حلقة جديدة من أسلوب: اختار قدوة لنفسك #أستوديوـأسلوب حلقة ١١
 
اختيار القدوة
أهلا بكم و الحلقة رقم ١١ من برنامج ستوديو أسلوب
 
كلنا عندنا تحديات فى الحياة و مواقف كتيرة أوى بنتعرض لها و بنكون محتاجين فيها للنصيحة أو الاستشارة من حد نكون بنثق فيه
 
حياتنا علشان نعيشها صح، محتاجين اللى يوجهنا و يعلمنا ازاى نعيشها صح، بدل ما نبقى عايشين عشوائى كده من غير أى توجيه و إرشاد.
مهم جدا يكون ليك مستشار تستشيره فى كل مجالات حياتك - و انت كمان لازم يكون عندك ناصح أمين، يكون أهل للثقة و عنده الخبرة الكافية علشان يكون ليكى مستشار فى حياتك.
لو دورتوا حواليكم، أكيد هتلاقوا الشخص ده
 
دور على مستشار ليك يكون قدوة ليك فى نجاحك فى شغلك - ممكن يكون مديرك مثلا بس مديرك مهما كان كريم و طيب مش هيكون أبدا عنده وقت كافي ليك - عشان كده لازم الموضوع يكون فيه مصلحة متبادلة - يعنى اعرض خدماتك عليه بدون مقابل - و دايما تحترم مواعيدك و تتحمل مسؤولية حاجات أو شغل ممكن يكون مش مسئوليتك أصلا - خليك تحت ايده بدون مقابل - بالطريقة ده هتلاقى نفسك بتقضى وقت كبير معاه - تقدر خلال الوقت ده تلاحظ أفعاله و طريقة كلامه مع العملا مثلا و ازاى بيقدر يحل مشاكل الشغل و فى نفس الوقت متكونش متقل عليه
 
و ممكن تدور على ناصح و مستشار ليك عنده خبرة فى "نجاح العلاقات الزوجية" و يا ريت يكون متخصص فى الموضوع ده، دلوقتى فى ناس كتيرة متخصصة و بتعرض استشارات زوجية من خلال كورسات أو مقابلات خاصة كمان بمقابل مادى ، وده استثمار مهم أوى لازم تستثمره فى حياتك
 
و كمان بالنسبة ليكى ممكن تلاقى شخص تعرفيه كان متفوق وناجح فى دراسته، ممكن تسأليه عن طريقة مذاكرته و عادات تنظيم وقته كانت ازاى و تمشى على منهجه و كمان هو يتابع معاكى ازاى بتطورى من طريقة تنظيم وقتك و تحصيلك و مذاكرتك لدروسك - هتحسى بفرق كبير أوى لما تلاقى حد متفوق يحط ليكى خطة للمذاكرة و يوجهك فعلا هيحسسك بطمأنينة كبيرة أوى و هتتحمسى بطريقة كبيرة
 
حاجة مهمة جدا جدا انك لما تدور على مستشار ليك - انك تحدد بالضبط أنت محتاج المستشار ده ليه و لأيه؟ يعنى مينفعش تروح لحد و تقوله: لوسمحت أنا عايزك تبقى مستشار ليا فى حياتى؟ مينفعش الموضوع يكون عام كده، لازم تحدد المجال و أسئلتك ليه تكون واضحة و محددة
 
بحترم جدا الأمهات اللي بتلجأ للاستشارة من متخصصين فى مجال تربية الأطفال والأمهات الذكيات هم اللى بيستثمروا من وقتهم و حتى فلوسهم علشان يحضروا كورسات عن التربية الذكية للأطفال حرصا على أن أولادهم ينشأوا بنفسية كويسة، لأن لما الطفل بتكون نفسيته كويسة - ثقته بنفسه بتزيد و بيقدر يتشطر فى دراسته و رياضته و يستقبل أي توجيهات أو معلومات بسهولة
 
المجالات فى حياتنا كتيرة جدا - و مش بالضرورة يكون عندنا مستشارين و ناس متخصصين تنصحنا فى كل مجال فى الحياة
ممكن نستعين بمستشارين و أدوات تانية ببلاش زى الكتب و الكورسات اللى ببلاش على الانترنت و الكورسات اللى بيقدموها المؤسسات و المعاهد وقصور الثقافة ببلاش - و كمان الكليات، أنت أصلا ممكن تعمل محاضرة لدكتور عندك فى الكلية الناس كلها تكون بتحبه و بتحترمه و يكون قدوة فعلا صالحة، بسهولة تقدر تطلب منه يعمل محاضرة عن أسرار نجاحه للطلبة ببلاش و هيكون مبسوط جدا جدا لما يحس أن الطلبة بتوعه بيحبوه
 
أى شخص نفسك توصل لنجاحه و شايفه قدوة ليك - سواء فى مجال شغلك أو فى أى مجال تانى - حاول تقرب منه بذكاء من غير ما تحسسه أنك عبء عليه - و راقب يومه و حياته و طريقة تعامله مع الناس و طريقته فى حل المشاكل و طريقة شغله و نظام حياته، أعرض عليه المساعدة ببلاش و حسسه أنك ليك دور فى نجاحه و تسهيل الأمور عليه هو كمان علشان الموضوع يكون win - win
(الجزء ده يضاف فوق)
 
هوم ورك الحلقة علشان فعلا تكون اتفدت منها : انهارده فكر كويس أنت عايز تنجح فى أنهى مجال فى حياتك - و أختار شخص يكون نجح فى نفس المجال سواء حد تعرفه, صديق لعيلتك, دكتورك فى الجامعة, مديرك فى شغلك أو حتى شخصية عامة - و أدرس شخصيته و قصة نجاحه كويس و أمشى على منهجه.
ياريت تعملوا منشن لأصحابكم علشان هما كمان يستفادوا من حلقات أسلوب و اكتب لنا فى كومنت من الشخص اللي اختارته يكون قدوة ليك و هتستشيروا فى انهي مجال بالضبط.
و طبعا طبعا شير للحلقة و لايك كبييييييييييييررررررر اوي
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل http://bit.ly/osloop-sub وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح نزل أسلوب على #موبايلك #الأندرويد من هنا: http://bit.ly/osloop-android وأسلوب #أيفون من هنا: http://bit.ly/osloop-iOS-eg وده, #موقع أسلوب: http://www.osloop.com وده أسلوب على فايسبوك: https://www.facebook.com/osloop.life/ وده أسلوب على انستاجرام: https://www.instagram.com/osloop.life/ وأكيد أسلوب على تويتر: https://twitter.com/OsloopLife