شطارتنا و إجتهادنا مش هايوصلونا بعيد أوي، و لواحدهم عمرهم ما هايوصلونا للشبع و السعادة
التعلق قلبا و قالباً و عقلاً و دماً و عظماً و عرقاً و جهااااداً بالله، هو الحاجة الوحيدة اللي مع الاجتهاد و العمل هاتخلي فعلا للحياة و الممات معنى
ماتحاولش تشيل الحمل لواحدك، هاتقدر تشيل الحمل التقيل يوم او يومين، لكن هاتتعب
لما تكون متعلق بالدعاء كل يوم و كل لحظة بربنا انه يوفقك انك تدعيه
و تدعي ان ربنا يوفقك ان نفسك تتفتح على الشغل
و تدعي ربنا ان ربنا يوفقك و تركز في شغلك و مذاكرتك و رياضتك و جهادك
و انك تدعي ان ربنا يرزقك توقف الحاجة الغلط اللي انت بتعملها في السر، و بتخليك رخيص أدام نفسك، و لولا ان ربنا يسترنا جميعا والله
ادعي ان ربنا يفتح قلبك و نفسك
ادعي ان ربنا يفرحك
ادعي ان ربنا يغنيك ملايين و مليارات تصرفهم في الخير فقط
ادعي ان ربنا يرزقك شكره و ذكره و حسن عبادته
ادعي ان ربنا يعيذك من زوال نعمته (نعمة النظر و نعمة الموبايل و نعمة العقل و نعمة الانترنت و نعمة القلب و نعمة الأهل و الأصدقاء اللي لسه موجودين حوالينا لغاية دلوقتي الحمد لله)
ادعي و ادعي و ادعي ان ربنا يرزقك الدعااااااء
و ادعيلنا معاك بالله عليك،و احنا والله ان شاء الله هاندعيلك بالخير طوال الوقت ان شاء الله.