إبدأ يومك مع مبادئ أسلوب

إبدأ يومك مع مبادئ أسلوب… والمبدأ رقم ٦ من سلسلة ال ٢١ مبدأ لحياة أكثر إيجابية:

 focus ركز مجهودك و فوكس

 focus حلقة النهاردة عن … التركيز و ال فوكاس

هاقولكم حاجة الأول… قبل ما نشرح المبدأ بتاع النهاردة

كلنا جربنه وإحنا صغيرين في درس العلوم مع ميس سهير

إنك لما تجيب عدسه مجمعة في الشمس… وتحركها لغاية لما أشعة الشمس تتجمع في نقطة واحدة… أي حاجة تحت النقطة دي هاتتحرق… لأنها تحت نقطة التركيز والفوكاس

المبدأ بتاع النهاردة من أهم المبادئ في حياتنا كلها

إحنا لازم نتعلم إزاي نركز ونعمل فوكاس على أهم الأعمال اللي في حياتنا

لازم كل واحد فينا يقف مع نفسه واقفة, ويشوف إيه اللي نجاحه الكلي محتاجه في الوقت الحالي

يعني لو طالب: يبقى اللي مطلوب إنه ينجح فيه هو دراسته… يبقى دي الحاجة الأساسية اللي لازم يركز فيها جدا

التمرين والرياضة والهوايات مهمين جدا جدا… لكن التركيز الأساسي لازم يكون في الدراسة… لأن دي أهم نقطة لازم يركز فيها في الوقت الحالي

لو أم لمولود جديد: يبقى أهم حاجة لازم الأم تركز فيها هو البيبي ده … لغاية لما البيبي يشد حله

الشغل والتعليم والوظيفة والهوايات … كل دي حاجات مهمة جدا جدا… لكن لازم يكون في وعي كامل إن التركيز الأساسي لازم يكون على أولادنا

كل واحد فينا نقطة التركيز الأساسية بتاعته… بتختلف جدا عن واحد تاني… ونقطة التركيز دي بتفضل تتغير في كل مرحلة عمرية في حياتنا

الموظف أول لما يتعين… نقطة التركيز الأساسية له هي إنه يثبت نفسه في وظيفته ومايوقفش تعليم أبدا

لما يترقى ويكبر في وظيفته ويبقى مدير… نقطة تركيزه الأساسية لازم تكون إنه إزاي يتعامل مع فريق العمل بتاعه

والرياضي اللي محترف لعبة معينة… تركيزه في الرياضة مش المفروض يكون زي واحد بيمارس الرياضة كهواية

والشخص اللي إحتراف الرياضة بيكون وظيفته… تركيزه في الرياضة مش المفروض يكون زي واحد بيمارس الرياضة كهواية

مرة تانية… لازم كل واحد فينا يجيب ورقة وقلم… ويسأل نفسه السؤال المهم ده:

في الوقت اللي أنا فيه في المرحلة دي في حياتي: إيه أهم الأعمال اللي لازم أركز و أفوكس فيها؟

وكل ما كنت واعي ومدرك للي محتاج تركز وتعمل فوكس فيه… كل ما هاتقدر تحقق نجاح فعلي في حياتك إن شاء الله

هووم وررك الحلقة بتاعة النهاردة: إكتبه لنا دلوقتي في كومنت

إيه الحاجة اللي المفروض تركز وتعمل فوكس عليها في الوقت الحالي من حياتك

وأكيد راجع حلقاتنا اللي فاتت وشوفها على برامج أسلوب للأيفون والأندرويد وموقع أسلوب دوت كوم

وإعمل منشن لأصحابك اللي محتاجين يركزوا ويعملوا فوكس في حياتهم

وساعدنا في نشر مبادئ أسلوب لكل الناس اللي يهمك نجاحهم

الحلقة صوت فقط على ساوند كلاود