غير حياتك: المبدأ رقم ٨ من سلسلة ال ٢١ مبدأ لحياة اكثر إيجابية – رتب ونظم مكتبك

https://www.youtube.com/watch?v=2O9zMjidFbc

إبدأ يومك مع مبادئ أسلوب, والمبدأ الثامن من سلسلة ال ٢١ مبدأ لحياة أكثر إيجابية

“فضي مكتبك الأول”

أول حاجة تستعد بيها علشان تبدأ شغلك أو مذاكرتك… إنك تفضي مكتبك وترتبه الأول

شيل كل الحاجات اللي على مكتبك, شيل قشرة الموزة … وبواقي كيس الشيبسي… والساندوتش اللي ماخلصتوش… وسماعات الموبايل وكروت الشحن القديمة… شيل كل حاجة ملهاش أي لازمة… ونظف المكتب بتاعك كويس

وحط بس الأدوات اللي هاتستخدمها في الشغل اللي هاتعمله دلوقتي… أو المادة اللي هاتذكرها دلوقتي… أو المشروع اللي هاتشتغل عليه لو كنت موظف

حط بس الأوراق والمذكرات والكتب والتقارير الخاصة بالشغل اللي هاتعمله دلوقتي

وإنتي كمان, قبل ما تبدأي تطبخي, فضي المكان اللي هاتطبخي عليه, حطي عليه بس أدوات المطبخ المقادير اللي هاتحتاجيها… علشان تطبخي بيها أكله معينة

حط كل حاجة إنت محتاجها علشان تكمل الشغل اللي وراك قدامك…  من غير ما تضطر تقوم كل شوية

وخليها قاعدة بالنسبة ليك… إنك قبل ما تبدأ أي حاجة, تكون مستعد ليها ومجهز لها كل الادوات اللي إنت محتاجها

هاتخلي تكملة العمل أسهل بكتير… وقيس على كده كل حاجة في حياتك… رتب دايما المكان اللي هاتشتغل فيه

كل ما يكون مكتبك نظيف ومرتب, كل ما أدائك هايكون أسرع وأفضل, لتكملة الشغل اللي وراك

نظافة وتنظيم مكتبك, بيزود إنتاجيتك بشكل كبير جدا

قوم دلوقتي… وفضي مكتبك من أي حاجة عليه ملهاش لازمة ورتبه

علشان دايما تكون مستعد إنك تبدأ شغلك بحماس وثقة وتركيز

أنا عن نفسي, بتحمس جدا ونفسي بتتفتح على الشغل, لما أفضي وأرتب مكتبي الأول… وأكيد إنت كمان

وما تزعلش أبدا لما تشيل العنكبوت اللي  بقاله ٣ شهور على المكتب وبقى بينكم عشرة خلاص

الفراق صعب صحيح في الأول… بس ده … علشان مصلحتك ومستقبلك

الهوم ورك بتاع حلقة النهاردة… إكتبلنا في كومنت, آخر مرة رتبت مكتبك إمتى؟ وشعورك إيه لما بتشتغل من مكان مرتب

وساعدنا في نشر مبادئ أسلوب لكل الناس اللي يهمك نجاحهم

 

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #‏موبايلك #‏الأندرويد من هنا:
http://bit.ly/osloop-android
وأسلوب #‏أيفون من هنا:
http://bit.ly/osloop-iOS-eg
وده, #‏موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/