قهوة الصباح: فرصة
بجد ومش بهزرا ومش مجرد صدفة…. اللحظة اللي إنت فيها دي حالا… فرصة
فرصة وجائت لغاية عندك…. ومش مجرد صدفة… دي رسالة… إفهمها كويس أوي… وإستوعبها
إنت حاليا عايش في “فرصة” … بس مش فرصة واحدة… عندك مليون فرصة
لو الناس اللي إنت بتحبهم … لسه موجودين معاك في حياتك… يبقى دي فرصة… لأن في ناس كتيرة أوي… راحت منهم الفرصة دي
لما باباك أو مامتك يكونوا لسه موجودين معاك في الحياة… يبقى دي فرص… لأن في مليارات من الناس, راحت منهم الفرصة دي
لما تكون لسه موجود في الحياة… وأدامك فرصة إنك ترجع تاني في كل حاجة غلط بتعملها… تبقى دي… فرصة… والفرصة دي راحت من مليارات المليارت من البشر
إنت عايش في فرصة
سيبك من كل الفرص اللي راحت…. لأن لسه في مليون فرصة و فرصة
كل حاجة إنت فيها دلوقتي فرصة
الكلام اللي إنت بتقرأه دلوقتي ده فرصة
والحياة اللي إنت فيها فرصة
و لو إنت شاطر… إوعى تضيع الفرصة
قول للفرصة: أه… قول للفرصة أيوة… وإوعى تضيع الفرصة
https://youtu.be/gDb-fCRaJ98