إضغط على نفسك في الشغل

إبدأ يومك مع مبادئ أسلوب, والمبدأ رقم ١٣ من سلسلة ال ٢١ مبدأ لحياة أكثر إيجابية

إضعط على نفسك في الشغل و إشتغل بدون رقيب

خليك رقيب علي نفسك. معظم الناس مش بتخلص شغلها بضمير وتجبر نفسها على العمل غير لما يكون فيه مدير غلس واقف فوق دماغها

بس إنت مش هاتعمل كده, مش كده؟

ما تستناتش حد يكون رقيب عليك:

مدرس يغلس عليك علشان تذاكر ،

مدير يطلع عينك علشان نتجز شغلك ،

زوج غلس يحملك كل المسؤلية بيت واولاد.

شعور مش ظريف أكيد و بيخنق صح؟ أكيد صح

يبقى إسبق أنت وغلس على نفسك وحط إنت الضغط علي نفسك، لأن ببساطة ما حدش ها يجى في الآخر وينقذ ك.

خليك ماسك زمام أمور نفسك.

-قبل ما تتزنق آخر السنة في المذاكرة،

إجبر نفسك على أنك تلتزم بالمذكرة من أول السنة..-. علشان ما تجيش تغني ظلموه فى آخر السنة ووقت الامتحانات وساعتها ما حدش ها ينفعك

-أجبري نفسك أنك أنت اللي تاخدي بالك من صحتك وما تستنيش حد هو اللي ياخد باله منك-

لو عايز تبقى ليدر-قائد يعني… لازم أنت اللى تراقب و تضغط على نفسك لحد ما توصل للنجاح.

حياتك ومستقبلك مسؤليتك لوحدك أنت مش مسؤلية حد تاني.

الابطال في كل الرياضات، بيجبروا نفسهم أنهم يلتزموا بالتمارين وبيموتوا نفسهم علشان يحققوا بطولات ^

-الطلبة الناجحين في دراستهم بيجبروا نفسهم أنهم ما يضيعوش أي وقت.

.أسلوبي: يا بشمهندسة بانسية : باركى لى بقيت مدير أد الدنيا

أنا: ما شاء الله يا أسلوبى و ايه الشياكة دي؟ شياكه مدير مافيش كلا م!! و يا ترى بقيت مدير على مين؟؟

أسلوبي: بقيت مدير على نفسي…. و خصمت من مرتبي إمبارح خمسة جنيه وطلبت سلفة لنفسى و رفضتها و كتبت طلبت أجازة ورفضتها برده….( هههه)

(أسلوبي يوقف فوق دماغه)

مالك يا اسلوبى واقف فوق كده ليه؟

أسلوبي: علشان أبقى مدير واقف فوق دماغي

أنا: طيب بس لا المدير بتاعك يجي يعلقك من البدلة اللي سالفها دي.

أسلوب: مدير؟!! مدير مين ده اللي يعلقني من هدومي ده

(صوت موبايل بيرن…. وأنا برد وصوت محمد ليقول: آلو فين الكائن ده اللي أسمه أسلوبي أتأخر على التصوير كده ليه..-خلية يجي بدل ما أعلقه من هدومة)

(اأ سلوب يختفي: يا لا هوو وى) ويفر جرى مع صوت الاختفاء سريعاً.

أسلوبي وهو بيجري

آآآآآ… أنا رايح أشوف الموظفين بتوعي بقى علشان مش بيعرفوا يعملوا أي حاجة من غير ما أضغط عليهم

ما أوصيكوش على زراير اللايك والشير, عاوز أرجع ألاقيهم مش في أماكنهم من كتر الضغط
صوت المدير: دا إنت ها تتعلق يا أسلوبي