من يعمل مثقال ذرة خير يره
لو عملت مثقال ذرة واحدة من الخير - هاتاخد مقابلها من الخير وعد من ربنا
لو عملت مثقال ذرة واحدة من الشر - هاتاخد مقابلها من مثل ما فعلت وعد من ربنا
 
عارف مثقال "ذرة" ده أد إيه؟
يعني إبتسامة واحدة ل حد معاك في البيت أو الشغل أو المدرسة أكيييييد أتقل من ذرة
إبتسامة خير واحدة - لها تمنها
نقل كلمة شر واحدة - لها تمنها
نقل خبر عن فضيحة - له تمنها
نقل كلمة خير - لها تمنها
فرحة أم, أب, أخ, زوج, زوجة, إبن, بنت - لهم تمنهم
الحساب بالذرة الواحدة
 
إنك تسامح واحد ساكن معاك في البيت دلوقتي - وإنت بتقول بينك وبين ربنا : ياااارب ... بسامح وإحسبها ليا ذرة عمل خير يارب ... مش عاوز حاجة من فلان اللي معايا في البيت وزعلانين من بعض ... عاوز من فضلك وكرمك وجودك وعفوك إنت ياااارب
 
ذرة .... واحدة ... بس ... من الخير .... والله يا بختك
ذرة واحدة بس من الشر كنت هاتعملها ... وبعدين عدلت نفسك عنها وماعملتهاش ... والله والله والله يابختك
 
إوعى تنقل خبر فضيحة
إوعى تنقل خبر مهما كان حقيقي, هايخلي شخص يزعل من شخص تاني
إوعى أبدا تفتح حاجة مش كويسة على الإنترنت وحتى تبص بصة واحدة
إوعى تكون بتضرب بوز وإنت قاعد في بيتكم والناس اللي في البيت كمان بيضطروا يضربوا البوز هما كمان في وشك الجميل
إوعى يكون في فرصة إنك تبتسم في الخير وتضيعها
إوعى تكون بتقرأ الكلام ده .... ومش هاتقوم تتحرك حالا وتعمل "ذرة خير واحدة" ... ذرة واحدة يا أستاذ .... ذرة واحدة يا أستاذة
ذرة واحدة بس
(6) فَمَن يَعْمَلْ مِثْقَالَ ذَرَّةٍ خَيْرًا يَرَهُ (7) وَمَن يَعْمَلْ مِثْقَالَ ذَرَّةٍ شَرًّا يَرَهُ (8)
قهوة الصباح