زوجي ان شاء الله و بعد ذالك نعمل سويا بكل شغف في مشروعنا الخاص في مجال البحث العلمي ، بعد ان ننتهي من العمل نتغذى سويا نرتاح قليلا (القيلولة)ثم نستانف ما بدءناه بعد الانتهاء نذهب الى الجيم ثم بعد ذالك الاستحمام و العشاء سويا (طبعا الصلاة نصلي معا)،نشاهد فيلما كوميديا معا و اخيرا النوم باكرا .
عذرا ، قمت بالاجابة على سؤالكم ، من فضلكم اود مشاهدة الفيديو و شكرا ^^
عذرا ، قمت بالاجابة على سؤالكم لكنني لم استطع مشاهدة الفيديو ، من فضلكم اود مشاهدته و شكرا ^^
استيقظ على اذان الفجر ببلد جميله جدا وكلها خير وامان و وعلى صوت زوج احبه ويحبني اكثر من اي شخص بالعالم ويحضني ويبوسني من جبيني و نقوم نتوضا مع بعض ونطلع من غرفتنا نشوف اطفالنا ناي و امان جايين يقعدونا حته نصلي الفجر . نبوسهم ونصلي مع بعض وندعي ربنا التوفيق ونجلس نفطر مع بعض ونسوي الفطار مع بعض و نتناقش باخر عمل خيري نقوم بي و شلون نساعد اكبر عدد وعن مشروعنا القادم بعدها نطلع نلعب رياضه مع الكلب تبعنا في حديقتنا الجميله والي فيها ورد و نسجل كل اهدافنا في هذا اليوم في ورقه نخطها على حائط خاص بيها( حائط الاهداف) بعدها ننطلق على اعمالنا: هغير هدومي وزوجي يساعدني وانا اساعده حتى نكون باحله طله وشعري يكون مميز وحلو ولبس بسيط و انيق و مايكلف كثير حته الباقي نساعد بي الايتام ومشاريعنا المسانده للناس بعدها ننزل نع بعض للعمل بمجال انا جدا احبه يكون فني و رائع وزوجي نعمل مع فريق نصلح شي رائع وجميل ويفيذ البشريه ونحتفل بتقدمنا نصلي الظهر وبعدها بعد الظهر نروح للمطعم والمشتل الهاص بينا( مطعمنا الخاص مشروعنا) اساعد ويطلبون انزل اكل من ايدي لان عدي السر الفريد للطماطه و نصلي الغصر و نكعد بالمشتل نعمل تقدم بمشاريعنا الخيريه مثل افتتاح دار الابداع الثاني عشر و غيرها وغيرها وبعدها لابي وامي واخوتي يجونا عالمشتل ياخذو زرع لبيتهم الجميل ونصلي النغرب وياكلو معانا بالمطعم وبعدها نرجع للبيت ويباتو عدنا و نكعد شويه ونصلي العشا والاطفال بيكونو مخلصين فروضهم وقاءمه اخلامهم وشغلات الي حابين يتعلموها وبعدها ينامو
ابي وامي واخوتي وعيالهم ينامو
بعدها نفوت انا وزوجي لغرفتنا و اكون مشتاقه لحضنه ومشتاق لحضني نصلي ركعتين شكر و نحكي مع بعض وننام بامان الله تعالى .
اصحى الساعة ست ع طلوع الشمس والجو الجميل وانا رايقه اشرب قهوه واتجهز للدوام اللي حيكون ثمنيه يمكن 🤔
يمكن صحابي؟ اللي بحس بجنبهم براحة وعدم تكلف 🌸
ويمكن اكون انا بشتغل بالمختبر واحلل الدم ! لاني بفكر نهاية السنة دي اتخصص تقنية مختبرات طبية 🔥
ياااه
أقوم بدري وأنا في قمة نشاطي وصحتي وحبي للحياة 😍💕 أجهز فطور صحي ولزيز بمتعه 💘 لي و لعيالي وزوجي نوديه معانا الدوام ، بعدين أروح لدوامي اللي أحبه جدا وهو مهنة التدريس كما تعلمون انها مهنه ساميه 💜 ويكون عندي صديقات يعينون على الخير ، بعدين ارجع البيت أسترخي وألتفت الى أمور العيال وأبوهم وأسوي رياضتي وألعب مع الصغار وأكون بشباب وصحه دائمه ويكون عندي مشروع صغير وأكون متعلمه لغات كثير وثقافتي كثيره في مجال الصحه ومجالات عده وأيضا في مجال الرياضه ، وأيضا يكون لي مشروعي الخاص ، واربي عيالي تربيه حسنه ويكون زوجي مساند ومحب لي ❤ ..
