إبدأ يومك مع مبادئ أسلوب

والمبدأ رقم ١٤ من سلسلة ال ٢١ مبدأ لحياة أكثر إيجابية

ممارسة الرياضة + قسط كافي من النوم

مستحيل نقدر نكون منتجين

ونقوم بأعمالنا

أو نقوم نذاكر ونشتغل

وإحنا تعبانين وحاسين بالإرهاق

إزاي نتوقع من نفسنا إننا ننجز وننتج ونشتغل بنشاط, وإحنا مش واخدين قدر كافي من النوم والراحة

إنت لما يكون عندك جهاز أو حتى موبايل, ممكن تلاقيه فجأه هنننج

ساعتها بتحتاج تقفله أو تعمل له ريستارت

علشان تقدر تشغله تاني بكفاءة

إحنا كل ما بنشتغل ساعات أكتر, كل ما طاقتنا بتقل شوية بشوية

وبنلاقي مستوى وجودة شغلنا بتقل

وبنوصل لمرحلة بنلاقي نفسنا منهارين من التعب ومش قادرين نواصل ونكمل

إحنا في أسلوب بنشجعك تبذل أقصى مجهود عندك, وتموت نفسك شغل ومجهود ومذاكرة علشان توصل للنجاح

لكن في نفس الوقت, عاوزينك تكون ذكي وإنت بتبذل المجهود ده

وتكون حريص على إنك تجدد طاقتك

وتاخد كفايتك من النوم والراحة

علشان تقدر تبدأ من جديد بطاقة ونشاط

بس يا حبوب, خلي بالك, في فرق إنك تنام علشان تشحن نفسك طاقة وتقوم بعدها تواصل العمل بأكثر إنتاجية أو تواصل مذاكرتك بأقصى تركيز

وفرق إنك تنام هروب من الشغل اللي وراك والمذاكرة

علشان بس الأمور ما تختلطش ببعض, وتتلخبط يا حرام وتنام طول اليوم

وتقول … قالولنا في أسلوب… نعمل كده وننام ونرتاح

(صوت أسلوبي: آآآآآ… قالولنا في أسلوب… نام وأرتاح يأتيك عبد الفتاح)

دفينيتلي نوت يا أسلوبي… وي آر ووتشينج يوووو

Definitely not osloopy, we’re watching you

معلش… أنا بقلب إنجليزي كده, لما بكون جادة شويتين

وبمناسبة ترينج العيد بتاعك ده يا أسلوبي

إيه أخبار الرياضة اليوميةمعاك؟

(صوت أسلوبي: إسكتي يا بشمهندسة بانسيه… مش أنا بقى عندي لايف استايم جديد… رياضة يومية وباكل من هيلثي أند تيستي)

لايف استايل مرة واحدة… دا إحنا تطورنا أوي يا أسلوبي

طبعا الرياضة مهمة مفيش كلام

والأكل الصحي مهم جدا يكون هو الغالب على أسلوب حياتنا

أنا عارفة كويس إن كلنا مشغولين, وبندعي إن معندناش وقت للرياضة

ممكن نبدأ و لو ب ٢٠ دقيقة مشي كل يوم

أو حتى رياضة في البيت, ١٠ دقائق

في فيديوهات كتيرة على يوتيوب – بتكون رياضة ١٠ دقايق وبس

ممكن بسهولة نعملها في البيت في أي وقت

وبالنسبة للبنات… هاتلاقو فيديوهات زومبا كتيرة جدا على يوتيوب… رياضة مسلية ودمها خفيف و وقت ممتع

وما تقعدش تقولي إن الرياضة تكون الصبح أو في ميعاد معين

١٠ دقايق في أي وقت في اليوم

بس لاااازم الإنتظام

(بشمهندسة بانسيه… ممكن أقول حاجة)

قول يا أسلوبي

(إستخدم برنامج تفاحة في اليوم أو آببل أ داي على موبايلك الأيفون أو الأندرويد علشان يفكرك كل يوم بالرياضة

هاتلاقي اللينك في الديسكريبشن تحت الفيديو على قناة أسلوب على يوتيوب و في تطبيق أسلوب للأي فون والأندرويد)

وكمان في فيديو شرح إستخدام برنامج apple a day

قولنا في كومنت… إيه خططك اللي ناوي تنفذها للرياضة اليومية والأكل الصحي

وإديني واحد لايك على الفيديو… وإبعت الفيديو ده لصديقك اللي بقاله ١٠ سنين بيقول هابدأ رياضة وأكل صحي من بكرة ولسه ما بدأش