اهلا بيكم فى الحلقه رقم 8 من برنامج استوديو اسلوب

حلقة النهارده معموله تحت اشراف خاص من فريق عمل يوتيوب نفسه

طلبوا مننا اننا نتكلم عن موضوع شديد الاهمية

وهو موضوع البلطجة الالكترونيه

وازاى نقدر نأمن نفسنا واحنا بنتواصل مع الناس على يوتيوب ومواقع التواصل الاجتماعى عموما

التعليمات والارشادات اللى هانتكلم عاليها النهاردة فى غايه الاهميه

ومعظمنا ماعندوش درايه

بيها وحرصاً مننا على امن متابعينا فى قناه اسلوب

عملنا ليكم الفديو دا بالتعليمات والارشادات اللى تحميكم من البلطجه الالكترونيه .

اولاً: فكر كويس قبل ما تنشر اى صوره او فديو ليك

خلى بالك انتا لما بتنزل فديو ليك على يوتيوب

ممكن بسهوله ينتشرانتشارلايمكن تتوقعوا

اى حد فى اى مكان فى العالم يقدر انوا يتفرج عليه

يعنى مينفعش تحط اى معلومات شخصيه عن نفسك.

اسمك بالكامل مثلاً او رقم تليفونك او ايميلك الشخصى او المدرسة او الكلية اللى اتخرجت منها

اى معلومات شخصيه تجنب انك تستحدمها على يوتيوب او اى موقع تواصل اجتماعى.

( إتصال تليفوني وصوت متصل )

الو ايوا يا ابله انا عندى عروض حصريه لجميع انواع الموبايلات

انا جبت رقمك من على الانترنت ممكن تعمليلى اضافه.

(مهندسة بانسيه ترد):

انا مش ابله على فكره لو سمحتم امسحوا رقم تليفونى حالاً من أكاونت على يوتيوب.

واحده صحبتى قالتلى قبل كدا على حاجه غريبة جداً

انها بتغطى الكاميرا اللى فى اللاب توب بتاعها لما مش بتستخدموا

ومش بتشيل الغطا دا غير لما بتستخدموا فيديو كول بس .

وقولت ساعتها انها موسوسه ومش للدرجادى

لاكنى اكتشفت ان هو دا الصح ودا المفروض ان احنا نعملوا .

ثانى حاجه التعامل مع البلطجة الإلكترونية طيب هو إيه معن البلطجة الإلكترونية أساسا

يعني واحد, يتبلطج عليك, بإنه يتطاول عليك بالكلام والإسائة وممكن كمان شتايم

وده من خلال ال كومنتس على الفيديو بتاعك

وأكيد الكلام ده بيسبب ليك حرج أمام الناس

وزي مابيقولوا… الإختلاف في الرأي, لا يفسد للود قضية

يعني ممكن يكون عندنا أراء مختلفة طبيعي جدا,

وخاصة إن الفيديوهات على يوتيوب بيشوفها ملايين الناس

فمن الطبيعي إن مش كل الناس عندها نفس الأراء على الفيديو

أهم حاجة, نحترم أراء بعض …

وما نتطاولش على بعض في كلامنا في الكومنتس بتاعتنا

كلنا بلا إستثناء لينا مطلق الحرية في التعبير عن أرائنا

بس بطريقة نحترم بيها الآخرين

مثال لبعض الكومنتس المحرجة اللي بتوصلنا على قناة أسلوب:

انتوا قناه ممله خصوصا الراجل اللى بيقول تنيين وبطيخ .

شكراً يا سيد .

لو جالك كومنتس من النوع ده على الفيديو بتاعك مثلا

تقدر تعمل حاجة من إتنين

إنك تختار إنك تعمل بلوك للشخص صاحب رسالة الإسائة دي

ببساطة بتضغط على اسم الشخص ده,

وهنا اسموا سيد

بتلاقي نفسك روحت صفحة البروفايل بتاعته

هاتلاقي علامة فلاج أو علم دوس عليها ايوا

وإختار

Block user

زي كده بالظبط .

عندك الطريقة الثانية ممكن بسهولة تمسح الكومنت ده,

بحيث إنه مايبانش تانى تحت الفيديو

هاتلاقي بجانب أي كومنت بيجيلك على أي فيديو, أيقون على شلك ٣ نقط إضغط عليه,

وبعديها إختار

remove

بكده… إنت مسحت الكومنت ده خالص .

