أهلا بكم في سلسلة حلقات مفاتيح النجاح

المفتاح التاني:

إسرق مجرب

أستفيد من تجارب الناس اللي قدروا يحققوا النجاح قبلك!

استخدم أساليب النجاح اللي اتجربت قبل كده و اتعلم من الناس الناجحة اللى قبلك……..

مضيعش وقتك أنك تعلم نفسك ازاى تنجح من الصفر، ده حتى الناس الناجحة نفسهم معملوش كده، أول ما بدأوا شافوا اللى قبلهم نجحوا ازاى و الأساليب اللى استخدموها كانت ايه….

الناس اللى ما بتصعب الامور علي نفسها وعايزة تخترع من الصفر زى بالضبط اللي بيطبخ طبخة و بيحط فيها كل المكونات على بعض فى طبق واحد وبعده يقعد مستغرب ليه ان طعمها وحش! مع ان المكونات كلها محطوطة……

ما سألتش نفسك ليه ناس أو منظمات قليلة هى اللى بتنجح؟ علشان الناس ده بتتبع أساليب نجاح اتجربت قبل كده و مضيعوش وقتهم فى التجربة، وبيفضلوا  يكرروا الأساليب و التجارب المتجربة قبل كده  دي لحد ما يتمكنوا منها و يتقنوها….

و المفروض اننا بدل ما نخترع حاجة من اولها  الاحسن اننا نطور تجارب سابقة ناجحة….

لو أنت طالب و عايز تنجح، اتعلم من الطلبة التانيين اللى وصلوا للنجاح كانوا بيذاكروا أزاي…..و كمان ممكن تتفرج علي فيديوهات عن المذاكرة و تنظيم الوقت…..اكيد هاتتطلعك بمعلومة تفيدك و تفرق معاك فى مذاكرتك……فى اسلوب قدمنا فيديوهات كتيرة عن المذاكرة و عن تنظيم الوقت ياريت لو لسه مشفتوهاش تشوفوها……و لو شفتوها قبل كده شفوها تاني و تالت و رابع لان كل مرة بتشوفها اكيد هاتكتسب معلومة جديدة ما كنتش واخد بالك منها قبل كده.

لو أنت بتبدأ مشروع ، اتعلم من اللي سبقوك فى مشروع شبهه قبل منك…….اسألهم عن خبراتهم و المشاكل اللي قبلتهم وحلوها ازاي…..و ايه المشاكل اللي ممكن تتفاداها ……اي معلومة تفيدك فى مجال مشروعك…….خد وقتك انك تسأل و تستفسر.

لو أنت أم و ربة منزل و شايفة مثال قدامك لأم ناجحة فى تربية اولادها و تنظيم حياته أسأليها بتعمل ايه و بتنظم و قتها ازاي……وطبعا هتقولي ان الناس بتخاف من الحسد و محدش بيرضي يفيد حد……هقولك معاكي و فاهمة اللي بتقوليه….بس فعلا عن تجربة فيه ناس بتبقي نفسها تفيد و تساعد الناس من قلبها و اكيد هتلاقي اللي تنصحك بضمير……لكن لو مش عايزة او محرجة تسألي ….ممكن تقرأي و تتابعي علي الانترنت اي حاجة خاصة بتربية الاطفال او تنظيم اكلك و بيتك…..فيه مدونات كتيرة جدا فيها مشركات من امهات من انحاء الوطن العربي…..ممكن بسهولة تبعتي تسألي و هتلاقي ناس كتير بنرد عليكي….و كمان عندك فايس بوك جروبز مشتركين فيها امهات كتيرة برده هتلاقي منهم كتير يساعدوكي و ينصحوكي….

لو أنت عايزة تخسي…..استفادي من خبرات الناس اللي قدروا يخسوا …..ما فيش اكتر من الجروبات دي علي الفايس بوك…..جروبات فيها الناس اللي عايزة تخس …..و تلاقيهم بيشجعوا بعض و يفيدوا بعض…..طبعا فى الاخر كل واحد بيتبع النظام اللي يقدر يمشي عليه….

لو أنت موظف و نفسك تحقق نجاح فى شغلك…..راقب مثال لموظف ناجح فى شغلك نفسه….راقبه كويس و شوفوا بيعمل ايه و روتينه اليومي بيمشي ازاي…..بيتعلم ايه  بيقدم لشغله ايه زيادة يخليه متميز و ناجح؟

أستفيد من تجارب الاخرين اللي قدروا يحققوا النجاح قبلك! هتوفر علي نفسك مجهود ووقت كبير جدا و هتتفادي أخطاء كتير ممكن توقع فيها.

أعمل شير و لايك للفيديو و اعمل لأصحابك منشن و شير…..و ياريت تقول لينا فى كومنت اكتر حاجة استفدتها من الحلقة و هاتبدأ تتطبقها فى حياتك أزاي…