السوبر ماركت

 

اهلا بكم و الحلقة رقم 14  من برنامج اسلوب في رمضان

وحلقة بعنوان: السوبر ماركت: تدفع كام وتحقق أحلامك

*

يلا بينا علي السوبر ماركت…..ايوه تعالوا معايا، حلقة انهاردة هانعمل فيها شوبنج مع بعض……..ياسلام ياسلام…..ايه الحاجات الحلوة دي…….بكام علبة النجاح دي لو سمحت ….الله دي عليها اوفر نجاح بتفوق كمان!!!!!…..اكيد تمنها غالي اوي….. و ازازة السعادة دي بردة بكام ياتري؟؟؟……ايه ده دي طلعت مضروبة، ظاهرها سعادة لكن فى الحقيقة نوعها سعادة  زائفة، سعادة مؤقتة…لأ انا عايزة نوع السعادة الحقيقية اللي بتدوم……….فين ازازة السعادة الاصلية…..ايوه هي دي الازازة الاصلية….سعادة حقيقية اصلية مية فى المية.

كنت هانسي عايزة كارتونة التوفير للجمال و النشاط و الجسم الصحي المتناسق كمان لو سمحت….

الحساب كام من فضلك…هادفع كام؟؟؟ و انت كمان لو عاوز كل الاحلام دي تتحقق فى حياتك…هاتدفع كام؟ هي الحاجات دي ممكن نشتريها من السوبر ماركت يا تري؟؟؟ لأ بس الاحلام دي ليها تمن غالي اوي لازم ندفعه.

هاتدفع كام من وقتك و مجهودك علشان تنجح و بتفوق؟؟

هاتدفعي اد ايه من إلتزام و صبر علشان تخسي و تكون صحتك أحسن؟؟؟

أحلامك ليها تمن لازم تدفعه……..

عاوز حياتك مع زوجتك تكون سعيدة؟؟؟ هاتدفع كام؟؟؟ هاتدفع كام من صبر عليها و انك تبني حجر اساس لعلاقتكم ببعض ….حجر اساس قوي ما يهدوش اقوي زلزال……..عاوزة تكوني ام مثالية لاولادك…….ايه التمن اللي هاتدفعيه؟ ……هاتدفعي كام من وقتك تستثمريه في كتب او فيديوهات تعلمك ازاي تكوني قدوة لاولادك…و ازاي تحلي مشاكلهم و تتحاوري معاهم.

بتحلمي أن مامتك و باباكي يكونوا راضيين عنك……بكام برده….. ما هو اصل ليست العبرة بالتمني!!

اي حلم تحلمه و نفسك انه يتحقق فى حياتك…لازم تدفع تمنه مسبقا و تكون اهم شئ قابل بالتمن او المقابل اللي هاتدفعه علشا توصل لحلمك……..حتي لو كان تمنه أنك تفشل فى الاول….ايوه مش معني انك تمر بمرحلة الفشل في تحقيق حلمك في الاول ان حلمك ده مش هاتيحقق…….لان الفشل فى حد ذاته تمن بندفعه علشان نقدر اننا فى الاخر نوصل. 

تيجي نحلم مع بعض دلوقتي حالا……..و نسأل نفسنا ايه الحلم اللي لو اتحقق فى حياتنا هايكون ليه احسن و اجمل اثر فيها…و ساعتها بس هانقول ان حياتنا أتغيرت.

اقف لحظة غمض عينيك و تخيل نفسك انك و صلت للحلم ده.

بتحلمي انك خسيتي….يبقي تخيلي نفسك بالشكل اللي بتحلمي به…….و ارسمي الطريق اللي هايوصلم لهدفك ده…و اقبلي انك تدفعي التمن.

الاكل الصحي…….الرياضة…….التخلي عن عادات الاكل السيئة…….المتابعة مع أخصاءي تغذية………الصبر و الالتزام… و كل الحاجات اللي هاتساعدك علي تحقيق حلمك انك تخسي….

عايز تتفوق فى رياضتك و تحترفها……يبقي تتخيل نفسك محترف و كسبان جوايز كتير و ترسم حوليك كل الطرق الممكنة اللي هاتدفعها تمن لاحترافك ده….

التدريب يوميا…….مشاهدة رياضيين بيلعبوا نفس لعبتك و متابعتهم……و هكذا

اي حاجة بتحلم بهه تخيل نفسك انك فعلا وصلتلها و ارسم طريق الوصول لحلمك و التمن اللي هاتدفعه مقابل الوصول ليه.

كلنا عندنا احلام كتييرررر……عايزة اهس فى وزني و يكون شكلي مثالي…….عايزة اكون ام مثالية لاولادي……عايزة يكون عندي دخل اقدر اساعد به فى البيت….عايزة اولادي يتفوقوا فى الرياضة و المدرسة……كلنا كأمهات عندنا الاحلام دي….بس فيه حلم واحد بس بيكون الاهم بالنسبة لينا و لو اتحقق….الاحلام التانية هاتتحقق وراه او بسببه.

اختاري حلمك الاساسي اللي هايغيرلك حياتك بجد.

واجب انهارده

هات كراسة اسلوب و اكتب بخط كبير حلمك ايه 

تخيل نفسك و صلت للحلم ده

التمن اللي هاتدفعه هايكون ايه

اعمل هدف ان حلمك ده هاتكون محققه رمضان اللي جي

و اخيرا امضي علي اقوالك دي. و كل يوم اقرأ الورقة دي و فكر نفسك بحلمك……كل يوم تعمل ولو خطوة واحدة بس تساعدك علي التقدم و الوصول لحلمك

إعملوا  شير للحلقة على فايسبوك, واتس آب, تويتر, جوجل بلاس… وأي سوشيال ميديا إنت بتستخدمها …

 وكمان إعمل منشن لأصحابك… علشان هما كمان يحققوا حلمهم… رمضان اللي جاي

 وقول لأصحابك على أسلوب… وساعدنا في نشر رسالتنا في تغيير حياة الناس ونشر الأفكار الإيجابية

شير في الخيير… ورمضاااان كريييييم