!!!غير حياتك: الحلقة دي, فرصة… والحياة… فرص

حلقة النهاردة فرصة ….فرصة ماتتفوتش فرصة ما تتعوضش……..الفرصة بتيجي مرة واحدة و مبتتكررش فى العمر …..و زي ما بيقولوا :الفرصة لا تاتي مرتين و الحظ لا يبتسم دائما……اصل الحياة …. فرص

-لما تلاقي العربية اللي بتحلم بيها بتتباع بنص ثمنها و هي لسه علي  الزيرو لدواعي سفر صاحبها … يبقى دي اكيد فرصة ما تتفوتش

-لما البيت اللي بتعدي عليه دايما و انت راجع من شغلك و تقول الله لو الواحد سكن فى البيت الجميل ده و فجاة تلاقيه معروض للبيع و ثمنه مناسب كمان … يبقى دي أكيد فرصة العمر..

-و يا سلام لو الشركة اللي نفسك تشتغل فيها طالبة موظفين يشتغلوا فى نفس تخصصك…….يبقى فرصة و جائت لحد عندك علي طبق من دهب.

لما تلاقي جوزك رجعلك مفرفش كده من خروجته مع اصحابه… ..يبقى دي فرصة جميلة اوي انك تنكدي عليه …….

لما صاحبتك اللي كانت لسه عمله فيكي مقلب طلع من نفوخك و بعدين تدور و تلف الايام -ما هو اصل الزمن دوار-  أحتاجتلك فى حاجة………ههههه يبقى جيتلك في ملعبك يا حبيبتي.(شيطان بيظهر يمين و شمال)

فيه ناس تعريف الفرص عندهم …. مختلف تماما….
(مشهد لأم فى المطبخ بتغسل الأطباق) و اولادها قاعدين في الليفينج و كل واحد فيهم قاعد علي التليفون و طالع من النليفون ايكون فايس بوك و ايكون واتس ابب و يو تيوب)
مامتك بتغسل الاطباق فى المطبخ و عماله تنادي عليكي علشا ن تساعديها “يا مني يا مني تعالي ساعديني شوية رجلي وجعتني و انت تردي عليها “يا ماما ما اخواتي الامامير قاعدين مرتاحين اهو هو مافيش غير مني فى البيت ده ؟؟”
دي بقي فرصة حقيقي ما تتفوتش…..مامتك اختارتك انت عن باقي اخواتك علشان تساعديها …فرصة انك تبريها فرصة كبيرة انها تدعيلك دعوتين حلوين و ترضي عنك……….
فرصة انك تكوني قدوة لاخواتك فى برك لأمك و خدمتك ليها.

…………………………………………………………………………….

(مشهد تاني لولد بيشتري ساندوتش …..و بعدها شاف راجل غلبان و هدومه متقطعة……و بيبص علي محل الاكل.. وأعطى له الساندوتش ده.)…..فرصة !!!! فرصة انتهزها……….لما ربنا يرزقك انت بالذات بانسان فعلا محتاج و يديك الفرصة انك تساعده ……..يبقي انت محظوظ فعلا

……………………………………………………………………………

(مشهد لخادمة بتكسر حاجة قيمة فى البيت زي فازة مثلا و ششكلها مرعوب من الخوف- و صاحبة البيت وقفة أمامها و هي متفجأة !!)

فرصة و جاتلك ما تفوتهاش!! فرصة أتحطيتي فيها علشان تقدري و تختاري انك تسامحي و تطبقي مبدأ “العفو عند المقدرة “و تنالي جزاءه 

(مشهد اخر لموظف شكله هايموت من الخوف من مديره و الموظفين التانيين علي وجههم الغضب و بيشاوروا عليه) فرصة أنك تأمن خوف و فزع المظف اللي ليك سلطة عليه و عندك القدرة علي أنك تأذيه فى شغله او فى حياته اذا أرتكب اي خطأ  ……بس أنت تخالف كل توقعات الناس و تعامله بمنتهي الانسانية (مشهد للمدير يضع يده علي كتف الموظف  و هو مبتسم و الموظف شكله مبسوط و الموظفين الاخرين مندهشين)

…………………………………………………………………………………….

فرصة عربية علي الزيرو بنص الثمن!!……..فرصة بيت الأحلام للبيع!!……….فرصة وظيفة الاحلام فى انتظارك ما تفوتش الفرصة!!

(مشهد سريع للبيت-مشهد سريع للعربية-مشهد سريع للجرنال اللي فيه الوظيفة)

هى دي الفرص اللي كل الناس بتسعي لها ……

و قليل أوي اللي بيدرك معني الفرص الحقيقية فى الحياة و اللي بتيجي لحد عندنا و احنا مش حاسين…….مش حاسين ان دي فعلا الفرص الحقيقية فى الحياة….

أنك تجيلك الفرصة ليكي  انك تساعدي امك ونتقوليش “اشمعني انا دونن عن أخواتك”(مشهد الام و بنتها تاني

أنك تجيلك الفرصة انك تنفق مما تحب  علي شخص فعلا محتاج(مشهد الرجل و الساندوتش و الغلبان

أنك تجيلك الفرصة انك تسامحي و تعفي عند المقدرة (مشهد للسيدة و الخادمة تاني). هى دي الفرص اللي منفوتهاش ……هي دي الفرص اللي مانضيعهاش…….هى دي الفرص اللي نندم لو ما انتهزناهاش………الفرص اللي لو انتهزناها… هاناخد اجر اكتر بكتير من اي عربية او وظيفة بنحلم بيها-

الفرص الابقي-فرص هاتغير حياتنا –

خلي بالكم من الفرص الحقيقية اللي بتجلكم و اوعوا تضيعوها.

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #‏موبايلك #‏الأندرويد من هنا:
http://bit.ly/osloop-android
وأسلوب #‏أيفون من هنا:
http://bit.ly/osloop-iOS-eg
وده, #‏موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/