9 طرق للتركيز التام في المذاكرة و القضاء على السرحان والتشتيت OsLoop Study Motivation

٩ خطوات:
١- اتخلص من الموبايل.
٢- السرير للنوم فقط.
٣- الإضاءة مهمة جدا.
٤- الأهم ثم المهم.
٥- لخص دروسك بنفسك … مش حد هو اللي يلخصها لك.
٦- المذاكرة بصوت مسموع من وقت للآخر.
٧- ذاكر على مراحل.
٨- نوع في المذاكرة.
٩- إشغل نفسك ب نفسك.
١٠- هو مفيش ١٠ بصراحة … بس إعمل لايك على الفيديو علشان إنت زي القمر و خدودك مقلبظين و ملظلين وزي البامكين چوووس.

تقدر تتعلم من الصفر للإحتراف طريقة عمل فيديوهات كارتون أنيميشن إحترافية زي الفيديو ده من الكورس الخاص بتعليم طريقة عمل فيديوهات كارتون أنيميشن والتربح منها مثل قنوات أسلوب من الرابط التالي:
https://bit.ly/OSLOOP-STUDIO-21L29Y

رابط حلقة جدول المذاكرة:
https://www.youtube.com/watch?v=cjmiYcfnT8E
رابط حلقة المذاكرة الجديدة:
https://www.youtube.com/watch?v=VS4dLw3cMo4

التفاصيل:
1-هي انك ترمي الموبايل .. أيوة زي ما سمعتوا كده .. ارميه مش اقفله ، أرميه في أي أوضة تانية غير اللي بتذاكر فيها .. سيبه مع مامتك .. سيبه مع أخوك أو أختك .. سيبه مع البواب .. اي حاجة المهم تخفيه من قدامك .

2- السرير للنوم بس والله .. مش المذاكرة خالص .. المكتب موجود أهو و اللي قلنا نفضيه في الحلقة اللي فاتت و اللينك برضه في صندوق الوصف
https://www.youtube.com/watch?v=VS4dLw3cMo4

و ممكن أي ترابيزة حلوة كده و ذاكر عليها ، أصل السرير مغري أوي بصراحة للنوم .. فبلاش نضحك علي بعض و نقول أنا بس يا دوب حفرد جسمي و أنا بذاكر و هووووب تلاقي نفسك ثاني يوم الصبح علي السرير و الكتب علي و شك ..

3- الإضاءة مهمة جدا للتركيز ، يا ريت متكونش عالية أوي و لا هادية أوي ، اضاءة متوسطة تركز فيها كدة و عشان برضه ميكبسش عليك النوم ..

4- ابدأ بالأهم ثم المهم .. لأنك في بداية اليوم نسبة تركيزك بتكون أعلي و هتكون مصحصح أكثر .. و ده يودينا لموضوع مهم و هو جدول المذاكرة .. لما تكتب من أول اليوم ايه الحاجات المهمة اللي وراك في الأول و بعدها الحاجات الأقل أهمية .. و كل ما تخلص حاجة تشطب عليها .. ده هيزود تركيزك و تخلص أسرع أكيد …

5- لخص دروسك بنفسك .. يعني لما تيجي تذاكر أي درس ، اقرأ كل صفحة واختبر نفسك.. اكتب ايه اللي فهمته أو النقط المهمة منها في الورق الملون .. فاكرينه ؟؟ ده بقي هيفيدك في كذا حاجة ..
أولا، هتخليك مركز أكثر و أنت بتكتب كل كلمة بخط ايديك
و كمان في نهاية كل درس هيكون معاك معلومات ملخصة مهمة تقدر ترجع ليها كنوع من المراجعة لكل درس .

6-المذاكرة بصوت مسموع .. لو بتزهق من الكتابة .. ممكن تذاكر بصوت عالي و ده هيخليك مركز في كل كلمة بتسمعها و بتقولها .. طلبة كتيرة بمجرد ما يقرأوا جزء بصوت عالي مسموع بيحفظوا الكلام و يفتكروه بسهولة .

7- ذاكر واحدة واحدة …. أو علي مراحل .. يعني ايه بقي الكلام ده .. يعني المرحلة الأولي ذاكر بس 25 دقيقة و خذ 5 دقايق بريك .. بعدين المرحلة الثانية ذاكر 45 دقيقة و 10خذ دقايق بريك
“بلاش تبدأ سخن أوي في البداية عشان ماتتعبش في الآخر”

8- حاول تنوع في المذاكرة ، يعني ذاكر مواد مختلفة في اليوم الواحد .. كل ما تفقد تركيزك .. خد بريك و ابدأ مادة جديدة .. ده هيجدد تركيزك .

9- حاول ماتسألش زمايلك ” ذاكرتوا لحد فين ” .. ليه بقي ؟؟
لان مثلاً .. لو صاحبك ذاكر 5 دروس ، وانت ذاكرت درسين بس .. هتقول ايه ده !! ده أنا بطيء أوي .. ده أنا فاضلي كتير جداً .. أنا كدة مش بنجز .. و تبدأ تشحن نفسك كمية طاقة سلبية كبيرة جداً ممكن تخليك توقف مذاكرة ..
و لو العكس برضة .. لو انت اللي ذاكرت 5 دروس .. و صاحبك هو اللي ذاكر درسين .. هتقول يااااااه ده انا مخلص أكتر منه .. ده انا سريع جدا .. لا ده انا أوقف مذاكرة بقي النهاردة لحد مايحصلني بقي .. و ده برضه هيخليك توقف مذاكرة ..
فأنت في الحالتين خسران ..

أهلاً بيكم في حلقة جديدة من برنامج استديو أسلوب ، النهاردة هنتكلم عن مشكلة جديدة بيعاني منها معظم الطلبة .. لا معظم ايه !! ده كل الطلبة بصراحة..

و هي مشكلة التشتت أثناء المذاكرة (صوت مرعب)

أنا عارفة ان ديه مشكلة كبيرة جداً .. و ان مبيحللناش التأمل في تفاصيل الأوضة و المكتب والسقف الا في وقت المذاكرة .. و لا اللي بيفكروا “يا تري ماما عاملة غداء ايه النهاردة ؟؟” ..
ولا… لأ أنا هجرب كل الأقلام اللي في البيت علشان اشوف انهي واحد بيكتب حلو و ارمي الباقي ..و لا افتكرفجأة حتة الجاتوه اللي في الثلاجة و اقول لنفسي اما اقوم ألحق أكلها قبل أي حد تاني … طب هبص بصة كده علي الفيس بوك .. ا أنا ايه هكلم صاحبي و نتكلم في أي حاجة نضيع بيها وقتنا .. و نفضل في الدوامة دي لفترة كبيييييرة و في الآخر نتعب و ننام و نقول هنذاكر بكرة …. (صوت نوم )

السؤال هنا ..” احنا ليه بنفقد تركيزنا أصلاً ؟؟” .. و بنشوف في الوقت ده كل حاجة تانية غير المذاكرة مسلية و ممتعة ؟؟
الاجابة هي …… ده لأن في طلبة كتير بتعمل جدول للمذاكرة بتاعها كله مذاكرة و بس !!