غير حياتك: أسلوب في دقيقة حلقة ١٣ – إزاي أشجع أصدقائي وهم يشجعوني – وأكون صديق إيجابي

أهلا بيكم في الحلقة رقم ١٣ من برنامج أسلوب في دقيقة

سؤال النهاردة: أنا ليا أصدقاء كتير… نفسي أشجعهم إنهم يتغيروا للأحسن… علشان يساعدوني أنجح وأكون سعيد أنا كمان… أعمل إيه؟

مفيش شك أبدا… إن الأصدقاء هما أهم أسباب النجاح والفشل في الحياة

وخصوصا… الأصدقاء اللي عندهم شخصية قيادية…

الأصدقاء اللي بيقدروا يشدوا أصحابهم ويخلوهم يلتزموا بالدروس والمذاكرة والعبادة والرياضة

والأصدقاء التانيين اللي بيشدوا أصحابهم ويخلوهم يهملوا دروسهم ويعلموهم التدخين وكل حاجة زفت في الحياة

وعلشان إنت تقدر تكون صديق خير لأصدقائق …. لازم الخطوة الأولى إنك تقرر إنك تكون إنسان إيجابي ومبادر

علشان تفيد نفسك وعلشان تفيد أصحابك…   إوعى تكون إمعة

لو أصحابك كانوا كويسين… تبقى كويس علشانهم…

ولو أصحابك بطيخ… تبقى بطيخ زيهم… و ببذر كمان

وعلشان لما أهل أصدقائق يدعولهم ويقولوا… ربنا يرزقك يا إبني بالصحبة الصالحة… تبقى إنت الصحبة الصالحة دي

عندنا ٦ خطوات بسيطة جدا علشان تكون مفيد لأصدقائق… ويكونوا مفيدين ليك؟

١- لازم تقول لأه بكل جرئة لكل أصحابك اللي بعملوا حاجات غلط

زي اللي بينشروا العادات السلبية والكئابة والتشاؤم

واللي بينشروا تضييع الوقت والهري الكتير

واللي بيعلموا أصدقائهم التدخين والعادات السيئة

٢- لازم يكون عندك مخزون طاقة إيجابية توزع منه على أصدقائك

-> يعني تكون عارف كذا مصدر لنشر الخير والطاقة الإيجابية… وتدل أصحابك على المصادر دي… وتفكرهم بيها كل شوية

زي مثلا قنوات رياضين ليهم أخلاق كويسة

و داعية إنت بتحبه

وقنوات نشر الطاقة الإيجابية زي أسلوب دوت كوم وغيرها

٣- لو عندك أصحاب بينشروا طاقة سلبية أو عادات سيئة… وإنت ماتقدرش تخليهم يتغيروا للأحسن

لازم تقطع علاقتك بيهم فورا… واللي يحصل يحصل

٤- لازم تقطع علاقتك بأصدقاء السوء… حالا وبدون تفكير

٥- لازم تشيل أصدقاء السوء من حياتك

٦- أصدقاء السوء… سيبهم… وولع فيهم

ودايما, إفتكر الآية دي كويس أوي:

وأصبر نفسك مع الذين يدعون ربهم بالغداة والعشي يريدون وجهه

ولا تعدوا عيناك عنهم تريد زينة الحياة الدنيا

ولا تطع من أغفلنا قلبه عن ذكرنا… وإتبع هواه وكان أمره فرطا

إكتبلنا أسئلتك لحلقاتنا اللي جاية في كومنت

وساعدنا في نشر رسالة أسلوب لكل الناس … وخليك صديق خير لكل الناس

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #‏موبايلك #‏الأندرويد من هنا:
http://bit.ly/osloop-android
وأسلوب #‏أيفون من هنا:
http://bit.ly/osloop-iOS-eg
وده, #‏موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/