إبدأ يومك مع مبادئ أسلوب
إبدأ يومك مع مبادئ أسلوب
و المبدأ الثالث من سلسلة ال ٢١ مبدأ لحياة أكثر إيجابية
إستخدم مبدأ باريتو … مبدأ ال ٨٠ ٢٠ في المية
في مبدأ مهم جدا جدا على اسم عالم الاقتصاد الإيطالي فيلفريدو باريتو
مبدأ باريتو ده بيقول: أن 80% من النتائج سببها بيكون 20% فقط من الأعمال
كلنا عندنا ١٠٠ حاجة عاوزين نخلصها في اليوم… منهم حاجتين أو أكتر… لو خلصناهم… هانحس إننا عملنا إنجاز كبير جدا في اليوم
ده معناه إن ٢٠ في المية من أعمالك اليومية… هاتديلك ٨٠ في المية من النتايج اللي إنت محتاجها لنجاحك
تعالو نقيس على خطة أعمالك اليومية ( و اللي إتكلمنا عليها في الحلقة اللي فاتت من سلسلة ال ٢١ مبدأ لحياة أكثر إيجابية)
لو عندك ١٠ حاجات تعملهم في اليوم… حاجتين بس منهم… لو عملتهم صح… هايكون لهم أكبر أثر نجاح في حياتك
مثال…عندك مذاكرة أو شغل … وتمرين و مشواير… و حاجات تانية كتيرة… … والوقت اللي متاح في يومك بيكون محدود وعندك ١٠ ساعات علشان تخلصهم…
إختار بنفسك… إيه أهم حاجتين عندك في اليوم… وإديهم ٨٠ في المية من وقتك ومجهودك… وباقي الحاجات كلها إديها بس ٢٠ في المية من الوقت والمجهود
كل واحد فينا… لازم يقدر يختار من خطة أعماله اليومية إيه أهم الأعمال اللي هاتحققله أكبر نجاح في حياته… ويدي لأهم الأعمال… أكبر وقت ومجهود
الخلاصة:
٢٠ في المية من الأعمال اللي وراك … هي اللي هاتؤدي إلى ٨٠٪ من النتايج المؤدية لنجاحك
يبقى لازم تتعلم إنك تعرف إيه هما ال ٢٠ في المية من الأعمال دي.
وتديها ٨٠ في المية من وقتك ومجهودك وطاقتك وتركيزك
قولنا في كومنت… إيه أهم الأعمال اللي هاتحقق لك أكبر نجاح في حياتك
وساعدنا في نشر الحلقة دي… وإعمل منشن لأصحابك
إعمل متابعة\سابسكرايب لقناة أسلوب على يوتيوب, علشان توصلك حلقاتنا أول لما تنزل
http://bit.ly/osloop-sub
وكمان نزل برامج أسلوب للأيفون والأندرويد… علشان توصلك جميع حلقات أسلوب بالترتيب الصحيح
نزل أسلوب على #موبايلك #الأندرويد من هنا:
http://bit.ly/osloop-android
وأسلوب #أيفون من هنا:
http://bit.ly/osloop-iOS-eg
وده, #موقع أسلوب:
http://www.osloop.com
وده أسلوب على فايسبوك:
https://www.facebook.com/osloop.life/
وده أسلوب على انستاجرام:
https://www.instagram.com/osloop.life/
وده أسلوب على تويتر:
https://twitter.com/OsloopLife
الحلقة صوت فقط على ساوند كلاود:
4 Responses to “غير حياتك مبدأ رقم ٣ من سلسلة ال 21 مبدأ لحياة أكثر إيجابية: مبدأ باريتو … مبدأ ال ٨٠ ٢٠ في المية”
صح انا موافقه علي الكﻻم ده وهو فعﻻ اللي بعمله
يارب يخليكم ويبارك فيكم
انا عندي مشكله مع ولادي وياريت الاقي معاكم الحل
عندي تلات ولاد 4 سنين و3 وسنه ونص الكبير بقى حركته زياده قوي لدرجة الحضانه بقو بيشتكو منه انه مش بيلتزم بمكان يقعد فيه داغير عند الولاد مع بعضهم والعند معايا ومش عاوزه اغلط واتعامل بالضرب لئن طبعا في مواقف بتتعمل بتجبر الواحد على كده بس بسيطر على ننفسيومش بتحصل الا قلما فايه اسلوب المعامله واتعامل معاهم ازاااااي ونقرب لبعضنا ازااااي واخليهم يسمعهو الكلام ويكون طبعهم هادي وشكرا اتمنى الاقي رد
اني اللعب رياضه واجيب العلاج من الكليه ومكسبش زي النهاردا وازاكىر انجلش