محتار يا عبد الستار

 

اهلا بكم و الحلقة رقم 18 من برنامج اسلوب فى رمضان…

حلقتنا انهاردة بعنوان القرار قرارك _ ازاي تاخد القرار الصح فى حياتك.

طبعا مافيش حد مننا ماتعرضش ان يكون عنده حيرة فى انه يختار القرار الصح في كل الامور اللي بتقابلنا فى حياتنا.

بنقابل حيرة فى اتخاذ قرارات مصيرية و خاصة بمستقبلنا…

بنقابل حيرة نختار الكلية المناسبة لينا…….و لما نكبر و نتخرج الفرص اللي قدامنا بتكبر معانا و معاها بتكبر حيرتنا فى الاختيار….

بيكون قدامنا مجالات كتيرة للشغل…سواء تتوظف فى شركة او تشتغل عمل حر…او حتي انك تسافر تشتغل بره و تتغرب.

فرص كتيرة فى حياتنا و حيرة في اتخاذ القرار اكبر.

حتي اختيارك لشريك حياتك…..ما شاء الله احنا عارفين طابور العرسان طويل ماشاء الله و كلهم احسن من بعض……طيب أختار مين فيهم يا حزومبل؟؟

ابو دم خفيف…و لا الوسيم الحليوة؟؟؟……..   ابو جيب عمران ……ولا المتدين…… انا برضي بقليله اهو و مابحبش اتشرط خالص.حياتنا مليانة بالمواقف اللي بنكون محتارين اننا ناخد احسن القرار لينا

عندنا 4 مقاييس هايساعدونا أننا نقيم قرارتنا علشان نقدر نختار احسن القرارات في حياتنا…….

اول تقييم:

* القيمة اللي هاتعود عليك نتيجة قرارك ده فى المستقبل*

هل الكلية اللي اختارتها ليها مجال عمل فى المستقبل……هل الوظيفة البسيطة اللي بدأتها دلوقتي هاتخليك تعلي و توصل لمنصب اكبر فى المستقبل؟ و عائدها المادي هايكوت مناسب ليك فى المستقبل.

هل العربية اللي اشترتها تعيش معاك و تقدر تبيعها من غير ما تخسر خسارة كبيرة فى المستقبل.

ساعات كتير بنبص تحت رجلينة فى امور كتير فى حياتنا …و بنلاحظ العائد القصير المدي من غير ما نهتم بنتيجة قرارنا ده فى المستقبل.

تاني  تقييم:

*التطور و النمو الشخصي*

هل الوظيفة اللي اشتغلتها دي هاتساعدني اني اطور من نفسي…و انمي قدراتي و مهاراتي…..

هل المشروع اللي استثمرت فلوسي فيه ده …هايخليني اكتسب خبرات جديدة و اتعرف علي ناس جديدة  تفيدني فى مجال مشروعي ده؟

هل المدرسة اللي اختارتها لبنتي او ابني هي المدرسة اللي هاتبني ليه شخصية مميزة و تهتم انها تنمي مواهبه و قدراته؟ او بتهتم بنفسية الطفل و تنمي عنده ثقته بنفسه؟

تالت تقييم:

*التأثير علي أسلوب حياتك و مبادئك*

ممكن يكون القرار اللي هاخده ده قرار هايل من ناحية العائد فى المستقبل و النمو و التطور الشخصي…..لكن تأثيره علي حياتي مدمر……

أخترت وظيفة هاتخليك تشتغل 24 ساعة فى 24 ساعة…..هاتلغي ان يكون عندي حياة.

هاتيجي علي حساب عيلتك و اولادك….

اوظيفة هاتخليك علي طول عايش فى توتر و قلق….

فيه اغنياء كتير فى العالم تعساء جدا …عندهم كل شئ: المستقبل و القيمة الشخصية لكن أشغالهم مالهاش اي قيمة وراها …أخده كل حاجة علي حساب عدم رضائهم و قلقهم و توترهم المستمر.

رابع مقياس:

*التاثير علي مبادئك*

لو قررت مثلا تعمل مشروع….ليه عائد مادي كبير و مستقبل..بس قصاده هاتتخلي عن مبادئك و كرامتك و سمعتك…

او تتعامل مع أشخاص سيئة…..او تكون في وسط سئ.

اخر حاجة عايزة اقولها لكم و هي الاهم علي الاطلاق: الاستخارة……طبعا ان انت تصلي صلاة استخارة ده شئ مفروغ منه.

و الرسول عليه الصلاة و السلام امرنا بالاستخارة فى الامور كلها.

ساعات ناس بتقول انا باستخير و مش بحلم بحاجة او بحس بحاجة…..طيب سؤال….أنت فعلا طبقت و صية النبي صلي الله عليه وسلم و بتستخير فى امورك كلها …كلها فعلا؟!!!

استخير ربنا فى امورك كلها زي ما قال النبي و بعدها هاتلاقي قلبك اتعلق بالاستخارة….لأن الأستخارة اهم دعاء ندعيه.

ياريت قرارتنا ماتكونش بس لصالحنا أحنا بس….ياريت نراعي الناس اللي حوالينا كمان….لأن فيه قرارت كتيرة ممكن تكون لصالحنا بس بتيجي علي حساب الناس التانيين.

واجب الحلقة:

-اكتب المقاييس دي و علقها قدامك علي مكتبك او اي مكان يكون مارئي بالنسبة ليك

-اكتب القرارت للي محتار فيها بقالك فترة و قيمها بالاربع مقاييسس دول و حط من 1 ال 10 لكل مقياس و اوزنها…. هتلاقي اكيد الرؤية و ضحت ليك في اتخاذ القرارك الصح…..احنا فاهمين و مقدرين ان فيه حاجات بناخدها علي حساب حاجات تانية…..بس المهم نوزن الامور صح و متنساش الاستخارة فى الامو كلها.

و رمضان كريم