إهرب… إجري… خليك قليل الذوق مفيش مشكلة… خليك ندل ألف مرة مفيش مشكلة
لو حد من أصحابك بينشر طاقة سلبية… سيبه وإهرب
سيبه وإجري
ماتصاحبوش… سيبه وإجري بنفسك
لو حد من أصحابك هو السبب في الحاجات الغلط اللي إنت بتعملها
سيبه وإهرب… خليك قليل الذوق وإقطع علاقتك معاه… حتى خليك ندل مفيش مشكلة
لكن إهرب بنفسك
في ناس كتيرة أوي أوي أوي كويسة
في أصحاب كتيرة أوي كويسين
في جيران كتيرة أوي كويسين
في قرايب كتير أوي كويسين
خليك مع الناس الجميلة الإيجابية… إحتك بيهم وقرب منهم وإفرض نفسك ياسيدي عليهم
إنت اللي محتاج والله… وهما كمان
لو ليك صاحب هو السبب في إنك تدخن وهو السبب في القرف اللي إنت بتعمله… سيبه وإهرب… كفاية أوي كده معاه… كتر ألف خيره
لو إنت صاحب وبتخلي أصحابك يعملوا حاجات غلط… إنقذ نفسك وإنقذهم
لو ليك صاحب بينشر طاقة سلبية طول الوقت.. سيبه وإهرب… ياعم مش ناقصة… إعمله بلوك ألف مرة… مستني إيه؟؟؟ مش هاتاخد منه أي خير
ماتقولش: أنا هاكون صديق كويس ليه علشان أنصحه… يا عم إهرب.. إجري… إجريييييي
في مليون واحد تاني وظيفتهم إنهم ينصحوه ويكونوا أصدقاء خير ليه… والله إحنا عارفين إنه محتاج اللي يساعده… علشان كده إحنا هنا وبنعمل كده… لكن إنت لازم تهرب
إلا إذا إنت كنت شخص مؤهل فعلا إنه يقوم بالدور ده… يبقى أكيد إنصحه
لكن… إهرب من الطاقة السلبية… واصبر نفسك مع الناس الكويسه
وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا

إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #موبايلك #الأندرويد من هنا:
http://bit.ly/osloop-android
وأسلوب #أيفون من هنا:
http://bit.ly/osloop-iOS-eg
وده, #موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife
 
 
 
April 8, 2017  
  ,