هذا يلي طلع معاي 😅
بتصحى الساعة كام؟
الساعه ٨ الصبح
بتعمل ايه اول لما تصحى؟
اصلي الضحى اقرا اذكاري
ترتيب يومك كله عامل ازاي؟
مسافره اكون خارج البلد
انزل امشي ساعتين اتنفس فيهم
ارجع اخد شاور والبس وانزل اخد اهلي واركب عربيتي ونروح اماكن جديده أسعدهم لان سعادتهم في الاساس سعادتي نصلي كل الصلوات في وقتها رغم انه المفروض ده اساسي ومايتذكرش نفطر ونتغدا برا نروح اماكن من الطبيعه واروحهم ع البيت واروح احجزلنا كلنا عمرة ونسافر تاني يوم نعمل عمرة واحقق لنفسي وليهم اجمل واكبر امنيه اتمنيناها
مين من الناس اللي تعرفها تحب انه يكون موجود في حياتك؟
اخواتي وبنت اختي والدتي
بتشتغل ايه بالظبط؟ ومع مين؟
كاتبه
بصحى الساعة اصلى الفجر 6
بفطر وانزل اجرى او اسوق عجل
بروح كورساتى وبعدين بروح الشغل بخرج مع اصحابى يوم بعد يوم ساعة او ساعتين ومواظبة ع صلاتى والقران فى مواعيدهم برجع البيت اقعد مع اهلى وانام
عندى شركة كبيرة للمشروع اللى فى خيالى
نفسى امى وابى ورنا صاحبتى يبقوا معايا
يومي بيبدا الساعة ٥ الفجر
صلاة وقران وبعدين شوية رياضة وبعدين فطار مع عيلتي وبعدها بروح الشغل في المستشفى -مهو انا دكتور طوارىء . واستاذة محاضرة بالجامعة .
وحياتي ما بين عيلتي وعملي وكذا
أصحى الساعة 3 أقيم الليل وأقعد أقرأ قرآن لحد أما الفجر يأذن أصلي الفجر أقول أذكار الصباح أفطر مع أهلي أريح شوية أقوم أذاكر [إعدادية]
بالنسبة للناس اللي بتمنى يكونوا في حياتي أهلي وصديقاتي نفسي أشتغل طبيبة أمراض نساء وتوليد عشان أعف نساء المسلمين من تعرضهم للرجال وتكون ليا عيادتي المستقلة
وربنا يوفقني وأحقق حلمي
اصحى الساعة 4 ص
اصلى الفجر و اقرأ سورة يس و أفطر و أنزل جرى نص ساعة على الأقل و بعدين هروح شغلى هكون
حريصة جدا انى لازم اى عمل خير فى اليوم و بعدين ارجع من الشغل . بحب قراءة الكتب و الروايات ممكن اقرأ حاجة بس .. كده
أحب يكون اهلى كلهم معايا و اصحابى اللى بحبهم اوى
*دكتورة أسنان *
#طالبة_فى_ثانوية_عامة😊
يومى هيبدا من بدرى اصلى وافطر طبعا واروح المستشفى الاسنان طبعا باذن الله وبعدين اخلص شغلى واركب عربيتى والشوبينج بقا وبعدين عيادتى بليل
اصحى صلاة الفجر اصلي واغير هدومي ،ويكون حولي عيلتي واطفالي وزوجي اللي بحبهم جدا ، نلعب سوا ونعمل مغامرات مع بعض ويتعلمو مني الحياه ، في بيت جميل وجنينه خضرا وجميله ، دا وانا ناجحه في شغلي جدا وبقدم للمجتمع
انهظ ساعه ١٠ صباحا
اكمل يومي بعشوائيه
اتعب وأنام
اليوم مثلا؟؟؟ انا لو حققت حلمي اني ادخل صيدله اول حاجه هعملها ان هعمل المستحيل علشان اجيب تقديرات كويسه وبعد كدا اتخرج واشتغل وهكون معتمده ع نفسي وحره وبس ودا كلوا مش يوم دا سنين😂بس يوم ما اتخرج من كليه صيدله هيكون ده اليوم المثالي بنسبالي بس طبعا كل بأذن لله😍
انا زيك بالظبط بس الفرق انى اخش اسنان السنادى وانا مش عارفه هعمل ايه😂😂
بداية. اصحي بدري حوالي الساعة 6.اصلي الفجر واعمل شوية ازكار لحدي طلوع الشمس. حابي اعمل دكتور.
