اهلا بكم و الحلقة رقم 22 من برنامج اسلوب فى رمضان……

حلقتنا بعنوان:

mr.independant

كلام بنسمعه كتير اوي من اهالينا

“اتحمل المسؤلية شوية

خلي عندك شوية مسؤلية يا بني

و بنزعل منهم اوي لما بيقولوا لينا كده

….بيحسسونا بأننا اطفال صغيرين مش بنقدر نعتمد علي نفسنا

……….بس فى نفس ذات الوقت بنطالب بالحرية و الاستقلالية

…… طيب هاسالك سؤال… ايه الفرق من أنهم يقولولك اتحمل مسؤلية أو انهم يقولولك خليك مستقل او اينديبندت

…….هي هي علي فكرة بس لما بقولولك خليك مستقل او اينديبندنت و قعها عليك مختلف

عن انهم يقولولك “شيل او تحمل المسؤلية” مع انهم نفس الشئ

……..بس لانك دايما بتسمع فى الافلام ان الشخص الاينديبندنت ده يعني شخص حر ا طليق…. ….

تلاقي الممثل من دول نافش ريشه كده و متفشخر بنفسه و بيقول انا

“independant”……طيب ما هو نفس الشئ اه كابتن…..independant

…..الكلمة اللي فرحان بيها اوي دي معناها متحمل المسؤلية و متحمل مسؤلية نفسك….في كل حاحة و من غير ما تستثني أي حاجة….

يعني مش تقول عايز ابقي مستقل و أعمل اللي اناةعايزه و في نفس ذات الوقت بتعتمد علي اهلك فى مصاريفك….

بتستني لسه الي يخدمك و يطبخلك و يساويلك اوضتك…..ما هي على بعضها….يا تاخد الإستقلالية ..كلها بسلاطتها و باب غانوجها ..يا بلاش

الناس اللي بتسافر بره تشتغل او تدرس هما اكتر ناس يتلقيوا بلقب

..independant

لانهم بيعتمدوا علي نفسهم ميه فى الميه في كل حاجة……بيضطروا يطبخوا لنفسهم و يغسلوا هدومهم بنفسهم……بيسرفوا علي نفسهم بيتحملوا مسؤلية حياتهم.

عايز تبقي مستر independant

……يبقي يا حبوب من هنا و رايح و لا ماما و لا باب و لا نينه و لا تيزة و لا عمه اللواء ………أتحمل مسؤلية حياتك كلها…..أسعي

اتعلم تبقي مستقل…ْ…ماتستناش خدمة من حد……ماتستناش وسطة من حد…..

اتحمل مسؤلية صحتك و ماتهملهاش…..اتحمل مسؤلية حياتك المهنية….اتحمل مسؤلية قراراتك…..اتحمل مسؤلية عقلك و افكارك و اهم حاجة اتحمل مسؤلية سعادتك…اوعي تربط سعادتك بشخص……اوعي تخلي حد يخليك مش سعيد و يتحكم فى مشاعرك من غير أذنك…..انت خلاص بقيت شخص مستقل.

قررت تكون مستر

independant

و عرفت ابعاد الوقف ايه خلاص…يبأي تكتب اتفاقية مع نفسك ،تكتب معاهدة مع نفسك و مع الانسان اللي جواك انت انت هاتكون انسان مستقل و مسؤل عن نفسك…..

اوضتك مش مترتبة …..

*واجب انهارده:*

-هات كراسة اسلوب فى رمضان، و اكتب الاتي:

اقسم بالله العظيم ….ايه ده لأ مش دي الكلمة اللي عايزة اقولها دي حلقة المحكمة…….

-اكتب من اول السطر معلش: قررت انا المواطن حنفي ان اخذ لقب مستر اينيبندنت و اكون مستقل فى حياتي و قراراتي و نجاحي. مش هاستني خدمة من حد …مش هاستني وسطة من حد….. و متنساش التلت نقط و انت بتكتب

و رمضان كريم