عائلة أسلوب

 

 

أهلا بيكم في الحلقة رقم ٣٠ من برنامج أسلوب في رمضان

وحلقة ختام أجمل شهر في حياتنا

وحلقة بعنوان  – ياليلة العيد (بين قوصين) عيلة أسلوب

الحمد لله الذي من علينا وأتم عينا شهر رمضان, 

كل عام وأنتم بخير – لأجمل متابعين وأصدقاء وعائلة… عيلة أسلوب

أيوة أيوة… إنت خلاص بقيت من عيلة أسلوب

عاوز تعرف إنت بقيت من عيلة أسلوب ولا لأه… شوف نفسك بتعمل حاجة أو أكتر من الحاجات دي.. ولو بتعمل حاجة منها, يبقى إنت أكيد أكيد أكيد من العيلة بتاعتنا: عيلة أسلوب

– لو إنت من الناس اللي كانت بتنتظر حلقات أسلوب وهي متحمسة إنها تشوف حاجة جديدة, يبقى إنت أكيد أكيد من عائلة أسلوب

– لو إنت عندك كراسة إسمها كراسة أسلوب… يبقى إنت أكيد أكيد أكيد من عائلة أسلوب

– لو إنت بقيت بتقول ( جميلة التنين – أي بطيخ ) يبقى إنت من عائلة أسلوب

– لو إنت عندك على موبايلك أو تابلتك برنامج أسلوب للأيفون والأيباد والأندرويد فونز وتابلتس… يبقى إنت من العيلة… وهانبعتلك رسائل تشجيعية مملة … بنبعتها بس للناس اللي في عيلة أسلوب

– لو إنت من الناس الجميلة اللي بفضل الله بقى عندها ثقة كبيرة فينا, ودايما بتكتبلنا في الكومنتس (أنا بحط لايك قبل ما أتفرج على الحلقة… يبقى إنت أكيد من عائلة أسلوب)

– لو إنت كتبت (أول تعليق, تاني تعليق… آخر تعليق)… يبقى إنت أكيد أكيد أكيد من عيلة أسلوب, اللي إحنا حافظين أساميهم بالإسم

طيب لو إنت مش بتعمل أي حاجة من دول… مفيش مشكلة… طالما إنت بتتفرج علينا دلوقتي… يبقى إحنا بندعوك إن إنت تكون في عائلة أسلوب معانا

حلقة النهاردة مفيش فيها أي طلبات أو واجبات… بالعكس… حلقة النهاردة هانتفق فيها إن إحنا نستمتع بآجازة العيد … ونحط خطة لبداية قوية جدا بعد العيد إن شاء الله

عندنا حاجتين مهمين عاوزين نأكد عليهم النهاردة

الحاجة الأولى:

لما نتم حاجة, لازم نتم الحاجة دي صح

الختام… لازم يكون حسن الختام… إوعى تضيع أي عمل خير عملته في رمضان… وكمل من بعده

أي خطط شريرة… لأي أعمال شريرة… لازم فورا تلغيها… و خلي العيد فرحة كبيرة

الحاجة التانية:

إحنا ناقشنا في سلسلة أسلوب في رمضان مواضيع كتيييرة جدا جدا بتغير حياتنا كلها, مش مرتبطة فقط برمضان, المواضيع دي, لازم كلنا نرجع ليها تاني وتالت ورابع علشان نغير حياتنا بجد

كل ما يكون عندك شغل ومحتاج تشحن طاقة إيجابية, إرجع لمواضيع أسلوب في رمضان… مع باقي البرامج التانية طبعا

وإحنا إن شاء الله هانحط خطة عمل أسلوب بعد رمضان, بناء على الإقتراحات اللي هاتجيلنا في الكومنتس على الحلقة دي بالتحديد

عندنا برامج كتيرة جدا لغاية دلوقتي

– أستوديو أسلوب

 

– أسلوب في دقيقة

 

– سلسلة صرخة

 

– سلسلة ال ٢١ مبدأ

– سلسلة شكرا

 

– وأكيد حلقات أسلوب في رمضان

 

إكتبلنا في كومنت, إيه البرامج اللي تابعتها من البرامج دي لغاية النهاردة, وإيه من البرامج والمواضيع اللي تحب نركز عليها في الفترة اللي جاية إن شاء الله

ولو أصدقائك عندهم إقتراحات هما كمان لينا, خليهم يكتبوا إقتراحاتهم في الحلقة دي بالتحديد,

حتى لو بتشوف الحلقة دي بعد شهور من وجودها على قناة أسلوب على يويتبوب… إكتبلنا إقتراحاتك برضه

كل سنة وأجمل متابعين في الدنيا بخير… أصدقائنا وعيلتنا في عيلة أسلوب

و العيد …. فرحة

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #‏موبايلك #‏الأندرويد من هنا:
http://bit.ly/osloop-android
وأسلوب #‏أيفون من هنا:
http://bit.ly/osloop-iOS-eg
وده, #‏موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife