وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ
لما تشكر نعم ربنا اللي عندك…
وعد من ربنا بالزيادة
و لما تجحد وتنكر وتكفر بنعم ربنا اللي عندك… …. …. مش هاتتبسط خااااالص
شوف نعم ربنا اللي إنت فيهم …
بص كده كمان مرة….
طيب كمان مرة علشان بس تتأكد
بص كده على نعمة إنك شايف الكلام المكتوب ده
شوف كده نعمة إن إنت في فضل من ربنا ونعمة
شوف كده نعمة إن اللي إنت بتعمله في الخفاء, مستور لسه وعندك فرصة توقفه
 
شوف كده طيب نعمة إن ربنا باعتلك رسالة قصيرة أوي تفكرك
تشكر؟
تحمد ربنا؟
تشكر أكتر وتحمد أكتر؟
 
وإذ … تأذن ربكم!!!! تخيل
تخيل لما رب السموات والأرض يقول: وإذ تأذن ربكم وإذ تأذن ربكم….
تخيل القسم آد إيه عظيم…
وهو من خالق السموات والأرض بيقولك ببساطة أوي لئن شكرتم…. لأزيدنكم ولئن كفرتم؟
ها…. قول إنت يالا ولئن كفرتم؟
إن عذابي لشديد!
 
اللهم لك الحمد كما ينبغي لجلال وجهك وعظيم سلطانك
اللهم لك الحمد حتى ترضى
اللهم لك الحمد ولك الفضل ومنك الخير كله
الحمد لله حتى يرضى والحمد لله بعد الرضى
الحمد لله
وَإِذْ تَأَذَّنَ رَبُّكُمْ: لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ
 
May 25, 2018  
  , ,