غير حياتك: برنامج أسلوب في دقيقة الحلقة التاسعة أنا كل ما أبدأ حاجة أوقفها تاني إيه الحل؟

اهلا بيكم فى الحلقة التاسعة من برنامج اسلوب في دقيقة اللي بنجاوب فيه علي اكتر الأسئلة اللي بتوصلنا فى كومنتس ..بس مانوعدكوش انها هاتكون دقيقة بالضبط

سؤال بيوصلنا كتير جدا جدا : انا عمري ما بالتزم اني اكمل أي حاجة بدأتها للاخر مع اني بكون متحمس جدا فى البداية ……..ايه الحل؟

أو انا بعمل جدول و بكون ناوي اني امشى عليه…  بس هما يومين بالكتير و ابطل التزم به

انا ببدا رياضة و اروح اشترك فى الجيم و اشتري لبس للجيم و الكوتشي المتين و الازازة الماركة و كافر الموبايل اللي بيتربط علي الايد ده……لزوم المنظرة….رياضي بأي و ليف ستايل و حركات و بعد كل ده هو اسبوع بالكتير و ابطل اروح.

انا ببدا نظام غذائي و امشي عليه اسبوع و افرح بالكيلو اللي خسيته و بعدها اخد اسبوع قصاده فري اعوض الكيلو اللي خسيته بتلاتة و اربعة كيلو تانيين.

اللي بيخلينا فعلا نفقد الاهتمام و مانكملش في اي حاجة بنبداها … هو ان انشغلات الحياة بتقطع صلاتنا و تركزنا عن اي شىء بنتحمس له فى البداية و الدليل علي ده ان فى امور كتير جدا بنفتكرها و نفتكر أزاي كنا متحمسين لها فى الاول و بعد مرور فترة من الوقت مش بيكون عندنا نفس الطاقة دي تاني لنفس الشىء

:عندنا ٣ خطوات

١- لازم اي حاجة بتكون حابب أنك تلتزم بيها, و تكون مستحوذة علي تفكيرك و تسيطر عليه لدرجة انك كل يوم تتخيل نتيجة الالتزام بالحاجة دي و تفكر نفسك بها

تتخيلي كل يوم  شكلك و صحتك  اد ايه هاتتحسن لما تخسي .

تتخيلي كل يوم …اليوم اللي هاتنجحي فيه باعلي الدرجات نتيجة التزامك بنظام للمذاكرة..

اوعي انشغلات الحياة تقطع تركيزك و تنسيك مشاعرك القوية لمل فكرت انك تلتزم بحاجة معينة.

٢- اكيد كل واحد فينا عنده روتين فى حياته بيتكرر كل يوم

استغل الروتين ده فى انك تقسم يومك لاجزاء من الوقت

.مثلا انا كل يوم من 4 ل5 هاحفظ قران و مش هاعمل حاجة غير كده……و لا هافتح فيس بوك و لاهدخل علي الانترنت…..مش هاخلي اي حاجة تقطع وقتي ده.

او انا كل يوم عندي وقت من 6 ل7 اني امارس هويتي المفضلة فى الكتابة

اوعي تخلي يومك يكون عشوائي.

٣- كافىء نفسك دايما……لما تلتزم بجدول المذاكرة بتاعك لمدة اسبوع

أو لو بدات كتابة اول صفحة من كتاب نفسك تكتبه بقالك فترة….

احتفل و شارك عيلتك وأصحابك و قول لهم علي الانجاز ده……..

.معظم الناس بتكون فاكرة ان الاتزام ده شىء صعب و غير ممتع…….و لكن من الذكاء انك كمان تخلق المتعة مع الالتزام

قولنا في كومنت… إيه الحاجة اللي إنت بدأتها … وياترى كملت فيها ونجحت…ولا وقفت في نص الطريق

وإكتبلنا أسئلتك لحلقاتنا اللي جاية

وإعمل منشن لأصحابك وشير الحلقة معاهم

: الحلقة صوت فقط على ساوند كلاود