الموضوع ببساطة ان انت عندك شغل او مذاكرة او رياضة او تنظيف او رسم او تصور حلقة فيديو او تروح مشوار مهم و محتاج تعملهم وانت قاعد وعندك الوقت والطاقة انك تقوم وتعمل الشغل او المذاكرة دول وانت هاتتبسط وتفرح لو قمت وعملت الشغل اللي وراك لكن لكن لكن في حاجز نفسي عبيط مانعك انك تقوم وتعمل الشغل اللي وراك والحاجز النفسي العبيط ده مانع ملاييين من الناس غيرك انهم يعملوا الشغل اللي وراهم الأخبار الكويسة جدا هي: ان الحاجز النفسي ده عبييييييط موووووووووووت تقدر تنفخ فيه وتدمره، وتقوم تعمل الشغل اللي وراك وهاتشوف بنفسك ازاي ان الحاجز النفسي ده عبيط جدا وأنك هاتدمره في ثواني حالا بكل بساطة: 👈 ابدأ خطوة واحدة بس.... خطوة واحدة بس في اللي انت عاوز تعمله.... وياريت لو كانت خطوة عبيطة ومش هاتستفيد منها اوي.... بس هي هاتكون كفيلة انها تدمر الحاجز النفسي العبيط ده اول سلمة فقط لو هاتذاكر، روح هات المادة اللي عاوز تذاكرها، وابدأ اكتب اول صفحة فيها.... مش هاتستفيد حاجة من كتابة اول صفحة، لكن هاتدمر الحاجز النفسي ده لو الحاجة اللي مش عارف تبدأها هي ممارسة الرياضة، روح ابدأ شغل فيديو رياضي ١٠٠ دقايق من يوتيوب واعمل زيه لو عاوز ترسم رسمة وتعملها فيديو، روح حط الكاميرا وابدأ شخبط تحتها حتى لو هاترمي الشخبطة دي، لكن اعمل كده وانت مبتسم ومستمتع، لأنك بعدها هاتعمل الشغل الحقيقي لو انت بتصور فيديوهات وترفعها على يوتيوب وفايسبوك، وبقالك فترة مفيش عندك فكرة وبَقى عندك حاجز نفسي مانعك انك تصور فيديو جديد، روح بس أقف امام الكاميرا ، وابدأ اتكلم في اي حاجة هزار او حتى اتكلم مع مخلوقات فضائية امام الكاميرا لو عندك أطباق وكوبيات وحلل منورين في الحوض ونفسهم يتغسلوا بقى علشان المطبخ يكون قابل للحياة، روح اغسل طبق واحد او كوباية واحدةبس من الآخر كده.......... قوم بس هز وسطك الجميل ده وروح عند الحاجة اللي المفروض تعملها وهز وسطك الجميل عندها وابدأ حط إيدك الملكية في الحاجة دي، وانت والله هانكسر الحاجز النفسي العبيط اللي بيدمرلك حياتك كلها يوم بعد يوموتدعيلنا بقى معاك يا أخي.... دعوة يا اخي... ايه يا خواتي الناس دي! 😬❤️

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل http://bit.ly/osloop-sub وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح نزل أسلوب على #موبايلك #الأندرويد من هنا: http://bit.ly/osloop-android وأسلوب #أيفون من هنا: http://bit.ly/osloop-iOS-eg وده, #موقع أسلوب: http://www.osloop.com وده أسلوب على فايسبوك: https://www.facebook.com/osloop.life/ وده أسلوب على انستاجرام: https://www.instagram.com/osloop.life/ وأكيد أسلوب على تويتر: https://twitter.com/OsloopLife