أهلا بيكم في الحلقة رقم ١٠ من سلسلة مفاتيح النجاح… اللي بنعرض فيها ٢١ مفتاح للنجاح في واحد وعشرين حلقة

إنت النهاردة بتشوف المفتاح رقم ١٠ من مفاتيح النجاح

مفتاح النجاح بتاع النهاردة إسمه: فكر على ورق

أيوة… ده مفتاح للنجاح بجد

إنك تجيب ورقة وقلم… وتفكر على ورق

بس إحنا النهاردة جايين نقولك: تفكر في إيه بالظبط على الورق

إنت المطلوب منك, إنك تقوم زي الشطور كده, وتجيب ورقة وقلم, و تكتب ورانا النقط اللي إحنا هانقولها دي

علشان بعد كده… إنت هاتكمل وتفكر على ورق.

معاك ورق … وقلم؟

يالا بينا:

إنت بتتمنى النجاح صح؟

وسبب إنك بتتمنى النجاح, إنك بتتمنى في النجاح… إنك تلاقي السعادة إن شاء الله….

طيب… إنت محتاج بقى تعرفنا وتعرف نفسك: إيه هو النجاح اللي ممكن يخليك سعيد؟

و محتاج تكتب أفكارك كلها على ورق… وتفضل تفكر على ورق… لغاية لما توصل لإجابة مبدأية

… أيوة… إجابة… مبدأية… مش إجابة نهائية

لأن الحقيقة… إن عمر ما هايكون عندك إجابة نهائية لإيه اللي هايخليك ناجح وسعيد في الحياة

لأن الإجابة دي بتتغير من وقت للتاني

يعني… لو إنت طالب وفي الدراسة… يبقى إنت هاتكون ناجح … لما تكون ناجح في دراستك… الإختيار ده بسيط أوي وسهل

و لو إنت نفسك في المستقبل إنك تدرس حاجة معينة أو علم معين

يبقى طريق النجاح بتاعك هو إنك تسعى إنك توصل للمكان اللي هاتدرس فيه العلم ده

كويس أوي الكلام ده و جميل…. إكتبه على ورق يالا

بس لما تعدي من مرحلة الدراسة… هاتحتاج تعريف جديد للنجاح… وهاتحتاج إنك تفكر… إيه النجاح اللي ممكن يخليك سعيد

جميل أوي الكلام ده… إكتبه بقى على ورق… وفكر على ورق وجاوب على السؤال ده:

إيه هو النجاح اللي ممكن يخليني سعيد؟

ممكن يكون أكتر من حاجة على فكرة

ممكن يكون….  قربك من ربنا وطاعتك لربنا وإلتزامك بالعبادة في وقتها كويس

وممكن أوي يكون معاها: نجاح مادي كبير جدا بالطرق الحلال والصح طبعا, يجنبك المشاكل المادية في المستقبل

و ممكن يكون معاها: جسم رياضي يعطيك شكل جميل أوي… ويخليك أتراكتيف كده, زي الفنان الجميل “شلبي سلوفان كده”… أو زي “شعنونتي”… حسب زوقك في الجمال طبعا

و ممكن يكون كمان نجاحك وسعادتك في إنك تكون بتقول اللي بتعمله, وبتعمل اللي بتقوله

يعني تكون في سرك وبين نفسك… جميل بجد زي ما تتمنى الناس تشوفك وتعرفك

وممكن كمان يكون نجاحك في الحياة هو تميزك في حرفة معينة أو شغلانة معينة أو حتى هواية معينة, وتحولها لمجال دخل مادي كبير.

مفتاح نجاح النهاردة بقى بيقولك إيه:

فكر على ورق

هات ورق… وجاوب على السؤال اللي إحنا غشنناه ليك النهاردة

إكتب السؤال ده

وفكر فيه على ورق

على ورق

علىىىىىىىى …. ورررررقققققق

و … طبعا طبعا طبعا

طبعا طبعا طبعا

طبعا طبعا طبعا

إكتب مفتاح نجاح النهاردة في الكراسة اللي إنت عاملها مخصوص ل سلسلة مفاتيح النجاح من أسلوب

وراجع مراجعة سريعة على مفاتيح النجاح اللي إنت كتبتها في الكراسة في مjjjjjفاتيح النجاح اللي فاتت

ولو كنت ل سبب ما… لسه ما عملتش كراسة لمفاتيح النجاح… إبدأ إعملها دلوقتي حالا

و ياريت لو تاخد لينك الحلقة دي, وتبعته للناس اللي إنت بتحبهم, والناس اللي إنت مش بتحبهم عندك على جروبس الواتس آب وجروبس الفايسبوك

وإكتبلنا في كومنت: إنت عملت كراسة لمفاتيح النجاح ولا لسه؟

أكيد إنت ماوصلتش هنا من غير ما تكون ضغطت لايك؟

صح؟

صح؟

أكييييد صح!

سلاااااااام