like like like

قهوة الصباح: الألم والوجع والتعب… له لذه غريبة جدا
ما يعرفهاش غير اللي داقها
لذة الألم دي … إدمااااااان
واللي يبدأ يستمتع بيها ويدمنها…. واااااو… حياته بتتحول لطاااااقة نااااار مفيش حاجة في الدنيا دي كلها تقدر توقفها أبدا

https://www.youtube.com/watch?v=l-lnrWmSuNg

جربت تجري قبل كده لمدة ساعة متواصلة؟
مستحيل أصلا تقدر تجري ٥ دقايق متواصلة لو ما كنتش متمرن على الجري
وحتى لو قدرت تجري ٥ دقايق متواصلة, هايكونوا كلهم تعب و نهجان
…. لكن في ناس كتيرة أوي بتقدر تجري لمدة ساعة وكمان ساعتين متواصلين
الناس دي مرة من زمااان أوي إختارت إنها تجرب تستمع بألم الجري لمدة ٥ دقايق
وبعدين فضلت تجرب تستمتع بالألم ده كذا مرة
وبعدين الناس دي جربت تستمتع بألم الجري لمدة ١٠ دقايق
بعد فترة… الألم ده بيكون له لذه غريبة جدا
والناس دي غصب عنها بتلاقي نفسها بتزود في التحدي يوم بعد يوم
مرة جري ١٥ دقيقة
ومرة جري ٢٠ دقيقة
ومرة جري ٢٥ دقيقة
ومرة جري لمدة ٤٠ دقيقة
وكل مرة جسمهم بيتحول لطاقة كبيييرة جدا وبيتحول لآلة إستمتاع بالألم وإستمتاع بالحياة
….
نفس الحكاية في شغلك
ونفس الحكاية في المذاكرة
ونفس الحكاية في القراءة
و نفس الحكاية في أي حاجة في الحياة
جرب بس كده شوف إيه إنت محتاج تتحدى فيه الألم والتعب
وجرب إعمل الحاجة اللي بتألمك دي… وإتحدى فيها الألم
وإستمتع فيها بالألم
و قول للألم وللتعب: تعالى… شوف أنا ولا إنت
إتحدى فعلا الألم… وإهزمه وإكسره ودمره
هاتبدأ فعلا تستمتع بالألم
وهاتبدأ تسبق أي حد تاني مهما كان
… .الألم ده أجمل هدية وأجمل فرصة…. لأنها هي اللي بتخلي باقي الناس التانية توقف… وبتديلك إنت فرصة إنك تسبق الناس التانية كلها
لأنك إنت معاك مفتاح مش مع أي حد تاني منهم
إنت معاك مفتاح: الاستمتاع بالألم
…. صباحك جميل أوي
ماتنساش تحمد ربنا على النعم الجميلة اللي إنت فيها دلوقتي
وتاخد نفس طويييييييييل أوي… وتقول: الحمد لله الحمد لله الحمد لله
وتبدأ تستمتع بالألم