انا تقريبا نظام يوم اللي اتمناه زي ما قولتوه في الحلقه بالظبط بس انا عندي مشكله وهي اني مش عارفه الحاجه اللي اقد ر ابدع فيها واكون بحبه… مش عارفه ايه موهبتي مع العلم اني انا بعشق العلماء ومن اهمهم والبرت اينشتاين وستيفن هوكينغ وبحب جدا قراءة الكتب والر وايات وبدأت انزل كتب اقرأ ها بس انا بحب الانمي لدرجه انه واخد وقتتي كله ….اسفه لاني طولت وشكرا ليكو جدا وجزاكم الله خيرا لانكو بجد بتعملوا خير
ممكن سؤال بعيد عن حلقة الموضوع هو الفيديو ده معمول بفيديو سكريب برضه لانه مش شبه الى بتعملوه ع طول ،، فكرة وجود خلفية وكتاب وموبيل ممكن اعرف ده وايت بورد ولا حاجه تانيه
ف البدايه اول مره اشوف اُسلوب النهارده لقيت الفيديو صدفه ع اليوتيوب وهو الكسل فيديو صدمه شاكوش ع الدماغ
يومي قبل ما اشوف الفيديو علشان لسه مش عارف هعمل ايه بعد الفيديو
اصحي بعد كسل وغفوه حوالي خمس دقايق ف ثلاث اربع مرات الساعه ٧.٣٠ مثلا وممكن بعد كده اخد الدش. واصلي اروح الشغل وبعدين بريك الظهر اتغدي واصلي وارجع الشغل اخلص الساعه ٥ ارجع البيت تعبان اقعد مع زوجتي وبعدين نتعشي ممكن نطلع بره وممكن لا وممكن نقعد نتكلم
يوم عادي جدا بس اللي مش عادي فريق عمل اُسلوب
انا شغال ف اداره المشاريع وعندي مشروع وكنت بلعب رياضة وكنت في فتره بطل الجمهورية سنه ٢٠٠٥ ف بطوله الكونغ فو لكن الحين اصبح اليوم زي اخوه دا قبل ما اشوف الفيديو بصراحه انا كتبت كلام كتير لكن الفيديو دا هزني بجد علشان أفكر تاني ف مشروعي اللي بحلم بيه ف الاول كنت فاكر أني محتاج فلوس كتير علشان ابدا المشروع لكن الحقيقه مش الفلوس دا انا اللي مكسل حتي ابدا او ابدا ف دراسه الجدوي من تاني ف سوق العمل علشان مشروعي انتاج حتي لقيت ناس تمول المشروع بس بردو كسلت اخلص الدراسة
الخلاصه علشان انا مش عارف ازاي جالي صبر وطوله بال اكتب كل الكلام دا ف الذكري السنويه ل هبدا بكره
بس شكرًا ل اُسلوب بجد ف ميزان حسناتكم جميعا علشان الدين مش بس عباده دا كمان عمل ومعامله وسعي
بصحي 12 بمسح الفون اصحي من النوم أمسك الفون وبعدين أصلي واكمل طول النهار والليل ع النت بقي شغل لا انا مش بشتغل أنا في ثانويه عامه لا معنديش شخصيه اتمني أنها تكون في حياتي
احلم بان اكون حققت حلمي وهو اني الاول على بلدي في الثانوية وابداء مباشرة بحفظ القراءن وثم ابدا بثقيف نفسي 😃
اصحى الصبح الساعة ٧ اصلي الصبح وانزل اشرب القهوة بتاعتي مع زوجتي فى كافيه فى بلد معينة كدة ف دماغي 😜 ومعايا اللاب واقعد اشتغل انا وهي مع بعض (( للعلم انا جرافيك ديزاينر)) وباحاول أكون احسن designer ف المكان اللي انا فيه وتكون حياتي محترمة ف مستوى عالي وإني اقدر احسن حياة اهلى واعيشهم معايا ف كل حاجة حلوة وأساعد اللي يحتاجني وأقرب من ربنا. على اد ما اقدر 🙏 يارب حقق حلمي