أهلا بيكم في الحلقة رقم ٣٠ من برنامج أسلوب في دقيقة
اللي بنجاوب فيها على الأسئلة اللي عمرها ما بتكون دقيقة… آآآآ صدي… اللي بنجاوب فيها على الأسئلة اللي بتجيلنا في كومنتس
واللي عمرها ما بتكون دقيقة أبدا
سؤال النهاردة بيقول:
هو إيه وإمتى وليه علشان أنا زهقت
…. إستنى كده معلش… أنا مش فاهم السؤال… ممكن توضحهولي؟؟؟؟
السؤال مرة تانية…
هو إيه؟
وإمتى؟
وليه؟
علشان أنا زهقت
زهقت
زهقت.
آه ه ه ه ه
دلوقتي فهمت
ده سؤالك يعني
طيب ياراجل مش تقول
سؤالك ببساطة معناه: إنت مش عارف تسأل سؤال أصلا…. إنت مش عارف أصلا تسأل وتقول إيه…. بس في نفس الوقت عاوز إجابة
طيب تصدق بقى
هاتصدق ولا مش هاتصدق؟
شكلك هاتصدق
شكلك… هاتصدق
إنت ما عندكش سؤال… وعاوز إجابة
وأنا يا سيدي عندي إجابة السؤال اللي مش عندك ده
والله إنت حظك حلو
شوفت بقى
عندي إجابة… من غير ما يكون عندك سؤال
إيه الدلع اللي إنت فيه ده… والله إنت يا أخي متدلع
إجابة من غير سؤال
طيب… خليني أبدأ بقى الإجابة بسرعة علشان ماتزهقش مني
بصراحة… طالما إنت ماعندكش سؤال… يبقى أنا هاتكسف أقولك دوس لايك على الفيديو
إلا بقى… إلا بقى يعني… إلا يعني إذا كنت….. مصررررر
سيبك إنت…. تعالى نبدأ الكلام المهم
إنت شكلك زهقان شوية
زهقان ولا مش زهقان؟
والله يا أخي أنا حاسس بيك
إنت زهقااااان
وكنت قاعد بتلف على أي بتنجان وخلاص …. و بتدوس على أي حاجة في أي حاجة
وطلعك واحد في فيديو… وقالك أنا هجاوبلك على ولا حاجة… وإنت ماعندكش مشكلة
لأه ومكمل
لأ وإيه… يا سبحان الله… لسه معايا وبتسمع
ويمكن كمان تكون إدتني لايك على الفيديو … من غير ما أكون طلبت منك طبعا
…. بس…
ده النص الأول من الحكاية… إنك بتلف و مش بتعمل حاجة مفيدة
النص التاني بقى… هو سؤال ليك:
هو إنت المفروض تكون بتعمل إيه دلوقتي؟
أيوة… ده كلام بجد… ومحتاج ذهن صافي… ومحتاج ورقة وقلم
سيبك من التفكير في الهواء بطريقة ماية اللفت دي
إنت محتاج ورقة وقلم
هات كده ورقة وقلم
وإكتب السؤال ده لنفسك…. إنت المفروض تكون بتعمل إيه دلوقتي؟
المفروض تكون بتعمل خريطة ذهنية فيها الحاجات اللي وراك وترتب فيها حياتك؟
المفروض تكون بتشتغل … بس مالكش نفس؟
المفروض تكون بتلعب رياضة؟
المفروض تكون بتدور على شغل؟
المفروض تكون بتذاكر؟
المفروض تكون بتتعلم حاجة جديدة وهربان منها؟
قولنا إنت…
إنت المفروض تكون بتعمل إيه دلوقتي؟
لو إنت كتبت السؤال ده على ورقة
جاوب عليه
وخد ١٠ دقايق كاملين دلوقتي… إكتب إجابة طويلة أوي
إفضل جاول على السؤال ده
المفروض تكون بتعمل إيه دلوقتي
ومحتاج إيه علشان تقوم تعمله؟
لو إنت من الغالبية العظمى من الناس… إنت عارف إنت المفروض تكون بتعمل إيه دلوقتي كويس أوي
و تقدر تقوم تعملها
بس كنت محتاج بس حد يفكرك إنك تقوم تعمله
أو كنت محتاج واحد يرسملك رسمة تنين بيطلع نار من بقه
والنار دي مكتوب فيها:
إعمل الصح….
صح؟… المفروض تعمل الصح؟
يالا يا عم… قوم وإعمل الصح
وإعمل الشغل اللي وراك…. بس بجد
وكفاية لف
كفاااااية لف
كفاااااااية لفففففففف