طريقة عمل فيديوهات أفكار أسلوب + الكتابة العربي في برنامج فيديوسكرايب fix videoscribe arabic

السلام عليكم – ناس كتير سألتنا في #أسلوب عن طريقة عمل فيديوهات أفكار أسلوب
وإحنا شرحنا بالتفصيل طريقة عمل جميع فيديوهات أسلوب في اللينك ده:
http://bit.ly/osloop-scribe-arabic
Fix Arabic videoscribe طريقة عمل فيديوهات أفكار أسلوب + حل مشكلة الكتابة العربي في برنامج فيديوسكرايب

الناس اللي مهتمة بالخصوص في عمل فيديوهات بطريقة برنامج #أفكار أسلوب
في تحدي الكتابة بالعربي بطريقة الكتابة الصحيحة باليد
وفي تحدي آخر, وهو إضافة صور ورسمها بالتفصيل, وليس بطريقة الدهان

تم شرح الطريقتين في هذا الفيديو, وتم أيضا شرح مشكلة تظهر لمعظم الناس الذين يجربون الكتابة بالعربي بإستخدام برنامج إينك سكيب… التفاصيل في الفيديو

الفيديوهات دي, معمولة بطريقة بسييييطة جدا, ممكن أي شخص ممكن يتعلمها بسهولة جدا… وأي شخص يستطيع عمل فيديوهات مبهرة, بأبسط تعليم…. لكن طبعا, اللمسة الفنية مهمة جدا جدا

البرنامج المستخدم هو:  VideoScribe

الموقع ورابط تنزيل البرنامج: http://bit.ly/osloop-videoscribe

ودي قناتهم على يوتيوب.. عندهم حلقات بسيطة جدا تعليمية:
http://bit.ly/osloop-scribe-training-youtube

التحدي الوحيد في البرنامج السهل الجميل اللي فوق ده, هو كتابة العربي, هو مش بيدعم عربي مباشرة, علشان كده, إحنا إتغلبنا على المشكلة دي, بإننا بنكتب الكلام العربي على برنامج تاني, وبنحول الكلام العربي vector وبنعمل إكسبورت للكلام بصيغة svg وبعدين بندخله صورة على برنامج VideoScribe
ودي الخطوات بالتفصيل:

١- نزل برنامج مجاني إسمه إينك سكيب من هنا
http://bit.ly/osloop-inkscape
٢- إكتب الكلام اللي إنت عاوزه بالعربي على برنامج إينك سكيب اللي نزلته في الخطوة رقم ١
٣- إختار الكلام العربي اللي إنت كتبته
٤- من القائمة اللي فوق, إختار
Path->Object to path
الإختيار اللي فوق ده, هايحول الكتابة من كتابة لصورة بصيغة svg
٥- إحفظ الملف اللي إنت حولته ده بصيغة svg ودي هاتكون صورة, برنامج ڤيديوسكرايب هايفهم إزاي يرسمها ويمشي على الخطوط صح
٦- إفتح برنامج ڤيديو سكرايب, ودخل الصورة اللي إنت حفظتها في خطوة رقم ٥… هايرسمها زي حلقات أسلوب بالظبط

May 27, 2016