013_Card_2015_08_23

المبدأ الثالث عشر من المبادئ الأربع وعشرون: غير تفكيرك, تغير حياتك:
١٣- عيش يوم واحد في المستقبل
————————–
هات ورقة وقلم دلوقتي حالا
وتخيل يوم من المستقبل اللي بتحلم بيه
وإكتب كل حاجة هاتعملها في يومك ده
من أول لما تصحى بدري لغاية وقت النوم
هاتلاقي في حاجات كتيرة أوي, ممكن تعملها
من النهاردة أو من بكرة الصبح…
إبدأ إعمل كل اللي ممكن تعمله…
وحط خطة إنك تعمل الحاجات التانية في المستقبل
————————–
– هاتصحى من النوم الساعة كام؟
– هاتعمل إيه أول ماتصحى من النوم؟
– هاتشوف مين أول واحد الصبح؟
– هاتمارس رياضة كام دقيقة؟
– هاتفطر إيه؟ مع مين؟
– هاتروح شغلك الساعة كام؟
– مكان شغلك شكله عامل إزاي؟
– دورك ووظيفتك في الشغل إيه؟
– زمايلك في الشغل بتعاملهم إزاي؟
….
و كمل كتابة لغاية لما توصل لميعاد نومك
هاتلاقي حاجات كتيرة ممكن تعملها
من بكرة الصبح…نفذ اللي تقدر عليه
وعيش يوم جميل من المستقبل
—————
إنشر معانا الأفكار الإيجابية – شاركنا رأيك وشاركنا المناقشة
إوعى تعيش مجرد حياة عادية مكررة… ماترضاش بأقل من إنك تعيش حياة … إستثنائية