source

قهوة الصباح: راحة القلب
كل واحد فينا قلبه وعقله محتاج راحة
محتاج شوية نفس
محتاج شوية هواء
محتاج ريستارت
كل واحد فينا بعد فترة بيحتاج قلب جديد … قلب لسه طري… قلب لسه أبيض
طيب الحل إيه؟ أعمل إيه؟
مديتيشن … إنت محتاج تعمل مديتيشن
زي القصة اللي في الفيديو ده:
https://www.youtube.com/watch?v=hyeNVWkhXcc
حاجة كده زي التأمل
بس إنك توقف كل تفكيرك وتفكر في… وتفكر في… وتفكر في … ولا حاجة خالص
تشيل كل الدنيا من تفكيرك
وتاخد نفس عميييييق
وترمي كل الهموم مهما كانت برة دماغك فترة التأمل أو المديتيشن دي خالص
شيل هموم الدنيا من دماغك خالص كأنك مفيش وراك أي هموم
كأن مفيش عندك أي ديون خالص
وكأن مفيش عندك أي إلتزمات خالص
وكأن مفيش عندك أي مذاكرة خالص
وكأن مفيش عندك أي شغل خالص
وكأن مفيش عندك زوج أو زوجة أو أب أو أم متخانق معاهم
وكأن الدنيا مش كلها ضاغطة عليك ومش قادر تكمل حياة
خد نفس عمييييق
وإقفل عينك بجد
وخد نفس عميييييييق بجد… إملء صدرك كله بالهواء وحس بالأكسجيين وهو بيملء صدرك وجمجمتك ومخك بجد
وإرمي همووووم الدنيا كلها وراك
اللي فوق ده هو المديتيشن
وكل الناس اللي جربته واللي استمرت عليه … بجد حياتها كلها إتغيرت
ضغوط الحياة كلها إختفت من عندهم
والحياة بقى فجأة لها طعم
بس المديتيشن ده ماينفعش يتعمل بدون تركيز وبدون عدم تفكير في أي حاجة في الدنيا خالص
لازم ترمي الدنيا كلها برة تفكيرك أثناء ما إنت بتعمل مديتيشن
…..
بس أقولك حاجة أجمل من كده ….. جربت تصلي صح؟
الصلاة الصحيحة هي اللي متاخد منها فكرة المديتيشن
إنك تاخد نفس عميييق
وترفع إيدك… وترمي كل الدنيا بجد ورا ضهرك وإنت بترفع إيدك وتقول… الله… أكبر
ونفس عمييييق
والكون كله يقف
مفيش صوت
مفيش هموم
مفيش ديون
مفيش مذاكرة متراكمة
مفيش شغل
مفيش مشاكل هادخل بسببها السجن أو هاتخانق مع حد بسببها
الدنيا كلها تقف
هششششششششششش
سكووووووون في الكون كله
وتقول
الحمد لله رب العالمين
وتاخد نفس طويييل
الرحمن الرحيم
…..
وتكمل صلاة بنفس الوتيرة دي بالظبط
الدنيا كلها تترمى ورا ظهرك
وشوف هاتخرج من الصلاة دي عامل إزاي
شوف الدعاء
شوف علاج وراحة القلب والعقل
شوف بنفسكوشوف التفاصيل ضروري جدا في الفيديو ده
https://www.youtube.com/watch?v=hyeNVWkhXcc

وجرب وإدعيلنا معاك
راحة للقلب
…..
حياااااااااااة بجد
الحمد لله
الحمد لله
الحمد لله