ترميهم على الأرض وتكمل؟ ولا تشيلهم معاك طول الرحلة؟
٢ أصدقاء مسافرين من قرية صغيرة جدا نائية, لمدينة كبيرة بعيدة علشان يعيشوا فيها حياة سعيدة
الطريق من القرية للطريق الأساسي اللي هايسافروا منه – طريق مهجور, وكل شوية يطلع عليهم شخص غريب, يحدف عليهم طوب كبير, علشان يخليهم مايروحوش البلد اللي هايكونوا سعداء فيها.
واحد من الشخصين دول, كل ما طوبة تخبطه, يوطي على الأرض, ويشيلها معاه في شنطة على ظهره و هو ماشيوالشخص التاني, مش عارف هو المفروض ياخد الطوب ده معاه ولا لأه
بعد شوية, الشخص الأول, الحمل اللي على ظهره أصبح تقيل جدا ومش قادر يكمل مشيوالشخص التاني اللي مش شايل حمل, الموضوع أسهل شوية بالنسبه له
كل ما شخص غريب يطلع يحدف عليهم طوبة زيادةالشخص الأول ياخد الطوب ويحطه في الشنطة ورا ظهرهوالشخص الثاني سبق صاحبه بكتير أوي, لأنه مش بيوطي على الأرض ياخد الطوب ويضيع وقت, ومفيش حمل كبير أوي ورا ظهره
يا ترى؟- مين من الشخصين دول ممكن يوصل البلد الكبيرة الأول؟ الشخص اللي شايل الطوب ورا ظهره؟ ولا الشخص اللي ماشي بدون أحمال؟- لما الشخصين يوصلوا المدينة الكبيرة – كل واحد في الوقت اللي هايوصله, مين فيهم هايكون عنده قدرة وطاقة يعيش حياة سعيدة ويبدأ يبني نجاح في المدينة دي؟
قصة تانية شبيها بالقصة ديفيه شخصينشخص, كل ما حد يقوله كلمة وحشه, أو كلمة إحباط, أو كلمة إهانة, ياخدها ويشيلها معاه في رحلة حياتهو شخص تاني, لما حد بيقوله كلمة وحشة, أو كلمة إحباط, أو كلمة إهانة, بيسيبها مكانها على الأرض, وبيكمل رحلة حياته
بعد فترة, مين فيهم هايكون شايل هموم و إحباط وإهانة على قلبه تمنعه من إنه يكمل أي طريق نجاح؟و مين فيهم هايبني عادة إن مفيش إحباط ممكن يأثر فيه؟
إنك تمشي تجمع الطوب من على الأرض وتشيله فوق ظهرك, ده إختيار منك … ممكن تسيبه و ترميه على الأرض وتكمل طريقكو ممكن بكل تأكيد, تقعد تقول: ده أحبطني, ده قالي هاتفشل, ده قالي كلمة مش كويسة, ده بيكرهني, ده مش بيحبني وتشيل كل ده على ظهرك طول الحياة
الرحلة, محتاجة الواحد يكون خفيف كده, بأقل أحمال يشيلها ورا ظهرهعلشان يقدر يكمل رحلة الحياة, وعلشان حتى يقدر يعمل أي شغل وراه
إرمي الطوب على الأرض, وكمل طريق… الحياة مش ناقصة إنك تشيل طول
قهوة الصباح
2 Responses to “ترميهم على الأرض وتكمل؟ ولا تشيلهم معاك طول الرحلة؟”
نحتاج فعلا للتخلص من هؤلاء المحبطين
هل استطيع ان اتواصل معكم