بيوصلنا دائما, أسئلة عن طريقة عمل فيديوهات أسلوب, والبرامج المستخدمة وكيفية إستخدامها

وحاولنا على قدر المستطاع الإجابة على هذا السؤال, لكن نتمنى أن يوضح البوست ده, كيفية عمل الفيديوهات في أسلوب

ولذالك قمنا بعمل كورس كامل متكامل لشرح طرق عمل فيديوهات كارتون أنيميشن إحترافية من الصفر والتربح منها مثل قنوات أسلوب

الكورس من هذا الرابط:

https://bit.ly/osloop-ainmation-course-wsscribepost

 

فريق عمل أسلوب بيتكون من فريق كامل من الفنانين المحترفين في الرسم والإنتاج الفني وإنتاج الفيديوهات, والأدوات المستخدمة تترواح بين السهلة والبدائية, وبين الأدوات اللي بتحتاج إلى تعلم وإجتهاد… لكن في المجمل, سهل إنك تتعلم كل الأدوات المستخدمة… في مليون ومليون فيديو تعليمي مجاني على يوتيوب لتعليم كل حاجة, من أول الخياطة… ومروروا بإستخدام جميع أنواع برامج الإنتاج الفني والفيديوهات… وحتى طرق تعليم الرسم للمبتدئين والمحترفني

مجموعة برامج أسلوب مقسمة ثلاثة أنواع:


(  النوع الأول: طريقة أفكار أسلوب (حلقة المذاكرة وحلقة تنظيم الوقت وحلقة الضربة القاضية وحلقة سطر وسطر

الفيديوهات دي, معمولة بطريقة بسييييطة جدا, ممكن أي شخص ممكن يتعلمها بسهولة جدا… وأي شخص يستطيع عمل فيديوهات مبهرة, بأبسط تعليم…. لكن طبعا, اللمسة الفنية مهمة جدا جدا

البرنامج المستخدم هو:  VideoScribe

الموقع ورابط تنزيل البرنامج: http://bit.ly/osloop-videoscribe

ودي قناتهم على يوتيوب.. عندهم حلقات بسيطة جدا تعليمية:
http://bit.ly/osloop-scribe-training-youtube

التحدي الوحيد في البرنامج السهل الجميل اللي فوق ده, هو كتابة العربي, هو مش بيدعم عربي مباشرة, علشان كده, إحنا إتغلبنا على المشكلة دي, بإننا بنكتب الكلام العربي على برنامج تاني, وبنحول الكلام العربي vector وبنعمل إكسبورت للكلام بصيغة svg وبعدين بندخله صورة على برنامج VideoScribe
ودي الخطوات بالتفصيل:

١- نزل برنامج مجاني إسمه إينك سكيب من هنا
http://bit.ly/osloop-inkscape
٢- إكتب الكلام اللي إنت عاوزه بالعربي على برنامج إينك سكيب اللي نزلته في الخطوة رقم ١
٣- إختار الكلام العربي اللي إنت كتبته
٤- من القائمة اللي فوق, إختار
Path->Object to path
الإختيار اللي فوق ده, هايحول الكتابة من كتابة لصورة بصيغة svg
٥- إحفظ الملف اللي إنت حولته ده بصيغة svg ودي هاتكون صورة, برنامج ڤيديوسكرايب هايفهم إزاي يرسمها ويمشي على الخطوط صح
٦- إفتح برنامج ڤيديو سكرايب, ودخل الصورة اللي إنت حفظتها في خطوة رقم ٥… هايرسمها زي حلقات أسلوب بالظبط


النوع الثاني: حلقات برنامج أسلوب في دقيقة:

إحنا بنصور رسم حقيقي بالكاميرا
والمونتاچ بنستخدم فيه برنامج
Adobe after effects
بس أي برنامج مونتاچ تاني هايفي بالغرض… لأن البرنامج اللي إحنا بنستخدمه مش أسهل برنامج يتعمل بيه المونتاچ اللي الفيديو ده محتاجه


النوع الثالث:  برامج “أستوديو أسلوب” و “مكتبة أسلوب” و “صرخة”:

الأدوات المستخدمة
رسم الشخصيات وكل الرسومات: Adobe Illustrator
تنظيم الديكور والخلفيات بعد رسمها: Adobe Photoshop
كارتون وشخصيات أنيميشنز: Anime Studio Pro 11
البرنامج الرئيسي في تركيب وتحريك الجرافيكس إيفكتس: Adobe After Effects


الصوت والتسجيل

بالنسبة لتسجيل الصوت, إحنا بنستخدم برنامج إسمه: Garage Band
بس ده موجود ماك بس ومفيش منه ويندوز, بس في برنامج تاني جميل وسهل الإستخدام ومجاني للويندوز ممكن تستخدمه:
http://bit.ly/scribe-audio-audacity

بالنسبة للمايك المستخدم: إحنا الأول كنا بنسخدم مايك نوعه راديو شاك, وكانت جودة نقاء الصوت مش أفضل مايمكن, فا كنا بنجرب فلاتر تنقية صوت, علشان تشيل الدوشة, لكن كانت بتغير الصوت (الحلقة رقم ١ و ٢ من أفكار أسلوب)
بعد كده, إستخدمنا المايك ده, ومابنستخدمش معاه أي فلتر أو أي حاجه, إحنا بس بنستخدم المايك ده… مع عوازل للصوت الخارجي وإستخدام بوب فيلتر:

http://bit.ly/osloop-audio-mic-yeti-blue

رجاااء… ياريت ننشر الخطوات دي كلنا… لأن نشر العلم ده فعلا بيكبر كل واحد بيعمله… إوعى توقف المعلومات دي عندك… شير وإعمل منشن وإنشر بكل الطرق الممكنة… ممكن ناس كتير تستخدم برنامج زي ده في عمل خير كتير… أو حتى مصدر دخل

لو عندك أي صعوبة في إستخدام أي حاجة من دول.. إكتبلنا في كومنت, وإحنا بنحاول نرد على كل الأسئلة على قدرالمستطاع إن شاء الله


إن شاء الله هايكون في فيديوهات في المستقبل نقدم فيها شرح فيديو أكتر وأفضل, إشترك في قناة أسلوب على يوتيوب من  هنا, علشنا توصلك كل الحلقات الجديدةhttp://bit.ly/osloop-sub

حلقات برنامج أستوديو أسلوب:

حلقات برنامج: أفكار أسلوب:

حلقات برنامج: مكتبة أسلوب:

حلقات برنامج: أسلوب في دقيقة:

how do we make videos in osloop 02