غير حياتك: أسلوب في دقيقة الحلقة رقم ١٢ – إمتى حياتي هاتكون سعيدة
أهلا بيكم في الحلقة رقم ١٢ من برنامج: أسلوب في دقيقة
اللي بنجاوب فيه على الأسئلة اللي بتوصل لنا في كومنتس على قناة أسلوب, بس مانوعدكش إنها هاتكون دقيقة بالظبط
سؤال النهاردة… بيوصلنا كتير جدا وبصيغ مختلة… بس معناه متقارب
هو أنا إمتى حياتي هاتبقى سعيدة؟
أنا كل أيامي مش سعيد… وحياتي كلها ملخبطة…
أنا طالب ونفسي أخلص دراسة بقى علشان حياتي تبقى سعيدة ومستقلة
أنا أم لطفل رضيع… ونفسي يكبر شوية علشان أرتاح وأناااااام
أنا أولادي في المدارس… وضغط المذاكرة والبيت والدروس والمصاريف هايجيبلي هبل
أنا دايما اللي حواليا بيضايقوني
أنا ماما بتفتح حنفية المطبخ السخنة وأنا باخد شاور في عز الساقعة…
أنا إمتى حياتي هاتبقى سعيدة؟
طبعا إجابة السؤال ده هو إجابة الحياة كلها… ومش مجرد سؤال في دقيقة
بس النهاردة هانشارك بعض… فكرة واحدة بس… هاتغير حياتك
الإنسان بيكون سعيد… لما بيعمل كل حاجة في حياته صح…. عبادة وحياة… روح وجسد
حياتك هاتبقى سعيدة… لما تقرر إن النهاردة بس يكون أجمل يوم في حياتك… يوم مثالي
لو النهاردة بس… عملت كل عباداتككلها صح مليون في المية
ولو النهاردة بس… النهاردة بس… موت نفسك في المذاكرة… وفي شغلك… وفي التمرين… وفي التركيز… وبطلت تدخين وكل حاجة غلط… النهاردة بس… وماتشغلش نفسك ببكرة… إبقى إخربها تاني بكرة لو حبيت
و لو النهاردة بس قررت تقابل تحديات المواصلات والشغل والزحمة والحر وضغوط الحياة بإبتسامة بجد… النهاردة بس ماتقلقش… ماتشغلش نفسك إنك تكرر الموضوع ده بكرة
و لما النهاردة بس… كل ما أولادك يعيطوا في البيت ويجيبولك هس-هس التنين… قررتي إن النهاردة بس… هاخلي يوم بسيط ومش هاتجن عليهم وأتحول ولا حاجة… وبكره هافترسهم أحيااااء…
قرر بس إن النهاردة تعيشه أجمل يوم في حياتك أكتر يوم مثالي في حياتك…. وإنت وشطارتك… يمكن تنجح في أول مرة بنسبة ٢٠ في المية إن يومك يكون مثالي…
وهاتفضل تحسن نفسك… يوم بعد يوم… لغاية لما تعلم نفسك إزاي تعيش أيام جميلة مع تحديات الحياة
بس المهم… ماتشغلش نفسك بمصايب إمبارح… إلغيها من حياتك النهاردة بس… وماتشغلش نفسك يومك بكرة هايكون إزاي
هاتعيش يوم بجد جميل جدا إنت محتاجة… ودي أول خطوة تمرين لحياة سعيدة… لازم تجربها…. وكرر تجربة اليوم المثالي ده مرة كل أسبوع مثلا.. وبعدين مرتين في الأسبوع…
هاتتعلم إزاي تقابل تحديات الحياة … بفكر صافي
قولنا في كومنت, إزاي نخلي النهاردة أكتر يوم مثالي في حياتنا
وشير الحلقة دي مع كل الناس… يمكن بكرة نقابل بعض وإحنا كلنا يومنا مثالي
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
غير حياتك: أسلوب في دقيقة – حلقة رقم 12 – إمتى حياتي هاتكون سعيدة؟ osloop
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #موبايلك #الأندرويد من هنا:
http://bit.ly/osloop-android
وأسلوب #أيفون من هنا:
http://bit.ly/osloop-iOS-eg
وده, #موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
الحلقة صوت فقط على ساوند كلاود
5 Responses to “غير حياتك: أسلوب في دقيقة الحلقة رقم ١٢ – إمتى حياتي هاتكون سعيدة”
انتوا بحد هايلين و انا متابعة كل حلقاتكوا
انا ربة بيت حديثا يعنى من سنتين بس
أشعر باكتئاب شديد بسبب ملل اليوم و تكراره الأبدى
مع العلم أن شغل البيت لا أحبه و أقوم به فقط لأنه واجب دائم عليا تجاه أسرتى الصغيرة
اعرف انه هناك الكثير مثلى و لكنى أريد حل يجعلنى أحب ما اعمل و أحب هذا الملل و أظل بكامل طاقتى الجسدية والنفسية
مع العلم انى أنفذ كل نصايحكوا من أول تو دو ليست لحد اشحن نفسى سعادة بشئ أحبه وهو القراءة
لكن أحيانا لا يفيد بل أصبح جزء من الروتين و الملل اليومى أيضا
انتظر رأيكوا
و انتظر كل جديد منكوا
غالبااا لما اتجوز هابقي نسخه من تينا … انا لاحظت الموضوع دا كويس اووى فى صحابي ومامتى واللى حواليا … ومش متخيله بعد ما عشت حياتى لبعد التلاتين بالطول والعرض .. باعمل اللى عايزاه طالما فى حدود المقبول والطبيعى .. البيت جزء من حياتى مش حياتى كلها .. ولو قعدت ف البيت من غير اى حاجه تشغلنى اكتر من كام يوم بتجنن وازهق واكتئب بجد…. اكيد لو اتجوزت وبقي البيت وشغل البيت الممل دا هوه شغلى الوحيد انا كمان هيجرالى حاجه ؟؟؟ اللى بتحب شغ لالبيت بتبقي ليها طبيعه حياه مختلفه كدا … بتبقي اتربيت على انها تستمتع وهيه بتعمل اى حاجه فى البيت وغالباا اللى اتجوزت بدري برضو لان بس اللى اتربي على الواجب وان كل حاجه بتتعمل عشان دا واجب عليكى ولازم يتعمل بالشكل اللى ماما شايفاه لانها ست البيت من الاخر يعنى انتى اله بتنفذى التعليمات وبس … حتى سجاده فى البيت متقدريش تغيريها من مكانها لان وارد جدااا تضطري ترجعيها تانى غصب عنك … فى الجو دا مبيبقاش شغل البيت هوه الساحه اللى البنت تلاقي فيها الابداع والتحدى اللى ممكن تلاقيهم فى الشغل او الدراسه ……. من زمان وانا عندى مخطط تانى خالص لتربيه بناتى ؟؟؟ بس مكن فعلاا لما اتحط فى الموقف ازهق واملل ويمكن ابقي نسخه من الواقع اللى برفضه
طيب فى مشكلة ان اصحابى بيستهزئو بالكلاام دا ومبيقتنعوش بية ويقولو انتى هتسمعى كلاامه دا اهبل وعايز ياخد لاايكات وشير وخلااص ويمكن بياخد فلوس على قلبة كمان ياستى كبرى عندكو حل
اه وعلى فكرة انا عجبنى شغلوكو جدا ويارب تكملو فية وتلااقوا افكار تفيدو بيها الناس
شكككرررررااا الكم ❤❤