برنامج: أسلوب في دقيقة – الحلقة الخامسة: سؤال: مرتبي أو مصروفي بيطير أول الشهر… هل في حل؟

 

اهلا بيكم فى الحلقة الخامسة  من سلسلة حلقات أسلوب فى دقيقة .هانجاوب فى دقيقة علي اكثر الاسئلة  اللى بتوصلنا من متابعينا علي قناة اسلوب و الي بتجلنا كما ن فى كومنتس علي صفحتنا علي الفايس بوك بس منوعدكوش انها هاتكون دقيقة بلضبط.

سؤال وصل لينا اكتر من مرة بيقول: أزاى أقدر أراقب صرفي لمرتبى و أزاى اظبط الميزانية و اصرف صح بدل ما انا ايدى مخرومة و عمال اصرف و ابعزا عمال على بطال؟

سواء كنت موظف بتقبض مرتبك او ربة منزل و مسؤلة عن مصروف البيت او حتي طالب لسه بتاخد مصروفك ،،،،الحلقة دي هاتفرق معاك كتيييرررررر اوي.

اغلب الناس  زيي كده باجي قبل نص الشهر و اغني ظلاموه،،،،و يا سلام اول ما اقبض مرتبي اقعد ابعزا فيه عمال علي بطال من غير ما احسبها كويس!!!و فجأتا و لا سحر و لاشعوذه تلاايني علي الحديدهههه….و افضل اعاتب فى نفسي و اكتب قصيدة رثاء لمرتبي و اقول فيها:

  • يا مرتبي يا مرتبي اللي طااااررررر
  • مشيت فجأه و سبتني منهار
  • طب حتي كنت كمل المشوار
  • لحد اخر الشهر علشان الايجار
  • ٤٠٠ جنيه قيمة الكهربا فى الايصال
  • غريبه اوي مع اني بطفي الانوار
  • سلفني شكرا بسمعها باستمرار
  • لما الرصيد يخلص مع سبق الاصرار

لحد ما وقفت مع نفسي وقفة رجلا واحدا  …..و عملت طريقة فرقت معايا اوي ،،،،،طريقة خلتني فعلا اقدر اني اراقب انا صرفت في ايه و ما جيش نص الشهر و اتزنا زي كل مرة

الطريقة دي هي طريقة الاظرف.

اول ما تقبض مرتبك فى اول الشهر و اول ما تاخدي مصروف البيت من الاستاذ واول ما تاخد مصروفك من باباك اشتري مجموعة من الاظرف و اكتب علي كل ظرف هاتصرف الفلوس اللي جواه فى ايه؟!!

ظرف لايجار الشقة و ظرف للقسط وظرف لفواتير الكهربا و الميه و التليفون،،،،،ظرف للبنزين او المواصلات ،،،،ظرف للسوبرماركت و ظرف للفسح،،،و ظرف كمان للطوارئ.

و تكون عارف انك لورحت السوبر ماركت مش هايكون معاك غيرالظرف اللي فيه المبلغ بتاع السوبر ماركت ،،فقط لا غير،،،و لو قررت تتفسح يأي تاخد معاك بس ظرف الفسح…..و لو فكرت تخرج مع اصحابك بعد ما تكون ذاكرت و خلصت دروسك يبأي تعملي ظرف للخوروجات و ماتحتش غيره فى محفظتك…….و بكده ها تبأي عارف كل مليم من مصروفك او مرتبك اتصرف فى ايه.

انا عارفه أن في ناس كتيير دخلها ضعيف جدا بس حتي لو المبلغ بسيط اوي نقدر نقسمه و ننظم ها يتصرف فى ايه علي قد ما نقدر

اعمل شير للحلقه دي و منشن لكل اصحابك المبعزأتييه.

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك حلقات أسلوب في دقيقة بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg

 

الحلقة صوت فقط من ساوند كلاود

 

Osloop in a minute - episode 05 - save money p1 Osloop in a minute - episode 05 - save money p2 Osloop in a minute - episode 05 - save money p3 Osloop in a minute - episode 05 - save money p4 Osloop in a minute - episode 05 - save money p5 Osloop in a minute - episode 05 - save money p6