الحلقة فيديو

 

دي الحلقة على ساوند كلاود:

اهلا بيكم فى الحلقة التالتة من سلسلة حلقات أسلوب فى دقيقة .هانجاوب فيها علي اكثر الأسئلة اللى بتوصلنا علي قناة اسلوب، بس منوعدكوش انها هاتكون دقيقة بالظبط.

من اكثر الطلبات اللي اتطلبت مننا :ان احنا نعمل حلقة عن السنة الجديده و ازاي نبدأها بداية جديدة علشان تكون سنة مميزة و ناجحة عن السنين اللى فاتت.
علشان كده عملنا ليكم الحلقة دي علشان نكتب مع بعض لست حلوة كده بكل الحاجات اللي نفسنا ان احنا نحققها خلال السنة الجديدة.

ورقة و قلم و اكتب معايا يا كابتن

1- هابدأ أقرأ كتب اكثر
2-أساسي هاخس فى الوزن.
3- هالعب رياضة وش
4-هابدا احوش…..كفاية اوي الزنقة اللي اتزنأتها السنة الي فاتت
5- هابطل السجاير من اول يناير( شكر خاص لأستاذ: شعبان عبد الرحيم)
6-هاحسن مستوايا فى اللغة
7- هابدا اكون ايجابية و مبادرة و ابطل الشكوي
8-هابدا مشروع جديد و احسن من داخلي

اظن لست جامدة و متخرش الميه
استني يا كابتن متفرحش اوي كده…….اللست دي تتبل و نرمي مايتها

اللست دي هي اللي بنكتبها كل سنة… وما بنححققش منها أي حاجة… لأنها شوية أحلام… مش خطة زي ما إتعلمنا في الحلقة رقم ٤ من أستوديو أسلوب اللي بتتكلم عن تحديد وتحقيق الأهداف
=========================================

طبق لي يا فنان الورقة دي… وإبدأ معايا من جديد
1- هابدأ أقرأ كتب اكثر: … يبقى تكتب هاقرا من كتاب كل يوم من 3 ل5 صفحات… وهاسمع الكتاب أوديو بوك يسهل عليا.

2-أساسي هاخس فى الوزن: هاكل اكل صحي……. هاتعشي خفيف خفيف…….هاستفاد من تجارب الناس الي اعرفهم الي خست…..هاجرب انظمة غذائية مختلفة كل اسبوع لغاية ما اوصل لنظام غذاءي يناسبني
3- هالعب رياضة وش: هالغي الأسانسير من حياتي, وهاشترك في چيم… أو هانزل فيديوهات رياضة ٢٠ دقيقة وتلعب الرياضة في بيتك… وإنتي كمان إعملي كده وأطفالك يلعبوا معاكي
4-هابدا أحوش: .أحوش 5% من مرتبي او مصروفي كل شهر….و أدور علي صاحب ليا يكون غلس و زنان احوش الفلوس دي معاه…. زنان علشان كل شهر يزن عليا باني اديله الفلوس…..و غلس علشان مهما عملت مش هايرضي يديني الفلوس غير اخر السنه…بس خلي بالك لازم برده يكون شخص ده امين. – و بلاش تحوش مع والدتك لانها هاتديك الفلوس مع اول دمعه تفر منك و انت بتقولها -“مسسنوؤؤؤ”-

… كل حاجة في الليست بتاعتك لازم تكون أهداف مش أحلام… مكتوبة بالتفصيل

و هكذا لحد ماتخلص اللست كلها.

و مش كده و بس …ده انت لازم تشير لستتك دى مع اصحابك و عيلتك لأن اكيد هايطلعلك واحد فيهم مركز معاك و يعايرك في نص السنة لو لقاك لسه محققتش حاجه من لستة السنه دي

اكتب دلوقتي حالا لستتك للسنه اللي جاية و اعمل لها شير معانا احنا كمان في كومنت.

اتفرج علي الحلقة الرابعة من استوديو اسلوب و الللي بتتكلم عن خطوات تحديد و تحقيق الاهداف بالتفصيل. و اعمل شير للحلقه دي و منشن لاصحابك اللي عايزهم يكتبوا لستة الاهداف للسنه الجديدة

Olsoop in a minute - ep003 - 001 Olsoop in a minute - ep003 - 002 Olsoop in a minute - ep003 - 003 Olsoop in a minute - ep003 - 004 Olsoop in a minute - ep003 - 005