العزلة

اهلا بكم و الحلقة رقم 8 من اسلوب فى رمضان

تعرفوا ان العزلة ممكن تكون احسن طريقة لتحقيق الاهداف..
عارفين برامج التليفزيون المشهورة زي مسابقات المواهب و مسابقات فقدان الوزن و غيرها بيعملوا ايه؟؟ بيخدوا المشتركين و يعزلوهم فى مكان مؤهل و مخصص ليهم و يكون فيه كل الوسائل اللي هاتساعد المتسابقين دول علي الفوز……و يفضلوا منعزلين عن شغلهم و عيلتهم لفترة من الزمن و لمدة كام شهر.
يعني برامج التحدي الاكبر لفقدان الوزن مثلا بيخدوا المتسابقين فى مكان مجهز بالاجهزة الرياضية و المدربين والمتخصصيين النفسيين……و طباخ مخصوص للاكل الصحي الدايت. و بيهيألهم كل الوسائل الممكنة
بينعزلوا عن العالم كله و بيركزوا علي هدف واحد بس و هو انههم يخسوا. و كل المشتركين فعلا بينجحوا انهم يخسوا كلهم حتي لو ما فزوش.
و كمان برامج مسابقات المواهب و الغناء…بيخدوا المشتركين و يعزلوهم عن اهلهم و اشغالهم و اصحابهم و حتي ممكن عن بلدهم لمدة 3 شهور علي الاقل……و خلال الثلاثة شهور دول مايعملوش اي حاجة غير انهم يطوروا موهبتهم دي و ينموها…..هدف محدد وواضح من غير اي تشتت. و فعلا المشتركين دول بيقدروا انهم يتطوروا و يكتسبوا خبرات مفيدة جدا من تجربة الانعزال دي.
و كمان تلاقي الكتاب المشهورين علشان يقدروا يركزوا و يكتبوا كتبهم و مقالتهم بينعزلوا عن العالم الخارجي تماما علشان يقدروا يفكروا بذهن صافي بعيد عن امور الحياة اللي ممكن تشغلهم……. و يقفلوا موبايلتهم و يروحوا مكان بعيد و هادى ما فيهوش اي شئ يشتتهم عن هدفهم …اللي هو الكتابة و بس…
قكرة الانعزال دي فكرة ناجحة جدا لتحقيق هدف ما و الوصول ليه بسرعة.
علشان كده طبق مبدأ الانعزال ده علي قد ما تقدر في حياتك….
يعني لو اسام الامتحانات و المذاكرة مثلا …..اعزل نفسك عن كل حاجة……حتي لو حتعزل نفسك فى اوضتك و تقفل علي نفسك بالمفتاح…..انعزال تامممم ما تفتحش غير علشان حد بعتلك اكل و تاكل جوو اوضتك و ما تخرجش غير للحمام.
طبعا الانعزال ده اساسه انك تسيب الموبيل بتاعك بره الاوضة و اكيد ان ما يكونش فى الاوضة تليفزيون…