آخر حلقة من مبادئ أسلوب
غير حياتك كلها بحلقات أسلوب من هنا:

http://bit.ly/osloop-sub

المبدأ رقم ٢١
ما تعملش حاجتين فى نفس الوقت

إبدأ يومك مع مبادئ أسلوب, والمبدأ رقم ٢١ والآخير من سلسلة ٢١ مبدأ لحياة أكتر إيجابية
ما تعملش حاجتين مهمين في نفس الوقت.

لو عندك حاجة فعلا مهمة, أوعى تعمل معاها أي حاجة تانية

لو وراك فعلا حاجة مهمة جدا و نفسك تخلصها و تنجزها بقالك فترة –
يبقى أولا: تنوي نية صادقة و تاخد قرار حاسم – انك تعزل نفسك عن أي تشتيت،
و تبدأ أنك تخلص الحاجة المهمة دى،
و متوقفش أبدا لغاية لما تخلصها –
و إوعى يبقى فى حاجة تانية بتعملها أو أى حاجة تكون موجودة في تفكيرك وتشتتك، و أنت بتخلص الشغل أو الحاجة اللى وراك

أوعى تذاكر و أنت مثلا بتتفرج على التلفزيون (صورة طالب بيتفرج على التليفيزيون)
و أوعى برضوا تتفرج على التلفزيون و أنت بتذاكر (الصورة اللي فوق تتعكس تليفيزيون وطالب بيتفرج عليه)

الوقت ده هيضيع… و لا منك استفدت من مذاكرتك و لا حتى استمتعت بالفرجة على التلفزيون –
وقت ضيعته كده مالوش أى لازمة

المذاكرة بالذات من الحاجات و المهام المهمة اللى بتحتاج منك لما تنوى و تقول يا مذاكرة أن ذهنك يكون

single minded task ،
بمعنى أن ذهنك يدخل بس المذاكرة جواه و يقفل بابه عن أى حاجة تانية مهما كانت لغاية ما تخلص مذاكرتك

يعنى المذاكرة و التليفون فى ايدك – ما تنفعش،
المذاكرة و الأكل قدامك – ما تنفعش،
أبعد عن أى حاجة مهما كانت تخليك تشيل القلم من ايدك لحد ما تخلص من مذاكرتك
وخاصة الموبايل الجميل اللي إنت ماسكه في إيدك ده… وهو اللي خلاك تسيب اللي وراك وتفتح فايسبوك أو يوتيوب… وإنت وراك حاجة مهمة تعملها… يعني هو الموبايل ده هو اللي خلاك تسيب الشغل المهم اللي وراك يا جميل

لو في شغلك وراك تقرير تعمله، أو حتى ايميل مهم تبعته – حاول تعزل نفسك عن أى شغل تانى وراك،
و أبدأ فى كتابة التقرير بدون توقف لحد ما تخلصه

خلي عندك اصرار انك تبدأ أهم شغل عندك، و ما توقفش علشان خاطر تعمل أى شئ تانى لحد ما شغلك المهم ده يخلص

لما تذاكري مع أولادك – بلاش يبأى فى ايديك التليفون، و محبكتش الدخول على الفايس بوك و الواتس اب و الانستجرام –
كلها أصلا نص ساعة استحمليهم وركزى أكثر على الحرب اللى بينك وبين أولادك علشان يذاكروا،
و لازم انتى اللى تفوزى فى الاخر –
خليكى مركزة معاهم بكل جوارحك فى وقت المذاكرة،
و حتى أوعى تشتتي نفسك بأى تليفونات، أو شغل البيت ما دام نويتي تذاكرى لهم

وأكيد أكيد ما تسوقش عربيتك و أنت بتكتب رسالة على التليفون لصاحبك – هتلبس فى اللى قدامك و تعرض نفسك للخطر،
و ساعتها ما تعيطش على فانوس العربية اللى اتكسر، و اللى تمنه أد مرتبك شهرين

وأنتي طالعة مصيف أو رحلة متفكريش فى مشاكلك و مشاكل أولادك – استمتعى بوقتك لأنك مش صارفة مبلغ أد كده علشان تطلعى و تنكدى على نفسك و على اللى حواليكى – صممى أنك تتبسطى و تستمتعى بوقتك

وأخيرا عمرك ما هاتعرف تتقدم وتبنى مستقبلك و أنت بتعيط على الماضى.
انسى الماضى وأبدأ من جديد مهما كانت ظروفك و مهما كان سنك –
انسى مشاكلك اللى فاتت و أطوي صفحة الماضي و البكاء عليه،
أنت كده بتستنفذ من طاقتك على الفاضى، و اللى ممكن تدخرها فى أنك تفكر ازاى تنجح و تبني مستقبلك

إحنا في أسلوب, الهدف من فيديوهاتنا إننا نساعدك على إنك تنجح في حياتك وتتقدم وتحدد وتوصل لأهدافك… وتعيش في سعادة حقيقية

و سلسلة مبادئ ال ٢١ مبدأ لحياة أكثر إيجابية من السلاسل الأولى الى بدأنها فى أسلوب،
و كانت بدايتها عبارة عن صور و كاردز فقط،
والفضل يرجع لمتابعينا الأعزاء و أصحابنا اللى دايما معانا، و مش بيبخلوا علينا بتعليقاتهم و كلامهم الجميل و دعائهم الأجمل – فى أنهم يقترحوا علينا أننا نحول المبادئ دي لسلسلة فيديوهات

الحمد لله, تمت سلسلة ال ٢١ مبدأ بنجاح… لازم إنت تجمع المبادئ دي كلها في كراسة عندك مخصوص لسلسلة ال ٢١ مبدأ دول
وتعدي على المبادئ دول مبدأ مبدأ كل يوم
لأن السلسلة دي على بعضها … معمولة علشان بتكمل مع بعضها خطة متكاملة تخليك تغير حياتك أحسن

…. إيه ده إيه ده يا بشمهندسة بانسيه… هي دي آخر حلقة بجد… يعني أنا كده خلاص… مش هاطلع معاكوا في حلقات تاني

مش عارفة بصراحة يا أسلوبي… هانسيب القرار ده لأصدقائنا من عائلة أسلوب… يشوفولك أي حاجة تطلع فيها… ولو حد عنده ليك وظيفة.. ممكن الزهر يلعب معاك يا أسلوبي… بس ساعتها بس إبقى إفتكرنا

أصدقائنا الأعزاء: عائلة أسلوب… أجمل عائلة
منتظرين متابعتكم لباقي سلاسل أسلوب كلها, وإقتراحتكم لنا لسلاسل جديدة
وخليكوا دايما معانا في
أبليكيشن أسلوب لل الأيفون والأندرويد
وقناة أسلوب على يوتيوب… أكيد إنشرها لكل الناس اللي بتحبهم… واللي مش بتحبهم
وأسلوب كمان على انستاجرام
….
هاتوحشونا

الحلقة موجودة كاملة كتابة على موقع أسلوب دوت كوم, وعلى برامج أسلوب للأيفون والأندرويد
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg
وده, ‫#‏موقع‬ أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife