لا تحقرن من المعروف شيئا

 

اهلا بيكم فى الحلقة رقم 6 و برنامج اسلوب فى رمضان.

و حلقة بعنوان: عفوا… لقد نفذ رصيدكم

اخبار رصيدكم ايه من عمل الخير و نشر الخير بين الناس……

يا تري هانسمع رسالة: لقد اوشك رصيدكم علي الانتهاء…. برجاء اعادة شحن الرصيد؟؟؟!!

ما هو الرصيد ده …. هو اللي ييخلي حياتنا جميلة و مطمئنة و فيها سلام و بركة.

لازم نستغل رمضان السنة دي… ونشحن رصيدنا من عمل الخير.

دايما لما نسمع حد يقولنا اعمل خير، دماغنا بتروح علي طول علي الصدقات او الاطعام او كفالة يتيم و غيرها من الاعمال الصالحة المهمة ….. …ربنا يتقبل جميع صالح الاعمال منا و منكم.

بس فيه حاجات تانية كتيييير جدا ممكن نعملها كل يوم و لو حتي شئ شايفينه صغير او ممكن حتى نفتكره حقير زي ما وصفه النبي صلي الله عليه وسلم لما قال: لا تحقرن من المعروف شيئا….. 

الاعمال اللي بنشفها صغيرة دي إذا عملناها  بصدق و إخلاص 

ممكن ندخل بيها الجنة و ربنا يتقبلها منا. زي انك تبتسم فى و ش الناس و بلاش الابتسامات العريضة و الاسنان البيضة  للبنات اللي بتقبلهم فى الشارع ده كده مش معروف  يا عم الحج ربنا يهديك!!!.ده اسمه استظراف.

و كمان اعمال صغيرة زي انك تشيل اذي موجود في وسط الطريق..أو انك حتي تدي نصيحة من قلبك و باخلاص لصديق…او انك تقولي كلام حلو و تشجعي زوجك او زوجتك…….

او حتي انك تاكل قطة او كلب فى الشارع.و كمان ممكن تسعد الاطفال باي حاجة حلوة تديهالهم. او اي لعبة بسيطة تلعبها معاهم حتي و لو لخمس دقايق بس.

مواقف كتير فى حياتنا بتمر علينا ممكن نستغلها …..ممكن نعمل معروف فى حد باننا ندافع عنه و تقف في صفه لو مظلوم…….

اي معروف تقدر تعمله اعمله و ماتخجلش انك تعمل اي معروف مهما كان صغير.

لو ساعدتي مامتك فى تحضير الفطار ده معروف كبير عند ربنا…..لما تختاري انك تقولي لوالدتك و ووالدك بس كل الاخبار اللي تفرحهم و تكنعي عنهم الشكوي او اي حاجة يسمعوخا تزعلهم……..يبقى عملتي معروف حلو اوي.

“لا تحقرن من المعروف شيئا” اوعي تتردد عن فعل الخير……………..

واجب الحلقة:

1-قوم دلوقتي حالا و اعمل معروف صغير و قلنا فى كومنت عليه و انوي انك تستغل رمضان السنة دي و تعمل معروف كتييرر جدا…….-

2-اشحن كل يوم رصيد للخير اللي بتعمله, فعلا هتلاقي الخير و البركة دخلت حياتك……خلي عمل المعروف جزء من حياتك اليومية ابتداءا من رمضان السنة دي.

3- ادعي كل يوم ان ربنا يرزقك فعل الخير و يتقبله منك……لان فعل الخير رزق جميل اوي من ربنا

و رمضان كريم

————–

شاهد باقي حلقات أسلوب في رمضان من هنا:

http://bit.ly/osloop-sub

وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على ‫#‏موبايلك‬ ‫#‏الأندرويد‬ من هنا:
http://bit.ly/osloop-android
وأسلوب ‫#‏أيفون‬ من هنا:
http://bit.ly/osloop-iOS-eg
وده, ‫#‏موقع‬ أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وأكيد أسلوب على تويتر:
https://twitter.com/OsloopLife

June 10, 2016  
  ,