قهوة الصباح: لازم تبدأ يومك بالحمد
بس مش الحمد العادي بس… لكن الحمد على النعم اللي إنت مش حاسس بيها
زي بالظبط نعمة الموبايل اللي إنت ماسكه في إيدك دلوقتي حالا ده… وبتقرأ منه الكلام ده
عندك موبايل بيجيبلك الدنيا كلها بين إيدك, وعندك إنترنت
من فترة بسيطة جدا, كان رجال الأعمال الأغنياء فقط هما اللي عندهم تليفون في العربيات
يعني النعمة اللي بين إيدينا دي, عمر ما كان الرؤساء اللي عايشين دلوقتي يحلموا بيها أيام ما كانوا في مجدهم
المليارديرات اللي كانوا من ٢٠ سنة, ماكنش عندهم موبايلات زي اللي معانا دلوقتي دي
حتى المليارديرات من ١٠ سنين, ماكنش عندهم موبايلات زي اللي معانا دلوقتي دي
وماكنش عندهم محتوى بصري وسمعي بين إيديهم زي اللي بين إيدينا دلوقتي ده
يعني الخير والنعمة العادية خالص اللي بين إيدينا دلوقتي دي, واللي إنت ماسكها بإيدك وبتقرأ منها الكلام ده, ماكنش أي ملياردير يقدر يجيبه من فترة بسيطة ولا حتى بملايين
إحنا في نعمة
ودي نعمة واحدة بس
ونعمة إن ربنا يرزقك إنك تقرأ الكلام ده على الصبح وتقول: الحمد لله
ونعمة إنك بتقرأ أصلا وبتشوف
الحمد لله
الحمد لله
الحمد لله