ولو عاوز تعرف فريق يوتيوب, إن الشخص ده بيسيئ ليك دايماً أو بيعمل حاجة غلط عموما

ممكن تختار إنك تعملها

 Report spam or abuse

بردوا من نفس الأيقون اللي عليها ٣ نقط اللى حتلاقى جنب الكومنت .

ساعات كمان بنشوف فيديوهات كلها إهانات وإسائة, وتعدي على حقوق الآخرين أو بيكون فيها مخالفات تانية من أي نوع

يوتيوب بيشجعنا إن إحنا نعمل ريبورت, أو نبلغ عن نوعية الفيديوهات الغير مناسبة واللائقه دي

أي فيديو غير لائق, لازم نبلغ عنه يوتيوب, بإننا نعمله ريبورت

مانكتفيش إن إحنا نقفله وبس

لازم نقف مع الحق ومانكبرش دماغنا ونعمل الصح ونمنع من إنتشار الفيديوهات دي.

ممكن كما يتنشر ليك فيديو حد مصورهولك غصب عنك

(صورة فيديو لسيدة بتضرب زوجها)

وطبعا, سمعتك بالدنيا…

يعني ما تبقاش مالي مركزك كده في الشغل..

وبتاخد فوق دماغك ياحرام في البيت .

يبقى من الأفضل نعمل لأي فيديو غير لائق نشوفه ريبورت

ازاى؟

نروح على صفحة القناة اللي نشرت الفيديو الغير لائق دا

هاتلاقي زرار تحت الفيديو على طول مكتوب عليه

“More”…

أو المزيد اضغط عليه واختار

Report

وبعديها تختار السبب … اللي خلاك تعمل ريبورت أو إبلاغ عن الفيديو ده

سواء كان الفيديو ده فيه مشاهد غير لائقة مثلاً أو في تعدي على حقوق الآخرين أو حتى ظهورك في الفيديو بدون إستئذانك وحط أكبر قدر من التفاصيل في الإبلاغ بتاعك.

ثالث حاجه واخيراً: …

إوعى تتواصل مع أشخاص ماتعرفهومش على الإنترنت

وخلي تواصلك فقط مع أصحابك والناس اللي تعرفهم

إختار كويس أصدقائك على السوشيال ميديا

(ظهور موقف لكيفيه اختيار الاصدقاء على social media ) .

وخلي بالك… ممكن منال اللي بتكلمك دي… ماتتطلعش منال… تطلع جدو حسنين اللي عامل نفسه بنت, وماوراهوش حاجة غير إنه يتكلم على إنه بنت على الإنترنت إحنا خايفين عليكي من الصدمة (تمثيل هذا الموقف فى صوره دراميه ) .

ولو واحدة حاطة صورة البروفايل بتاعها… وردة ونازل منها دمعة… ومسميا نفسها… الدمعة الحزينة… إوعي تصدقي الدمعة دي أبدا… وتديها رمق تليفونك… بغرض التخفيف عن حزنها و مسح دمعتها الحزينة.

متابعينا الأعزاء في أسلوب

تقدروا تردوا على كومنتس بعض,

والإستفادة من النصايح اللي بنتشارك بيها مع بعض أكيد

بس حرصا مننا على أمنكم,

إوعوا تدوا تليفوناتكم أو إيميلاتكم لشخص ماتعرفهوش

وإذا حد بعت لكم رسالة خاصة بغرض التعرف …

وإنتوا ماتعرفهوش في الحقيقة…

يبقى الأفضل تعملوا للشخص ده بلوك

دي كانت نصائح مهمة, حبينا إن إحنا نقولهالكم و نوعيكم ليها,

علشان نقدر نحارب البلطجة الإلكترونية وكمان نحافظ على أمننا وخصوصيتنا على مواقع التواصل الإجتماعي

وبنشكر فريق يوتيوب على مساعدتهم لينا في الحلقة دي…

وبتقديم النصايح المهمة دي لينا كلنا

وإهتمامهم إن كل واحد يعرف اللي ليه واللي عليه

وإحنا حاطين كمان في الديسكريبشن تحت الفيديو …

لينك لباقي بنود إستخدام اليوتيوب بأمان

اعملوا شير للحلقة, علشان توعووواااا باقي أصحابكم

وشوفوا باقي حلقات أسلوب كلها, علشان تغيروا حياتكم

وأكيد… إشتركوا في قناة أسلوب على يوتيوب, علشان يوصلكم كل حقاتنا الجديده .

 

September 12, 2016  
  , ,