https://www.youtube.com/watch?v=10dEE5c7_j0
كلامنا انهارده مع اصدقائنا اللي بيدعوا انهم فاشلين. لو حاسس انك فاشل و حاسس انك استسلمت خلاص للفشل الحلقة دي ليك
اهلا بيكم فى حلقة جديدة من استوديو اسلوب
تعرف انك ممكن ننجح بعد 1000 مرة من الفشل؟ .. أيوة 1000 مرة سمعتني صح
أنا هحكيلكم قصة دلوقتي والقصة دي حقيقية و بهدي القصة دي لكل الناس اللي كل ما تبدأ في حاجة و تفشل .. تقف و متكملش
للناس اللي مش بيحاولوا مرة و اثنين و ثلاثة … الناس اللي معندهاش أمل في النجاح .. و اللي كل ما يقعوا يخافوا من الفشل مرة ثانية …
قصة النهاردة .. هي قصة ولد صغير اتولد في Henry Ville ( هنري فيل ) ، بولاية Indiana
( انديانا ) ، والده كان عامل مناجم فحم و اتوفي و الولد كان عنده 6 سنين .. الولد عاش مع أخواته و أمه ..
أمه اضطرت انها تشتغل وتصرف على البيت و يصبح الولد الصغير ومتحمل مسؤولية أخواته اللي أصغر منه .. و أتعلم أنه يطبخ و أخذ وصفات كثيرة للأكل من أمه عشان يأكل أخواته كل يوم .. لكن الحياة بقت صعبة عليهم .. و بعد سنين .. اضطر الولد أنه يشتغل أكثر من وظيفة منهم …
1- أنه بدأ كمساعد في المزرعة و هو عنده 10 سنين .. و أضطر وقتها أنه يسيب المدرسة ..
2- و لما بقي عنده 16 سنة .. خدم في الجيش الأمريكي في كوبا ..
3 – و لما خلص جيشه بدأ أنه يشتغل في السكة الحديد و في نفس السنة قرر أنه يدرس حقوق في الجامعة .. لكنه أنهي مستقبله بخناقة في المحكمة ..
بس هو لسه مفقدش الامل ….
4- أشتغل ثاني في شركة تصنيع مركبات و سفن .. و اللي أطرد منها بعد فترة قصيرة ..
5- اشتغل بعدها في شركة تصنيع لمبات .. و بعد سنين و سنين من المحاولات أنه يكمل في وظيفة بس كل شوية يطرد من المكان
لحد ما وصل لسن ال 40 .. قابل بالصدفة مدير شركة بترول كبيرة .. واللي كان عنده محطات بنزين كثيرة .. فطلب منه انه يدير واحدة من محطات البنزين بتاعته بدون ايجار في مقابل أنه يدفع لصاحب الشركة نسبة من المبيعات ..
و بالفعل بدأ ادارة المحطة كانت في ولاية كنتاكي .. و قرر أنه يزود المبيعات و أستغل أنه بيعرف يعمل أكل حلو من الوصفات اللي اتعلمها من أمه .. بأنه يقدم و جبات للناس اللي بتيجي المحطة لأن المحطة كانت علي طريق سفر .. و الناس معظمها بتكون جعانة .. وبعد فترة الناس بقت تدخل المحطة بس عشان أطباق الفراخ اللي كان بيقدمها .. و اللي بقت مشهورة في الولاية كلها ..
و من هنا .. قرر أنه يأسس مطعم جنب المحطة .. و يقدم فيه أطباق الفراخ مقلية المفضلة للناس كلها .. و الناس بقت تيجي كل يوم وكبر المطعم اللي وصل أنه يكفي 140 كرسي .. و قدر يجمع فلوس كثيرة من المطعم ده بعد فترة .. لكن الصدمة الكبيرة كانت هنا ..
أن تم تحويل الطريق الرئيسي اللي كانت فيه المحطة و المطعم ..يعني أي حد بيروح الولاية اللي كان فيها .. بقي يمشي من طريق تاني خالص .. و محدش بقي يعدي على مطعمه زي الاول .. وبدأ أنه يخسر الناس .. و يخسر المطعم ..و في الاخر اضطر انه يبيعه بنص ثمنه ..
و قفد الامل .. و قرر كمان أنه يكتب وصيته .. لكن و هو بيكتب الوصية .. فكر أنه لو كان عنده فرصة يعيد حياته من الأول الثاني كان هيعمل ايه ؟؟
مجاش في باله غير أنه يعمل الحاجة اللي بيحبها ..وصفة أطباق الفراخ المقلية اللي اتعلمها من مامته
فقرر أنه يبيع وصفته المشهورة للمطاعم
بس المفاجأة أن وصفته اترفت 1009 مرة !!
متخيلين كام مرة أتقفل الباب في وشه .. و كام مرة أتقاله لأ !!
لكنه كمل .. و فضل متمسك بحلمه و قرر أنه يوصل لهدفه ..
و فعلاً في المرة ال 1010 اتقبلت الوصفة في أحدي المطاعم الكبيرة في أمريكا ..
و اشتروا منه الوصفة ب 150 $ و ده كان مبلغ كبير وقتها ..
و أسس مقر رئيسي لشركته و ديه كانت بدايته .. بداية الكولونيل ساندرز مؤسس دجاج كنتاكي
أو KFC ألخلطة السحرية!
و KFC هي أختصار Kentucky Fried Chicken …. وده كان أسم الولاية اللي بَني فيها أول مطعم ليه جنب محطة البنزين ..
ورئيس الولاية لقبة بالكولونيل .. لأنه كان واحد من المعجبين بأطباق الفراخ المقلية بتاعته …
و انتشر مطعمه في كندا و المكسيك و جامايكا ..
و بدأ انه يسافر يزور كل فروع كنتاكي .. لحد ما وصل لسن ال 90 .. و اتوفي
لكن نجاحه فضل مستمر وفي الوقت ده كان في 6000 مطعم في 48 مدينة مختلفة ..
لحد ما وصلنا ل 2018 .. ووصل عدد الفروع ل 22,000 فرع في العالم كله
الهدف من القصة .. هو أن لا يأس مع الحياة و لا حياة مع اليأس أبداً
حدد هدفك و حط فكرة واضحة في دماغك و خلي عندك ثقة في الله و في نفسك أنك تقدر تقوم بعد ما تقع مش مرة لا 1000 مرة ..
و أفتكر دائماً أن النجاح لا ليه سن ولا ليه وقت .. النجاح ليه ارادة و بس
إرادة وسعي للنجاح ..
و مين عارف .. مش ممكن القصة الجاية تكون قصة نجاحك أنت !!
أتمنى نكون وصلنا الفكرة .. و ماتنسوش تعملوا شير للحلقة ديه
و شاركونا بقصص نجاحكم في الكومنتس تحت الفيديو
اشوفكوا في حلقة جديدة ان شاء الله ..